أول مره أحس العافيه أبن أدم 💔

البارت الرابع

الحب
أصبح أضحوكه
لدى أحدهم
الحب
أصبح سلعه رخيصه
في زمن الوفاء
الحب
لا يقدر بثمن
ولكن عند أحدهم
بيع بأرخص ثمن

............................
بعد ما تحول حب زيد إلى كره وحقد وانتقام وحاول يذيني بكل الطرق على شنو وليش بس لان ما حبيته وما جنت اعرف الحب اجباري صار بهل الأيام وعتبر إني ما بادلته شعور الحب لان مغروره أو عندي علاقه بشخص ثاني يعني معقوله بهل زمن مستحيل تلكي إنسانه ما عاشت قصة حب مثل ما موجود الشي السيء أكيد موجود الشي الزين

المرحله الثالثه جانت من أصعب المراحل من ناحية الدراسه ومن ناحية المشاكل الي سببها زيد وحتى نظرات الطلاب و الاساتذه الي جانت كلها احترام وتقدير تحولت إلى نظرات كره واشمزاز كرهت حياتي وكلشي مااعرف شلون جنت اداوم وارجع لبيت طبعا اخويه أحمد تخرج بس بقه يجي ويايه لجامعه وصار يتواجد اكثر ويه اصدقاء زيد وهذا الشي كلش مخوفني

منى . شبيج مريم شكلج تعبان
مريم . منى خايفه وكلبي يوجعني احس اكو مصيبه راح اصير
منى . كولي يااا الله
مريم . يا الله بس صدكي كلش خايفه من زيد
ما شفتي شلون الاساتذه والطلاب يعاملوني يحسسوني وحده حقيره
منى . ماادري شكلج بس جنت اشوف زيد كيوت وحباب ومستحيل ايذي احد بس هسه كلش خايفه عليج
مريم . منى والله الليل ما انامه تخيلي صرت اخابر عليه هو الي ما يرد
منى . ولج يا عوبه ليش تخابرين عليه اجوز يشوف رقمج لاخوج
مريم . يمه صدك يسويها
منى . مريم سوه الي اكثر
مريم . بعد ما اتحمل لو بيدي جان عفت الدوام وكعدت بالبيت بس تدرين بابا  يشك واني اخاف
منى . لا تخافين ان شاء اللة ربج ياخذ حقج منه
مريم . ان شاء اللة
منى . يله إني اروح اجه اخوج
باي
مريم . باي
رجعنه لبيت إني وأحمد وجان بابا موجود صعدت الدرج
أبو محمد . مريم 😡
مريم . نعم بابا 😟
أبو محمد . شبيج
مريم . سلامتك بابا ما بيه شي 
أبو محمد . مريم إني مو غبي شبيج
مريم . حشاك بابا بس والله الثالث صعب ويتعب كلش
أبو محمد . اذا الموضوع موضوع دراسه ف مااكو شي يجي بالساهل لازم نتعب ونجتهد
مريم . ان شاء اللة بابا

كلبي احسه وكف من كثر الخوف كدام بابا كلت هاهي عرف أو وصله الموضوع باوعت بالمريه وجهي اصفر وعيوني ذبلانه صافنه على شكلي شلون صار ودخلت ماما
ام محمد . إني مراح ابقه اتفرج عليج وانتي صايره حالتج حاله اليوم لازم افاتح أحمد بالموضوع واخلي يوكفه عد حده كافي عاد
مريم . ماما انتي شمدريج اكيد منيره
ام محمد . ااي منيره عبالج إني غافله عنج يمه إني حاسه بيج
مريم . ماما الله يخلج خلصيني منه والله تعبت 😭
أم محمد . سوده عليه يمه من يطلع ابوج العصر احاجي أحمد وهسه نزلي تغدي
مريم . اوك بس ابدل

بدلت و نزلت طبعا جان يوم اربعاء وامي مسويه سمج مشوي وتمن احمر كلش ارتاحين لان أمي درت على الأقل توكف ويايه وهي الي ربتني وتدري ما تطلع مني الشينه أبد كاعد أكل ومكيفه اشويه
أحمد . بنات كليتكم أبد مو زينات
أبو محمد . وانته شمدريك
أحمد . بويه اصدقائي يسولولفون عنهن
أبو محمد . وانته عندك خوات
أحمد . ااي بويه ادري بس كاعد احذرها منهن
أم محمد . ليش انته تعرفهن يمه
أحمد . لا يمه بس صديقي زيد يكول اكو وحده بقسمهم كلش مو مريحه
مريم . 😢😭
أم محمد . يمه لا صدك بحجي الحد ما شوف بعينك هاي اعرض ناس
محمد . ماكو دخان بدون نار
أبو محمد . سمعتي مريم
مريم . ااااااي 🤤

يااا ربي ليش الفرح ما يلوكلي صار وليش نهايتي احسها قريبه
مرت الايام واني احس نفسي صرت بنظر كل القسم إني انسانه مو شريفه ورخيصه هم وغير الحجي الي يذبوا عليه الطلاب نفسيتي الي صارت بالنازل حتى صديقتي الوحيده والمقربه منى طلعت من حياتي بدون مبرر ما الومها ااي ابنيه تخاف على سمعتها  بس الي يقهر إني ما مسويه شي وهيج كاعد يصير ويايه بس لان رفضت إنسان متعود محد يكله لا
...................
تحياتي هبه أدم ⚘⚘⚘