أول مره أحس العافيه أبن أدم 💔

البارت الخامس

#الماي حيطانه الجرف

والسده شباچ النهر
والروجه لو طگها الهوى امن السده يطلع راسها

چم سنبلة أفتهمت غلط،.،

چم منجل أتوضه ب ورد
يذبحها كالوا بس وگف دنگ عليها و باسها.،.،.

#الدنيه_بت_عالم_غرب،.،

وادمها مو وادم گبل،.،
بالجامع الشيخ انتچه وشيطان صلى ب ناسها

............................................
حياتي صارت شبه معدوه والخوف مسيطر عليه إني وإمي واختي عندي أحساس قوي ان راح اتذه من وره زيد واكثر شي مخوفني علاقته ويه أخويه أحمد  طبعا بين فتره وفتره جان يرسل مسجات مستفزه يخليني بحيره واكثر مسجاته كلمه لو كلمتين جنت عايشه بقلق وخوف أحساس بصراحه مينوصف
بلشت الامتحانات النهائية واني ما محضره نفسي كلش ومالي خلك جنت اروح وارجع من غير نفس

أول يوم أمتحانات كاعده ارجع قبل الامتحان بعدله ربع ساعه واجت منى عليه إني تفاجأت
منى . مريم الحكي شوفي (جانت كامشه الموبايل بديها)
مريم . شكو
منى . شوفي
مريم . شنو هاي (الحقير ما اخذ صوره اليه إني وصديقه من أجه حاجاني عليه )
الله ينتقم منك يااا زيد
منى . روحي لأستاذ عماد حأجي
مريم . والامتحان شلون
منى . بعد عشر دقايق روحي
مريم . ضليت واكفه بمكاني وشريطي حياتي كله مر كدامي وصحيت على صوت مسج من الموبايل
زيد ((بعد وبعد ))
مريم . ليش
منى . روحي مريم لا ضلين صافنه
دخلت القسم وسئلت السكارتاريه على استاذ عماد طبعا ما قبل يحاجيني لان بعد عشر دقايق لامتحان طلعت من القسم روحي طالعه من الدنيا انصدمت بصديق أخويه أحمد
عمر . العفو
مريم . لا عادي ما صار شي
ردت امشي
عمر . شورطج
مريم . نعم
عمر . ب زيد
مريم . و اذا احلفلك إني ما اعرفه اصدك
عمر . ادري
مريم . خلص اليوم احتمال آخر يوم بعمري
عمر . انتي فوتي لامتحان واني احل الموضوع
مريم . صدك تكدر تحله
عمر . ان شاء اللة ربج ستر اليوم أحمد ما اجه
مريم . اااي والله
عمر . روحي هسه
مريم . شكرا
عمر . العفو

ما اعرف شلون امتحنت وشنو جاوبت والخوف ما كلني أكل بس أريد الوقت يخلص حتى اطلع أشوف عمر
مريم . طلعت ادور على عليه شفته اجه من بعيد
بشر
عمر . الحمد لله كدرت احذف الصور
مريم . الحمد لله شكرا تعبتك ويايه
عمر . خويه حاجي أهلي بالموضوع وآلله احسن
مريم . مااكدر انته تعرفهم والله ما يخلوني عايشه
عمر . إني لو اكدر جان حاجيت أحمد
مريم . لا دخيلك هسه يكول شمدري وتكبر السالفه واني أريد اصغرها
عمر . ااي اعرف حاولي اليوم تفاتحين اهلج بالموضوع
مريم . ان شاء اللة يله من رخصتك
طبعا صار فتره أحس كلبي يوجعني كلش ودايخه ومالي خلك مااعرف ليش رجعت لبيت
مريم . السلام عليكم
ام محمد . تماره . وعليكم السلام
مريم . يمه الله يخليج والله راح اموت ساعديني الله يوفقج
ام محمد . شكو يااا ستار
مريم . يمه زيد اليوم ناشر صوري بكروب الجامعه
تماره . عزه عزه
ام محمد . يااا يمه وأين اوديج واين اضمج
تماره . كولي يااا الله خاله
أم محمد . تماره كومي خابري أبوج
مريم . يمه تريدين تفضحيني
أم محمد . شفضح منج ولج انتي ما تعرفين أبوج وعمامج
مريم . يمه الله يخليج لا تخوفيني
تماره . خلي انتاني ونشوف شيصير بس انتي حاجي بابا
أم محمد . لا مو من ماصلحتنه أبد انتاني
مريم . يمه الله يخليج حاجي بابا وحده بالكي تكدرين تاثرين عليه
تماره . ااي والله خاله
أم محمد . خوش يجي ويصير خير
مريم . تماره . ان شاء اللة
ضليت كاعده على نار متانيه بابا يجي ودخل بابا وجه ما يتفسر شافني كاعده على الكرسي وأمي اصب كلب الدنيا
أبو محمد . ليش عود انتي أصبين ليش مو هنه شناقصهن طول عرض جم مره كايل أني ما اريد افوت لبيت والكاجن كاعدات
أم محمد . شنو القصه غير إني اصب تماره طبخت واني كاعده اصب
أبو محمد . ليش الصب يرادله روحه لقاضي
أم محمد  . خيرك شبيك
أبو محمد . من المصايب الي تشوفها كدامنه يبقه خير
أم محمد . الله الي يستر

اصلن شكل بابا مو مال واحد يحجي وياه بهيج موضوع ما نسينه الموضوع بس تناسيناه شنسوي لعد خلصت الامتحانات على خير ما صار شي وجانت منى من أشوفني بس أسلم عليه و زيد بعد ما شفته  مع أن إني وياه بنفس القسم أختفه فجأه وجان هذا الشي قالقني

((هدوء ما قبل العاصفه ))
.........................................
تحياتي هبه أدم ⚘⚘⚘