#فى بيت مريم
خالد : اى يامريم اى ياطنط سكتوا يعنى عايز اعرف امتى احمد ضرب مريم علشان هاجر علشان كدا مش بتكلميه وكل اما اسالك تطلعى ب مليون حجة
مريم : اهدى يا خالد وانا هقولك
عودة للماضى
( بعد وفاة ندى مريم بقيت مع احمد طول الوقت فى شغله وفى يوم هاجر كانت متفقة مع احمد انهم يخرجوا مع بعض وراحتله الشغل )
هاجر : انتى يا اسمك ايه احمد خلص وإلا لسه
مريم : الله ما طولك ياروح انتى اى اللى جابك هنا يابتاعة انتى
هاجر : اتكلمى عدل وردى على سؤالى احمد خلص
مريم : هى البعيدة عمياء وإلا طرشة انتى مش سامعه صوت احمد جوا يبقى اكيد لسه
هاجر : طب روحى روحى ياشاطرة اعمليلى حاجه اشربها وقوليله انى موجوده بس بسرعه علشان مستعجلة
مريم : انتى مجنونة يابت انتى انتى مش عارفه انتى بتكلمى مين
هاجر : او نو اه عارفه بكلم مين ويلا خلصى انا عندى صداع مش ناقصكى
مريم : طب تعالى بقى وانا همشيلك الصداع دا ( ومسكتها من شعرها ونزلت فيها ضرب واحمد خرج على صوتهم )
احمد : اى دا فيه اى بس سيبوا بعض مش كدا
هاجر بتمثيل العياط : احمد الحقنى ياحبيبى شوف اختك عملت فيا ايه وكل دا علشان بقولها انا عندى معاد مع احمد ممكن تقوليله انى موجوده ف لقتها بتطردنى من هنا وبعدين نزلت فيا ضرب كدا
مريم بعصبية : انتى كمان بتكدبى عليه ودينى ماانا سيباكى ياتربية الشوارع انتى
احمد بعصبية : مريم بس هى حصلت ترفعى ايدك عليها وانا واقف دى هتكون مراتى
مريم : بدل ما تزعقلها بتشخط فيا انا هقول ايه بقى ماهى ممشياك زى ما هى عايزه ( ولكن اتفجئت بقلم على وشها منه )
مريم بدموع وايدها على خدها : احمد دى اول مرة تمد إيدك عليا
احمد : واكسر رقبتك كمان انتى مش مكفيكى اهانة لخطبتى جايه تزعقيلى انا كمان
مريم : ماشى يااحمد خليك فاكر القلم دا كويس اوى اوعى من وشى ( وسبتهم ومشيت معيطة )
نرجع للحاضر
خالد : معقول حصل كل دا و ازاى احمد يعمل معاكى كدا من غير ما يسمعك انتى صحيح غلطتى انك ضربتيها بس ميعاقبكيش بالشكل دا
مريم : دا اللى حصل ومن وقتها وأنا مش بكلمه
خالد : لا مينفعش دا اخوكى الكبير بردو لازم تسامحيه ودا كان فى وقت عصبية بس هاجر دى حسابها كتر اوى عندى
أمينة : معاك حق يابنى من وقت ما دخلت حياتنا واحنا حالنا كلنا اتلغبط المهم انت خلصت شقتك وإلا لسه
خالد : اه خلصتها فاضل بس اللمسات الأخيرة وبس
مريم : حتى لو خلصها انا لا يمكن اتجوز قبل ما تعدى سنتين على الأقل على وفاة ندى
خالد : معاكى حق ياحبيبتى انا كمان شايف كدا
امينه : اللى تشوفه دى حياتكم انتم مش هتنزلوا بقى
مريم : لا هننزل خلاص يلا عايزه حاجه ياحبيبتى
امينه : لا ياحبيبتى تسلملى خد بالك منها ياخالد
خالد : فى قلبى قبل عنيا من جوا متخافيش
امينه : ربنا يسعدكم يارب ياحبيبى متتاخروش بقى مريم : حاضر سلام
امينه : سلام ( بعد ما نزلوا )
خالد : مريم فى جاجه عايزه اقولك عليها
مريم : حاجه أى قول
خالد : هاجر على علاقة بواحد بتنزل تقبله كتير اوى مش عارف ازاى اخوكى مش بيشك فيها
مريم : ايه معقول هو وصلت أنها تخون اخويا
خالد : دا اللى انا اكتشفته
مريم : طب خليك متابع بقى علشان خلاص مفيش وقت لازم ننهى القرف دا كله يا خالد المفروض كدا عدى خمس شهور و الوقت الطويل دا مموتنى من الرعب
خالد : مش لوحدك اللى قلقانه والله ياحبيبتى انا كمان قلقان وهى كمان خايفه من المواجهة اوى
