Do Kahaaniya 💕💕

18th

Chacha ji:. Shreyas.
(Shriya ne 2 second ke liye apni palake band kar li. Aur bina kuchh kahe ghar ke andar chali gayi. Aanand bhi Shreyas ki baate sun kar bohot bade shock me tha. Are wo ladki hai hi nahi aisi. Fir Shreyas ne aisa kyu kiya. Aur iska reason Shreyas ko bhi nhi pata tha. Actually use Aanand aur Shriya ke bich ka connection handle nhi ho rha tha. Isi liye usne ye sab kaha. Par use is baat ka hosh nahi tha ki isase Shriya kitni hurt ho sakti hai.)
Chacha ji:. Paagl hai tu? Bachchi ko udaas kar diya tune.
Shreyas:. Isame galat kya hai? Jo sach hai wo sach hai. Kyu sahi kaha uncle?
A random Uncle:. Haan.
(Shriya ghar ke pichhe backyard me gayi. Mostly aise situation par sab rote hai. Par as we know Shriya alag thi. Wo bilkul bhi nahi royi. Bas gussa aur frustrate thi. Par uske paas iska bhi ilaaj tha. Usane khudse baate karana shuru kiya.)
.
Chacha ji:. Shreyas tune ye bilkul thik nahi kiya. (Chachi ji ko ghar me le jaate hue Chacha ji ne Shreyas se kaha)
Shreyas:. Khudko bohot innocent dikhaane ki koshish karati hai.😏 Maine jo kiya wo thik hi tha.
Aanand:. Shreyas? Kya kiya yaar tune? Itani insult? Usne bigaada hi jya tha tera?
Shreyas:. Tum to kuchh bolo hi mat. Aur tum gaye nahi? Uske aansu pochhne? Usko sahaara dene? Dono lattu jo ho ek dusre par.
Aanand:. Kya? Paagal ho gaya hai tu? Kuchh bhi mat bol. Shriya aur mai sirf dost hai.
Shreyas:. Ohh. Achha... Toh "sirf dost" ho kar bhi raat raat bhar bahaar kya baate karne jate ho?
(Aanand ne bina 1 second waste kiye Shreyas ko zor se thappad maara. )
Aanand:. Paagal ho gaye ho tum? Yaar... Mere baare me thik hai par Shriya ke baare me aisa kaise bol sakte ho tum? Chhiii... Us ladki ne shaayad aaj tak kisi ladke ko us najar se dekha bhi nahi hoga. Wo ladki boyfriend and all banaane waali type ki nahi hai. Yaar mai use bachpan se dekha hai. Aur itane saalo me maine usase kabhi bhi baat nahi ki. Pehli baar maine baat ki jab ham car me baithe yaha aane ke liye. Wo to baat karti bhi nahi par uske Dad ne usase kaha isi liye. Yaar wo ladki kisi se bhi baat nahi karti. Ladke se baat karana to bohot dur ki baat hai.
Shreyas:. Toh us raat Shriya aur tum dono ek hi waqt par bahaar gaye the? Ye koi coincidence nahi ho sakta😏.
Aanand:. Shriya ka mujhe nahi pata par mai har roj raat ko upar ke room me sone jaata hu.
Shreyas:. Kya?😦
Aanand:. Haan. Kyu ki mujhe nind nahi aati kharrato ke bich me. Isi liye mai akele room me sone gaya tha. Aur Shriya aur mai bas achhe dost hai that's it. Aur jaha tak relationship ki baat hai to ek baat mai tumhe clear kar du. Mumbai me meri girlfriend hai. Jiske saath mai pichhle 2 saal se hu. Aur ye baat Shriya bhi jaanti hai.
Shreyas:. Par Shriya? Shriya kaha gayi thi us raat?
Aanand:. Mujhe nahi pata. Par mai 100% keh sakta hu wo aisi ladki hai hi nahi. Tune to uske saath jyada time spend kiya hai na? Fir bhi tujhe pata nahi chala?
Shreyas:. 😐😶😑
