#فى شقة خالد
مريم بصدمه : يا نهار اسود خالد بسرعه هات ماية نفوقها بيها او ازازة برفان يلا اعمل اى حاجه بدل ماانت واقف كدا
خالد : حاضر حاضر ( وبالفعل جرى وجاب برفان من الأوضة وحاولوا يفوقوها لحد ما حاتم يجى )
مريم بعياط : دا اللى انا كنت خايفه منه شكلها تعبان اوى
خالد : ياحبيبتى اهدى هى بخير والله وحاتم قالى دقيقتين وهيكون هنا وهيطمنا اكتر متقلقيش
مريم : يارب استر يارب ( وشوية والباب خبط )
خالد : اى ياحاتم اتأخرت كدا ليه
حاتم : لا اتأخرت ولا حاجه فى ايه مالها
خالد : معرفش ياحاتم جينا لقينها مغم عليها فى الارض وبعدين فوقنها ومريم ادتها علاجها ونامت ادخل شوفها يلا ولو محتاج تنقلها المستشفى اعمل كدا فورا مش مهم اى حاجه المهم أنها تكون بخير
حاتم : انا فاهم ان شاء الله خير تعالى بس اشوفها الاول ( بدا حاتم يكشف عليها )
حاتم : حرام عليكم انتم مسيبنى شغلى وجايبنى على ملا وشى كدا ياخربيت معرفتكم الزفت
مريم : خير ياحاتم فيها أى
خالد : ما تقول يابنى مالها
حاتم : هبوط حضرتك الانسة شكلها مش بتاكل كويس والعلاج والمرض مخلين مناعتها ضعيفة جدا وسبق وحذرت من الموضوع دا صح والا لا
مريم : يعنى هى كويسه الحمدلله
حاتم : اه الحمدلله هى كويسه وانا هكتبلها على فيتامينات وهعلق لها محلول
خالد : تمام
حاتم : تعالى ياخالد برا عايزك ... بص بقى العلاج القديم هتفضل ماشية عليه فترة طويلة شوية وان شاء الله هنبقى نعمل إشاعة كمان شهرين كدا بس المهم أنها تهتم ب اكلها كويس جدا لانها بتاخد علاج قوى اوى
خالد : حاضر
حاتم : حضرلها الأكل بعد المحلول بساعتين تاكل على طول
خالد : تمام تعبينك معانا دايما ياحاتم مش عارف اقولك اى والله كتر خيرك بجد بس انت عارف الموقف وفاهم كل حاجه انا معرفش اكلم حد غيرك
حاتم : انا عارف طبعا يابنى ومتقولش كدا احنا صحاب مفيش بينا الكلام دا
خالد : اكيد طبعا تسلم نورتنا الشوية دول
حاتم : دى نورك تسلم مع السلامه
خالد : سلام ( لما حاتم مشى ) ها يا روما هى عامله ايه دلوقتي
مريم : الحمدلله بقيت أحسن بس انا قلبى وجعنى عليها ينفع تتعب كدا ومحدش يكون معاها وانا مش هعرف أبيت معاها علشان ماما
خالد : تقصدى اى يا مريم مش فاهم
مريم : اقصد اننا ننهى القصة دى كلها بقى احنا تقريبا كدا خلاص وصلنا للاحنا عايزنه واللى كن نقدر نعمله من غير اللعبة الحقيرة دى ياخالد مكنتش هسامح نفسى ولا هسامحك لو كان جرالها حاجه لوحدها
خالد : ياحبيبتى اهدى عموما احنا خلاص قربنا نخلص اللى بدأناه وهى كمان استفادت من دا ياحبيبتى الحمدلله بدأت علاج واحنا معاها وعرفت رأسها من رجليها فى المواضيع دى كلها مش عايزين ندمر كل حاجه فى اخر لحظة
مريم : معاك حق ياخالد طب انا عايزه اقعد معاها أتصرف ازاى
خالد : مش عارف والمشكلة أن مينفعش حتى انا أكون معاها هنا لوحدنا
مريم : نعم يا روح امك طبعا ما ينفعش
خالد : سبتى كل حاجه وقلبتى جعفر فجأة صبرني يارب انا رايح اجيب أكل و ناكل كلنا سوا خليكى معاها جوا بقى
مريم : ماشى متتاخرش
خالد : حاضر
( وبالفعل خالد راح يجبلهم الأكل واتصل ب مامت مريم وقالها انهم هيقضوا اليوم كله فى النادى النهاردة مع اصحابهم وهى ما منعتش لانها بتثق فيه وفى كلامه كويس... بعد ما خالد نزل تليفون مريم رن )
مريم بخوف : دا احمد اعمل اى اممم مش هرد احسن
مجهول : .....................
مريم : ماشى هرد ربنا يستر .... الووووو
احمد : لسه زعلانه منى
مريم : ازيك يااحمد عامل ايه
احمد : الحمدلله ياحبيبتى وحشانى اوى
مريم : اه ماهو واضح
احمد : لا بجد وحشاني جدا عايز أشوفك
مريم : إن شاء الله يااحمد
احمد : انا جاى باليل اتمنى اجى مالكيش نايمه زى كل مرة
مريم : حاضر
احمد : طب ياحبيبتى مش هعطلك يلا عايزه حاجه
مريم : عايزه سلامتك مع السلامه
احمد : سلام ( بعد ما قفل )
مريم : الحمدلله عدت على خير
