Do Kahaaniya 💕💕

14th

Shriya's Mummy:. Waha ja rahi ho to bohot enjoy karana. Nahi to hamesha ki tarah ek kone me jaa kar baith jaaegi. (Bag pack karate hue)
Shriya:. Mummy, Aapko pata hai na. Mujhse nahi hota kisi se khulkar baat karna.
Mummy:. Teri bhi galati nahi hai. Tere Papa ne hi tujhe pehle se aise bana kar rakha hai.
Shriya:. Mummyyyy... Plz aap firse mat shuru ho jaao. By the way Mummy... Ye Aanand kaun hai?
(Shriya ki Mummy ekdm se chup ho gayi. )
Shriya:. Mummy? Kya hua?
Mummy:. W-wo Aanand...
Shriya:. Kya hua? Papa ne bataane ke liye mana kiya hai?
Mummy:. Hmm😐
Shriya:. Thike. Phir mat bataao agar bata duya toh Papa ko bura lagega. Waise bhi maine to sirf isi liye puchha kyu ki Papa ne mere saath aaj tak kisi ladke ka naam nahi liya. Pehli baar kisi ladke ke bharose mujhe bahaar jaane de rahe hai. Isi liye.
Mummy:. Beta wo Aanand...
Nikhil:. Didiiii... Shekhar bhaai aa gaye.
Shriya:. Haaaa 2 minute ruko. Mummy... Aap kuchh keh rahi thi.
Mummy:. Kuchh nahi. Tu khush reh bass.
Shriya:. Aap aur Papa khush hai na? To mai bhi khush hi hu Mummy.
(Shriya ki Mummy ke Dil me kuchh to raaz tha. Jise wo bahaar nahi laana chaahti thi. )
(Shriya ne apane saare bags Shreyas ki car me rakhe. Sab ghar ke bahaar hi khade the. Kyu ki Aanand abhi tak nahi aaya tha. Shriya bohot jyada nervous thi kyu ki wo pehli baar akeli ja rahi thi. Aur Shreyas suspense me hi ghut raha tha. Use us Aanand ko dekhna tha. Ki wo hai kaun? Jis par Shriya ke Papa itana bharosa karate hai. )
Shreyas to himself:. Ye hai kaun Aanand? Pehle to iska naam kabhi nahi suna... Shriya se hi puchh leta hu. Nahi nahi! Agar usase abhi baat karunga to wo mujhse organizer vaali baat ke baare me puchhe gi. Ek kaam karata hu baad me puchh leta hu. Waise bhi mujhe lagta hai ye Aanand pakka koi boaring sa, khadus sa ladka hoga. Naam se hi pata chalta hai😏.
(Aur finally aadhe ghante baad uska suspense tuta. Ek bike par 2 ladke ghar ke bahaar aa kar ruke. Bike se ek ladka niche utara. Short height, ghar jaise kapade aur dono haathon me bags. )
Shreyas:. Ohhhh ye hai Aanand 🤣🤣🤣🤣
Shriya's Papa:. Nahi... Wo hai Aanand...
(Jab usne helmet nikaala to Shreyas ki aankhe khuli ki khuli reh gai. Totally perfect macho man... Body height face. Totally wow.com! Shreyas ne Shriya ki taraf dekha. Use laga wo bhi uski taraf waise hi dekh rahi hogi. Par wo to apani diary me khoyi hui thi. Uske face par ek sukun waali smile aa gayi. Jiska reason shaayad use bhi nahi pata tha. )
Aanand:. Namaste Uncle...
Shriya's Papa:. Namaste beta... Bohot bohot shukriya aapne hamaari baat itani jaldi maan li.
Aanand:. Uncle, aap kahe aur ham na maane. Aisa kabhi ho sakta hai kya? Waise bhi aap to hamaare (break) rishtedaar ho.
Shreyas(biche me baat kaatate hue):. Par Uncle... Iski to koi jarurat hi nahi thi. Mai yaani ki Ham khayaal rakh lete Shriya ka.
Shriya's Papa:. Pata hai beta. Par jimmedaari naam ki bhi ek chiz hoti hai.
Aanand:. Sahi kaha aaapane uncle.
Chacha ji:. Chale ab? Late ho raha hai... Subeh tak waha pohochana bhi hai.
Shriya's Papa:. Ji bilkul. Jaao Aanand.