Aanand:. Tube bhi vahi socha jo baaki log sochte hai. Pata nahi kaun use samjhega. Yaar pure ghar waalo ke saamne tumne ek ladki ki badnaami ki hai. Iska matlab bhi jaante ho tum?
Shreyas:. Tum sahi keh rahe ho. Jaane anjaane me maine uske baare me bohot galat kaha. Par yaar kya wo mujhe maaf karegi?
Aanand:. I hope ki Shriya tumhe kabhi bhi maaf na kare. Kyu ki tum us laayak ho hi nahi.
Shreyas:. 😐😔
Aanand:. Par wo bohot alag hai. Wo meri ya tumhaari tarah nahi sochti. Ab uspar depend karta hai ki wo Maaf karegi ya nahi.
(Ye sab sunkar Shreyas ke paav tale jameen khisak gayi thi. Usane Shriya ke baare me bohot hi galat socha tha. Wo bohot gussa tha khudpar hi. )
(Aur Shriya, wo waha akele apane aap se baat kar rahi thi. Tabhi Chacha ji waha par aa gaye)
Chacha ji:. Beta? Shriya. Beta Shreyas ne aaj jo kiya wo bohot galat tha.
Shriya:. Chacha ji. Mai aapse ek baat kahu?
Chacha ji:. Haan bolo beta.
Shriya:. Chacha ji, mujhe bura is baat ka nahi laga ki usne sabke saamne mujhe ye sab kaha. Mere baare me itani buri baat kahi. Mujhe to bura is baat ka laga ki "Kyu log kisi ko judge karte hai?" Kyu hamesha kisi ke behavior se kisi ko judge kiya jaata hai? Maine Aanand se do has kar baate kya kar li Shreyas ko laga mera aur uska.... Chhhii. Itani ghatiya soch?
Chacha ji:. Tum apani jagah par bilkul sahi ho. Aur Shreyas ne bohot hi jyada galat kiya. Par uski zindagi me usne itani bure haalat dekhe hai ki wo kisi par bharosa karta nahi. Ya fir aisa kaho ki bharosa karana chaahta hi nahi. Sab sochte hai ki wo ek number ka flirt ladka hai. Ladkiyo ke saath flirt karte rehta hai. Kisi ke saath serious nahi hota. Par wo sach me kaisa hai wo sirf mujhe pata hai.
Shriya😦:. Matlab? Chacha ji, aisa kya hua hai Shreyas ke saath?
(Yaha Chacha ji Shriya ko Shreyas ke atit ke baare me bataane waale the. Aur waha Shreyas apani galati ke liye pachhta raha tha. )
Shreyas:. Yaar shittt. Ye kya kar diya maine😖😖. Aisa kyu bola maije Shriya ko? Mujhe usase maafi maangni padegi. Abhi ke abhi.
(Shreyas utha aur jaha sab ladkiya soti hai us room me gaya Shriya ko dhundhne. )
Pinky (Shreyas ki cousin):. Are Shreyas, tum yaha? Yaha kya kar rahe ho?
Shreyas:. Yaar Pinky, Shriya kaha hai? Yaar usase jaroori baat karani hai. Wo yahi tumhaare saath soti hai na? To hai kaha ab? Dikh nahi rahi.
Pinky:. Yaha? Shriya to yaha nahi soti.
Shreyas😳😲:. Kya? Fir kaha soti hai?
Pinky:. Wo to jabse yaha aayi hai tabse tumhare Chachi ke saath hi soti hai. Us din raat ko jab ham ek saath sone ja rshe the tab Chachi hi Shriya ko apane saath le kar gayi. Kyu ki Chachi hi to thi jinse Shriya sabse jyada ghulmil gayi hai.
Shreyas:. Matlab. 1st day se hi Shriya Chachi jis room me soti hai wahi?
Pinky:. Haan.
(Shreyas ko bilkul andaza nahi tha is baat ka ki Shriya 1st day se hi usi ke Chachi ke saath thi. Aur Shreyas na jaane uske baare me kya kya soch raha tha. Aur dusri taraf Chacha ji Shriya ko Shreyas ke baare me sabkuchh bataane waale the. Ab in dono ka reaction kya hoga ye to waqt hi bataaega...)

To be continued....