فى بيت مريم
مريم : ندى قومى بقى ياحبيبتى كفاية كده علشان متتعبيش من النوم دا
ندى : حاضر ياروما هقوم خلاص بس عندى صداع راهيب مش قادرة منه
مريم : ياندى علشان خاطرى انا سمعت ان فيه كورس بيتاخد للمرض دا انتى لازم تعمليه مرتين ثلاثه وياستى لو على الفلوس مالكيش دعوة
ندى : لا طبعا مش مسألة فلوس بس الكورس دا متعب جدا ولو عملته اكيد بابا وماما هيعرفوا وانا مش عايزه اعذبهم معايا
مريم : يابنتى ماينفعش دى صحتك ياندى طب ارجوكى فكرى كويس
ندى : حاضر هى الساعه كام
مريم: تقريبا 6 او 6:30 ليه
ندى : ايه يالهوى المفروض كنت ابقى مع احمد من 5 ليه سبتينى أنام كل دا
مريم : بلاش هبل انتى تعبانه ارحمى نفسك بقى اصلا انا مش عايزكى تشتغلى تانى مش كفاية انك مش بترضى تاخدى مرتب منه يعنى تعب على الفاضي
ندى: لا حرام هو كده هيتعب فى شغله وبعدين انتى عارفه انا مش بشتغل علشان الفلوس
مريم : قال يعنى يابت بيجى بفايدة دا بارد مش فارق معاه اى حاجه سيبك منه بقى
ندى : يا مفترية حرام عليكى طب والله بقاله فترة كدا ربنا هديه عليا اوى وبيتعامل معايا كويس وغير كدا مش بيهون عليا اسيبه لوحده من غيرى وحضرتك مش بتحبى تنزلى معاه ف عادى بقى
مريم : مش عارفه اقولك ايه بجد نفسى يعرف انتى بتحبيه قد ايه فعلا يابخته ياريت خالد يكون بيحبنى ولو ربع الحب دا
ندى : حبيبتى خالد مش بيحبك خالد بيعشقك اوعى تقارنى حبه ليكى بأى حب تانى
مريم : معاكى حق بس علشان خاطرى بلاش شغل خليكى كده يومين تلاته عقبال بس ماتكونى كويسه
ندى : هحاول بس هو فعلا صعب الفترة دى علشان دخول الامتحانات ف هو مضغوط ربنا يسهل
مريم : لو مش عايزه تقوليله انا ممكن أكلمه عادى هو اصلا مش هيقول حاجه
ندى : لالا بلاش انا بحب أساعده بكون مبسوطه وانا ومعاه يا ستى اسكتى بقى
مريم : مفيش فايدة فيكى انتى كمان
ندى " وايدها على قلبها " : تعرفى ياروما على قد ما القلب دا ضعيف ومش هيعيش كتير لكن حبه لاحمد قوى اوى أقوى من اى حاجه بجد معرفش انا جيت ف الدنيا دى لقيت نفسى دايبه فيه كدا
مريم : ندى علشان خاطرى انسى بقى يابنتى انتى هتتعالجى صدقينى وهتكونى بخير بإذن الله
ندى : يارب طب انا همشى بقى ماشى
مريم : لا استنى احمد يجى وننزل نوصلك
ندى : ماشى طب نستغل الوقت دا فى المذاكرة بقى
مريم : على فكرة احمد احتمال يتأخر قومى أمشى يلا
ندى : ماهو كان جاى من شوية.. طب خلاص تعالى نطلع برا مع عمو وطنط
ندى : ماشى يلا قال مذاكرة قال
محمد : ها ياحبيبتى عامله ايه دلوقتي
ندى : الحمدلله احسن
مريم : طبعا لازم تكونى احسن انتى نمتى واستريحتى مش انا إللى طلع عين أمى
أمينة : إللى يسمعك كده يقول انك كنتى بتغسلى وبتنضفى يابت
ندى : معلش يا طنط خليها عليكى
مريم : انا هدخل اشوف اى حاجه اكلها بدل ماانتم عمالين تظلموا فيا كدا
ندى : والله فكرة انا جعانه يلا بينا
