#فى اوضة احمد
خالد : انت صحيح هتتجوز هاجر
احمد : اه اكيد ما انت عارف هاجر دى الحاجه إللى كنت بدور عليها من زمان
خالد : انت متأكد
أحمد : طبعا يابنى
خالد : مع الاسف اختيارك غلط جدا انا عرفت حاجات مش كويسه عن البنت دى وكمان عرفت ان سر ارتباطها بيك هى ان حالتكم الاجتماعية مرتاحة جدا وانت ماشاء الله عليك استاذ مجتهد والف واحده تتمناك صدقنى يا احمد كل إللى بقولهولك دا صح انا لو مش خايف عليك مكنتش هقولك كده
احمد : أى يابنى الفيلم الهندى دى
خالد : احمد انا بكلمك بجد البنت دى مش كويسه لازم تبعد عنها
احمد : خالد بعد إذنك انت غالى جدا عندى بس انا ماسمحش انك تتكلم عليها كده دى هتكون خطبتى وبعدين مراتى
خالد : احمد انت لازم تصدقنى والله العظيم دى مش محترمه صحابى لما شافوك معها حذرونى منها وانا كمان اتأكدت من دا بنفسى
احمد : خالد وبعدين معاك قولتلك متتكلمش عليها كده انت مجنون دى هتكون مراتى اى التخلف دا وحتى لو صح دى حياتى انا حر
خالد : مجنون وتخلف عموما شكرا ليك يااخويا وصديق عمرى بس انا ربنا إللى يعلم نيتى وانى فعلا كنت خايف عليك بعد إذنك
( وبعدين خرج من الأوضة وكان زعلان جدا من رد فعل احمد لانه مكنش يتوقع ابدا ان احمد يتكلم معاه بالشكل القاسى دا وانه يفضل واحده زى دى عليه)
مريم : خالد خالد أى رايح فين
خالد : روما معلش لازم أمشى هبقى اكلمك باليل
مريم : طب حصل اى بس استنى ياخالد
امينة : اى فى اى مين نزل كده
مريم بعصيية : احمد احمد
احمد : الله ياخربيت صوتك اى دا
مريم : تعالى انا عايزك ( دخلوا الأوضة سواء) انت ازاى تمشى خالد زعلان كده
احمد : انتى عارفه اصلا هو كان بيكلمنى فى اى
مريم : اه عارفه انت بجد معندكش دم علشان احنا خايفين عليك وعلى مستقبلك ومش عايزنك ترتبط بانسانه جاشعه زى دى وفى الاخر تيجى علينا وعلى صاحبك بالشكل دا هو دا جزائه انه خايف عليك
احمد : دى حياتى وانا حر فيها وعندا فيكم انا هحدد انا وهاجر معاد فرحنا على طول
محمد : احمد فى اى ايه التفكير الغريب بتاعك دا مريم حكتلى على كل حاجه معقول انت احمد ابنى العاقل ازاى توافق ترتبط بدى
احمد : انا بحبها وهى بتحبنى ويكفى انها اتغيرت لما ارتبطت انا بيها وبعدين عايز افهم هى لو هاجر دى ندى كنت هتقولوا كده برضو
مريم : أخرس انت ازاى تشبه الحقيرة دى ب ندى انت مجنون
احمد : اتكلمى معايا عدل انا اخوكى الكبير ياهانم
محمد : بس يااحمد هى مغلطتش ندى دى اتربت مع اختك فى بيتنا يعنى كلنا عارفين هى مين كويس وأخلاقها عامله ازاى
احمد : يوه مابتصدقوا تجيبوا فى سيرتها انا بحب هاجر وهتجوزها والموضوع دا ميتفتحش تانى ممكن
محمد : ماشى براحتك يابنى بس بعدين ما تلومش غير نفسك
احمد : ماشى ماشى
مريم : مكنتش أتصور انك هتكون كده بجد يااحمد معقول انت عارف ان ندى بتحبك جدا قرب منها وسيب البنت دى والله العظيم دى متنفعكش
احمد : ولا ندى تنفعنى انا مبحبهاش مبحبهاش نفسى تفهموا دا ندى اختى ياجماعه اختى ارحمونى بقى
مريم : حرام عليك بجد عمرى ماهسامحك على إللى انت بتعمله دا ندى هتموت يااحمد
احمد : طب مااحنا كلنا هنموت
مريم : لا يا احمد ندى تعبانه ومش فاضل لها وقت طويل والدكتور قال أن احتمال أنها تخف بنسبة 50% لو مشيت على العلاج بس هى رافضة دا تعرف ليه
احمد : انتى بتقولى اى
مريم بدموع : علشان هى بتحبك اوى بتحبك اكتر من اى حاجة فى الدنيا بتحبك لدرجة أنها عايزه تموت نفسها ولا أنها تشوفك مع حد غيرها
احمد : انا مش عارف هى ليه كده يعنى هى بتجبرنى على الارتباط بيها مثلا بالطريقة دى
مريم : ايه لا طبعا انت متخلف والا مكنتش خبت عليك وعليهم كلهم
أحمد : ماشى بس إللى قولتيه دا مغيرش حاجه انا لازم اتجوز هاجر غصب عن اى حد انا هتجوزها
مريم : انا فعلا غلطانه انى اتكلمت معاك
( وبعدين مريم دخلت اوضتها وكانت مضايقه جدا وعامله تعيط مش عارفه تعمل اى بالظبط ندى إللى يائسه من كل حاجه وهتموت من كتر خوفها على احمد من البنت دى والا احمد ذات نفسه إللى مش فارق معاه حاجه والا خالد إللى زعل ومشى والا اى بالظبط وبعدين نامت )