(Shriya 2nd row me left window ke yaha baithi thi. Shreyas ke chacha ji usi row me right side ki window par . Shreyas ki Chaachi ji aur baaki 2-3 aurate bhi pichhe hi baithi thi. Us Aanand ko wo aage driver ke paas bithaane wala tha. Aur khud Shriya ke baaju me baithna chaahta tha taaki wo use puri baat detail me bata sake.  Par aisa nahi hua. Jab anadr jaane ke liye Shreyas ne door khola aur Aanand wahi khada tha. Toh Aanand ko laga Shreyas ne uske liye door khola hai. Toh is liye wo thank you bol kar andar chala gaya. Ab Shreyas use bol bhi nahi sakta tha ki ye door usne khudke liye khola tha. Isi liye wo chupchaap driver ki baaju waali seat par jaa kar baith gaya. )
Aanand:. Hi (Aanand ne Shriya ki taraf dekh kar kaha par wo apane headphones me songs sunane me busy thi. Isi liye usane phir ke baar haath badhaate hue kaha)
Aanand:. Hi🤝
(Shriya ne aaj tak kisi bhi ladke se baat bhi nahi ki thi. Aur ye Aanand use haath milaane ke liye keh raha tha. Usne window ke taraf khade uske Papa ki taraf dekha. Uske Papa ne first time ever use smile dete hue sir hila kar haa me javaab diya. Usne 1 pal bhi nahi socha ki Papa ne aisa kyu kaha bas usne ek badi si smile ke saath Aanand se "Hi" kehte hue haath milaaya. Sach! Wo din uske liye kisi festival se kam nahi tha. Subeh bhi unhone itani pyaari baat kahi. Aur ab ek badi si smile. Jisko dekh kar Shriya maano andar hi andar paagal hi ho gayi thi. Aur Shreyas, uska dhyan to un dono ke haanthon par hi tha. 2 second tak unhone ek dusre ka haath pakda hua tha. Agar 1 second aur haath pakde rakha hota to shaayad Shreyas Shriya par chilla hi deta. Dono ki aankhe alag alag taraf the. Aur Aanand wo bas khush tha. Ki Shriya ne at least use Hi to bola. Fir kya tha. Gaadi chal padi apani raah par. Wo raah jo kai faislo par tiki hui thi. Bohot saare mod the. Bohot saari feelings thi. 1 baje tak Aanand Shriya se hazaaro sawaal puchh chuka tha. Par Shriya har sawaal ka ha/na/ek word me javaab de rahi thi. Thodi der sab so gae. Shriya ko bachpan se aadat thi ki wo jab bhi travel karti thi use nind bilkul bhi nahi aati thi. Wo bas window se bahaar jhaank kar dekh rahi thi. Achaank usne apane shoulder par kuchh mehsus kiya. Wo Aanand tha. Sote sote uska sir Shriya ke shoulder par aa gaya tha. Shriya ne pehli baar kisi ladke ko itani paas dekha tha. Wo ek tarah se dar bhi gayi thi. Par Aanand ko utha bhi nahi sakti thi. Uski nind kharaab ho jaati. Isi liye usne kuchh nahi kiya. Thodi der baad driver ne car roki. Taaki sab Fresh hone jaae. Dhirr dhire sabki nind khuli. Shriya to jaag hi rahi thi. Shreyas utha. Wo car se utarne hi vala tha ki uski najar mirror par gai. Usne dekha Aanand Shriya ke kandhe par sir rakh kar soya hai. Usne 1 second bhi socha nahi. Aur jor se car ka horn bajaaya. Sab ke sab ekdm shock se uth gaye. Aanand bhi.)
Chacha ji:. Kya hua? Paagal hai kya? Horn itani jor se kyu bajaaya?
Shreyas:. Galati se haath lag gaya Chacha...
(Sabhi log car se niche utare chai pine ke liye. Shriya itani subeh chai nahi piti is liye wo nahi utari. Aur uski wajah se Aanand bhi nahi utara. Aur un dono ko ke wajah se Shreyas bhi nahi utara 😂😂. )
Random aunty(Car se utarte hue):. Beta Shreyas, tum bhi aao chai pine.
Shreyas:. Nahi Aunty mann nahi hai, aap jaaiye.
(Thodi der baad Aanand ke dimaag me ye baat khataki)
Aanand:. Wait! Unhone tumhe Shreyas bulaaya? Par Uncle ne to kaha tha tumhara naam Shekhar hai🙄. To ye aunty tumhe Shreyas kyu bula rahi hai?
(Ohhhh nooo!!! Shreyas ne to is baare me socha hi nahi. Shriya ko to is baare me pata tha. Par ye Aanand, ise ab kya batana hai? Goa me bhi sab rishtedaar Shreyas ko Shreyas hi bulaaenge. Chacha ji ko to zuth bolne ke liye mana liya tha. Par ab baaki rishtedaar? Unka kya kare😓😰😰😵😵)
To be continued...