#فى بيت ندى
مريم : ازيكم ازيك يانودى عامله ايه
ندى : الحمدلله اى السرور دا كله حصل اى
مريم بسعادة : كلكم معزومين على فرحى اخر الشهر خالد جيه لبابا امبارح باليل وقاله وصمم اننا نتجوز وقاله لو ما اتجوزتش هموتلكم نفسى وقرر فرحنا الخميس اللى الجاى إن شاء الله
مصطفى : اهو جبت انا حاجه من عندى مش دى صاحبتك حبيبتك اتجوزى معاها بقى فى نفس اليوم
عماد : بس يا مصطفى ما ينفعش على الأقل خالد و مريم مخطوبين بقالهم كتير فعلا لكن انتم لا
عادل : طب وهو انتم عايزين تتعرفوا عليه يعنى علشان تعملوا خطوبة دا انتم عارفينه اكتر منى انا شخصيا
سماح : خلاص وافق يا عماد انا عايزه افرح بقى شوية
مصطفى : ياحبيبتى ياحماتى ربنا يخليكى ليا
سماح : واد اى حماتى دى والله أغير رأى هى ماما اى حماتى دى
مصطفى : والله بحبك يااحلى ماما فى الكون ها ياعمى اروح اطبع الدعوة
عماد : امرى لله إطبع ياخويا إطبع
سماح : زغرطى يامريم
ندى : بس احنا كدا مش هنلحق نعمل حاجه
مريم : مين قالك كدا سيبى كل حاجه عليا وانت يااخ كلم خالد بقى وظبطوا الدنيا سوا
مصطفى : شايفه صاحبتك عاقلة ازاى ومستعجلة أكتر من خالد مش زايك هبلة
مريم : ياعم انا لو طولت اتجوز بكرا أقسم بالله ما هعترض انا اصلا اللى قولت لخالد يروح يعمل الشويتين دول على بابا علشان اتجوز الواد هيطفش منى ياخويا يرضيك كدا
مصطفى : لا ميرضنيش
سماح : لا ناصحة ناصحة ربنا يسعدك يارب ياحبيبتى خالد ابن حلال هيسعدك اوى
مصطفى : وانا وانا والنبى قوليلها كلمتين عليا يمكن قلبها يحن
ندى : وبعدين معاك بقى
مريم : طب تعالى يانودى انتى وطنط نقعد جوا اقولكم انا كنت هعمل اى وقولوا رأيكم
ندى : ماشى يلا
#اما في بيت اهل مريم
امينه : معقول يامحمد اسبوع واحد هتعمل اى بس فيه
محمد : خلينا نفرح بقى ياامينة انا قولت لخالد يظبط قاعة شيك كدا و الفستان والبدالة ينزلوا هما يختاروه اما بالنسبة للميك آب ارتست تتحجز عادى بالتليفون يعنى الموضوع سهل مش صعب للدرجة
أمينة : طب والناس محدش يعرف
محمد : انا ياستى هنزل مع خالد النهاردة نطبع دعوة الفرح بحيث أنها تتوزع على الناس فى اقرب وقت وبس قولى لأحمد بس يبقى ينزل مع صاحبه يشوفوا قاعة حلوة
امينه : طب و الشقة
محمد : أنتى ناسيه الشقة جاهزة من يوم الخطوبة وانتى شوفتيها وكانت عجباكى صح
امينه : انت متحمس اوى كدا ليه
محمد : الله ومتحمسش ليه مش فرح بنتى الكبيرة اول فرحتى بالله عليكى بقى اهدى وسيبى كل حاجه على ربنا ان شاء الله خير
#اما عند خالد
ام خالد : معقول ياحبيبى يعنى وافقوا
خالد : اه ياماما مفيش وقت بقى عايزين ننجز كل حاجه ماشى
ام خالد : طبعا ياحبيبى واصلا الحمد لله كل حاجه مترتبة الشقة جاهزة مش ناقصها حاجه والباقى شكليات وسهل يتظبط انت بس كلم مريم واتفقوا مع بعض هتعملوا الفرح فين والفستان والحاجات دى
خالد : معاكى حق انا هكلمها دلوقتي واشوفها فين ( بس قطع كلامه اتصال مصطفى بيه ) اى دا مصطفى خير ..... الووووووو ازيك يا مصطفى
مصطفى : ازيك ياعريس عامل ايه
خالد : الحمدلله بخير انت عرفت
مصطفى : اه شوفت بقى مريم كانت عندنا وقالتلنا كلنا بس اعمل حسابك مش لوحدك اللى هتتجوز اخر الشهر انا كمان ياحبيبى هنقل من مرحلة عازب اللى متزوج
خالد : بجد يا مصطفى ندى وافقت
مصطفى : اه الحمدلله واتفقنا نعمل فرحنا معاكم علشان كدا بتصل بيك
خالد : والله فكرة حلوة جدا خلاص بص مش هينفع الكلام فى التليفون هات مريم وندى وتعالوا نتقابل فى النادى ونتكلم ونشوف هنعمل اى علشان مفيش وقت
مصطفى : خلاص ماشى نص ساعة بالكتير وهنكون هناك
خالد : تمام يلا سلام
مصطفى : سلام " بعد ما قفل " ندى
ندى : نعم يا مصطفى
مصطفى : البسى ويلا ننزل النادى خالد عايز يشوفنا احنا التلاتة
ندى : اشمعنا
مصطفى : صبرنى يارب حبيبتى احنا المفروض هنتجوز بعد اسبوع لازم نجهز كل حاجه قبل ما الوقت يسرقنا
ندى : حاضر دقيقتين وهتلاقينا جاهزين
سماح : طب ما تخليه يجى هنا بدل ما تتزلوا علشان ندى لسه تعبانه
مريم : متقلقيش مااحنا هنكون معاها وبعدين هى تقريبا من وقت العملية وهى مبتنزلش من البيت الا لما بتروح للدكتور ف سبيها بقى تغير جوا
عماد : مريم معاها حق خليها تنزل بدل القاعدة دى بس خدو بالكم منها بس
( وبالفعل ابطالنا نزلوا يتقابلوا علشان يجهزوا لفرحلهم و كل واحد فيهم اتفق هيعمل اى خالد ومصطفى عملوا سيرش عن افضل واشيك القاعات واخيرا اتفقوا على قاعة كويسة اما ندى ومريم استقروا على ميك اب ارتست معينة وبالنسبة للفستان والبدلة طلبوا اشيك حاجه اون لاين وبكدا مش فاضل غير الدعوة ودى كانت مهمة احمد وبالفعل جهزهم وعزموا كل قرايبهم وأصدقائهم وكانوا كل ابطالنا سعداء جدا ندى صحتها كويسة وحاسه براحة من اختيارها ومصطفى مش قادر يصدق أن اخيرا الحب بدأ يظهر علي حببته وأحمد لان علاقته بالجميع بقيت كويسه جدا خاصة ندى بقيوا أصحاب واخوات بكل ما للكلمة معنى وطبعا مصطفى بالرغم أنه بيغير عليها منه لكن مبسوط من التغير دا جدا أما بالنسبة لعصافير الحب خالد ومريم فى غاية السعادة ومش مصدقين أنهم خلاص هيكونوا مع بعض واخيرا وصلنا لليوم المنتظر الفرح ..فى صباح يوم ملئ بالسعادة على الجميع )
