أول مره أحس العافيه أبن أدم 💔

البارت الحادي عشر

اخاف من المخده بساعت الليل
احط راسي عليهه او تبدي الهموم
حسباتي ثكيله او تهدم الحيل
او بعد ياعين عندي تطاوع النوم
بجفوني دمع ما يقبل ايسيل
والحسبات تكعد بيه وتكوم
انه اتطشرت بس محد يشيل
ياهو الي يلمني ايحطني بهدوم
انه ابختك يكلبي او عندك دخيل
اهي مزنه مطر ما ضنتي اتدوم
حب الغيوم عيني متانيه السيل
واذا تطلك مطر شتذب الغيوم

...............................................

مرت اربعة اشهر على العقد مالتنه ولا حس لا خبر من العماره ردت اعيش فترة الخطوبه مثل ما عاشتها الناس بس ما صار الي ردته
تماره . شبيها صافنه الحلووه
مريم . ولج تماره مااكو شي عن كيان
تماره . شلون يعني
مريم . اربعة اشهر مخطوبين وبجذب مااكو اتصال واحد وما اعرف ليش
تماره . معقوله إني محمد جان اربع وعشرين ساعه يخابرني
مريم . لعد ليش بس حظي
تماره . بس انتي عمامج وتعرفيهم ناس عاملين
مريم . ماادري بس كلبي ما مرتاح
تماره . شدعوه يمعوده

جانت حسبه اجيبني وحسبه توديني ورجعت مرت شهرين وهم مااكو خبر
مريم . ترى مو وضعيه هاي مخطوبه إني أو لا
أم محمد . اشبيج يمه
مريم . شنو أشبيه صار ست أشهر مخطوبه لا حس ولا خبر
أم محمد . وعليمن مسعجله يااا يمه
مريم . يمه مو قصة أستعجال بس أحس نفسي محد بحالي
أميره . حبيبتي حياتهم همه هيج شنو تريدين يخابر ويسوالف ويضحك
مريم . وشيصير يعني
أميره . مو نفس حياتج انتي إلي عايشتها
مريم . اااااووووف
أم محمد . هيج ضايجه من العيشه ويانه
مريم . لا يمه شلون اضوج منكم بس ماادري والله ما مرتاحه
أم محمد . الله كريم يمة اكوم أسوي غده
سوت أمي غده وتغدينه كلنا بعدين نظفنه البيت وصعدنه لغرفتنه و محمد ومرته هم راحوا لغرفتهم بقوا بس ماما وبابا جوه بالصاله
أم محمد . مريم صار ست أشهر مخطوبه
أبو محمد . ااي وشنو يعني
أم محمد . شوف أبن اخوك أجوز تراجع
أبو محمد . ليش يتراجع سمعته شي بتج
أم محمد . ليش هو كاعد يحاجيها ل مريم
أبو محمد . شنو يعني هل حجي
أم محمد . يعني صار ست أشهر لا خبر ولا شي منهم
أبو محمد . وليش هسه اله تكولين
أم محمد . حجيت أهواي وما فاد
أبو محمد . راح اخابر أبو كنعان

ورجع مر شهر ونفس الشي لا خبر ولاشي واني الصراحه مليت وطلعت روحي حتى الحلقه نزعتها والذكريات الحلووه الي صارت بالخطوبه راحت من بالي ليش هيج متجاهلني ماادري بيوم بالليل الساعه بالتسعه اتصلت عمتي أم ضرغام
أم محمد . الووووو
أم ضرغام . الوووو سلام عليكم شلونكم عيني أم محمد
أم محمد . وعليكم السلام الحمد لله بخير انتو شلونكم
أم ضرغام . بخير اذا انتو بخير ادري احنه لا نسئل ولا شي بس تدرين موسم حصاد
أم محمد . براحتكم عيني واحنه هم ما مستعجلين على بتنه
أم ضرغام . عيني احنه ندري متأخرين ف قررنه الأسبوع الجاي و تجون لاهنا انسوي العرس
أم محمد . اشوف أبو محمد شيكول وارجعلكم خبر
أم ضرغام . خوش بنتظار ردكم
ااوف يااا يمه شلون انطاني كلبي وسويت هيج بيج الله يسامحك أبو محمد
منيره . يمه شعدها عمتي
أم محمد . الاسبوع الجاي عرس مريم
مريم . شنو
أم محمد . شنو شنو العرس الأسبوع الجاي
مريم . وشلون الحك
أم محمد . ماادري ماادري
مريم . والصالون وبدلة العرس
أم محمد . لهناك بالعماره
مريم . لا بربج