مريم : تفتكر ممكن يقطعونا بسبب اللى حصل دا
خالد : لا لا مش للدرجة دى ياحبيبتى بس هى هتكون صدمة شديدة اوى عليهم كلهم
مريم : ربنا يستر عندك شغل النهاردة
خالد : لا مخنوق ف مروحتش هو احنا هنتجوز امتى بقى وبيغمزلها
مريم : نخلص من اللى احنا فيه دا بس وانا هتجوزك من تانى يوم على طول
خالد : لا ياعمرى دا من اول يوم وانتى الصادقة
مريم : يارب مترجعش فى كلامك بس
خالد : انا اقدر بردو
مريم : طب بقولك اى ماتيجى نروحلها الأول هموت و اطمن عليها
خالد : بعد الشر عليكى ياقمر بس كويس اننا قدرنا نقنعها انها تستغل الوقت دا
مريم : اه الحمدلله كدا افضل شغل موسيقى بقى وبص قدمك وركز فى سواقتك
خالد : ما كن كويسين الله
مريم : وبعدين معاك
خالد : خلاص يا ساتر عليكى
#فى المطعم
هاجر : خد ياحبيبى خلى الفلوس دى معاك
وليد : منحرمش منك أبدا ياحبيبتى بس انتى شاطرة اوى عرفتى تظبطى الدنيا كدا من البداية
هاجر : طبعا ياحبيبى عيب عليك دا انا هاجر
وليد : لسه حد بيضايقك تانى
هاجر : لا ياروحى خلاص البنت اللى كانت بتحبه دى ماتت خلاص واخته بعد اخر خنقة مش بشوفها وابوه مقطعه فاضل امه ودى شوية وهطفشها متقلقش
وليد : برافو عليكى ياحبيبتى خليكى مركزة معاهم كدا وحاولى تطلعى منه بااى حاجه دا مش قليل بردو ولا اللى معاه قليل
هاجر : من عنيا ياحبيبى انت تؤمر
( طبعا هما قاعدين يحبوا فى بعض ويتفقوا على بطلنا ومخدوش بالهم أبدا بالشخص اللى قاعد وراهم وبيسجلهم صوت وصورة نسبهم بقى يكملوا )
#فى شقة بعيده عن ابطالنا
مريم : وحشانى وحشانى اوى
مجهول : ....................
مريم : الحمدلله كلنا بخير طمنينى عليكى انتى
مجهول : ................
مريم : العلاج ماشى تمام
مجهول : ...............
مريم : الحمدلله
خالد : اطمنى خلاص كلها فترة صغيرة كل دا هينتهى مستعدة للمواجهة
مجهول : .............
مريم : انا خايفه اوى حاسه ان دا كله غلط
خالد : لا انا مش معاكى خالص يامريم على الأقل عرفنا راسنا من رجلينا وقدرنا نتأكد من هاجر ومعانا اللى يثبت أنها بتخون احمد لما كل دا يخلص الحاجات دى كلها هتحسن موقفنا وكمان احنا استغلنا الفترة دى فى العلاج يعنى الوقت مضعش على الفاضى
مريم : معاك حق طب يلا نمشى بقى علشان منتاخرش ويقلقوا
خالد : ماشى يلا خدى بالك من نفسك وزى ما قولتلك لو عوزتى حاجه كلمينى فى اى وقت هبقى اجيلك تانى مع السلامه
مجهول : سلام ( بعد ما نزلوا )
خالد : عارفه ياروما على قد ماانا مدايق اننا وصلنا للدرجة دى على قد ماانا مبسوط اوى منها حاسس أنها اتغيرت 180درجة
مريم : فعلا يا خالد اللى حصل دا خلها شخصية قوية وقدرت تتغلب على قلبها ومرضها وحبها وضعفها وكل حاجه بس اتمنى كل حاجه تفضل زى مااحنا خططنلها
خالد : إن شاء الله ياحبيبتى انا متفائل احنا هنتجوز امتى بقى
مريم : وبعدين معاك انت كل شوية تسالنى نفس السؤال
خالد : اعمل اى بقى بحبك
مريم : انا كمان بحبك جدا دايما بتثبتلى انى مغلطتش لما حبيتك ربنا يخليك ليا
خالد وبيغمزلها : هو احنا لازم نروح عند اونكل عماد
مريم : اه لازم
خالد : يا خسارة كان نفسى اخطفك شوية
مريم : ما تحاولش هنروح يعنى هنروح
خالد :حاضر ياستى من عنيا
( وبالفعل راحوا هما الاتنين عند أهل بطلتنا )
............................................ نكمل بعدين