( اثناء ماكانوا بياكلوا احمد جيه بصوت واطى جدا ودخل على المطبخ)
احمد : بتعملوا ايه
ندى : اى يا بنى دا قطعتلى الخلف حد بيدخل كده
مريم : مش هتستريح غير لما تجبلنا سكتة قلبية انا عارفه
احمد : انتم على طول بتاكلوا كده
مريم : حضرتك المفروض نعمل اى يعنى غير الاكل
ندى : تعالى كل معانا انت اكيد مااكلتش لحد دلوقتي
احمد : اه والله يانودى فعلا
مريم : خلاص تعالى أنزل معايا نوصل ندى وأبقى تعالى كل براحتك
ندى : لالا كل الاول براحتك وبعدين نادى عليا انا برا
احمد : اكيد طبعا انتى تفتكرى انى هنزل وانا جعان كده انسى ياماما
مريم : همك على بطنك على طول كده
احمد : اه يلا سبونى اكل بقى
ندى : خلاص كل بالهنا والشفاء يلا احنا ياروما نستنى برا احسن علشان يأكل براحته
مريم : ماشى يلا
( وبالفعل بطلنا خلص اكله ونزلوا سوا يوصلوا ندى )
فى الطريق
مريم : اى الصمت دا ماتقولوا حاجه
احمد : هقول اى يعنى
مريم : تحبوا اغنيلكم
احمد : لا والنبى بلاش مش ناقصين تلوث سمعى
ندى : اتفق معاه جدا بصراحه انتى بيستى حبيبتى اه لكن لما الحنجرة بتتفتح يا ساتر
مريم : انتم اصلا اعداء الفن مش بتفمهوا حاجه... طب خلاص بقولك اى يا احمد قولنا كده مواصفات السفيرة عزيزة إللى حضرتك بتحلم بيها
احمد : اتكلمى على قدك ياماما
ندى : اى يا احمد ماتقول بجد انا كمان عايزه اعرف
احمد : حاضر ياستى هقول علشان خاطرك انتى ..البنت دى لازم تكون فى منتهى الجمال يكون مفيش اى بنت تانية فى ربع جمالها ولازم تكون واثقه من نفسها اوى وشخصيتها قوية جدا تكون اميرة فى نفسها كده وشيك وزوقها حلو واكون بحبها طبعا اهم حاجه
مريم : طب انت مش ممكن تتجوز واحدة بتحبك وانت مع الوقت تحبها
احمد : مفيش الكلام دا يا روما الحب بيجي مرة واحدة يا قلبها يخطفنى يا ميخطفنيش علشان كدا عمرى ما هتجوز غير واحدة بحبها
مريم : يمكن .. يلا يا نودى اطلعى انتى بقى
ندى : طب اطلعوا معايا شوية
احمد : لالا هنمشى سلملى على بابا وماما بقى سلام
ندى : ماشى سلام ( بعد ما طلعت )
مريم : انت مش هتبطل بقى
احمد : ابطل اى بس
مريم : احمد انت فاهم انا اقصد اى بجد ندى بتحبك جدا ليه بتعمل فيها كده وبتتعمد تقول الكلام القاسى دا قدامها
احمد : مريم قولتلك مليون مرة ندى اختى وهتفضل اختى
مريم : على فكرة بجد انت مش هتعرف هى بتحبك ازاى غير لما تفقدها وقتها هتندم صدقنى
احمد : ماهو علشان كده انا عايز اكرها فيا مش حابب اشوفها كده بجد
مريم : احمد ندى بالنسبة لها انها تفضل تحبك فى السر احسن ماتعترفلك وانت تسبها
احمد : طب على فكرة بقى انا بحب البنت الجريئة جدا وندى خجولة زيادة عن اللزوم
مريم : تقصد ندى محترمه زيادة عن اللزوم والله هى خسارة فيك
احمد : بس ياجزمه اخرسى وامشى وانتى ساكته يعنى هيبقى صداع فى الشغل وصداع فى برا كمان اسكتى
مريم : طيب يا ساتر عليك
....................................................
