والله يا روحي انضلمنة
ومن حچيهم ما سلمنة 💔
....................................
ليتنا لم نلتقي منذ البدايه . ليتني تاخرت يومها في النوم عشر دقائق أخرى . لكت اختصرت عمرا من الوجع
ما اعرف شلون أوصف شعوري بذاك اليوم وأني أسمع أخويه يحجي عليه وشلون تحول يومي من فرح إلى حزن
ما حولت أبرر و أدافع عن نفسي اكتفيت بالبجي بصمت وصلنا لبيت ونزلنه أحمد فات أول وأحد دخلت البيت هادئ بابا مااكو ومحمد هم مااكو وأحمد صعد الغرفته جنت اتوقع بس أدخل راح أموت شكو شكاعد يصير
صعدنه أني وخواتي الغرفتنه وبدلنه واني كلبي نار على أشويه اباوع لباب أكول راح واحد منهم يفتحه يضربني
أم محمد . فتت لغرفه لكيت أبو محمد نايم
أبو محمد . سدي الضوه ليش فتحتي
أم محمد . أريد أحاجيك بموضوع مريم والله
أبو محمد . اششششش لا تحجين ولا كلمه سدي الضوه أريد انام
أم محمد . والله جذاب وانته مفتهم الموضوع غلط خلي احاجيك الله يخليك
أبو محمد . أطلعي نامي برى موتوني طلعي 😠
أم محمد . 😢
واين اروح اصعد أنام يم البنات فتت لغرفه وجان مريم تطفر ذيج الطفره
أم محمد . أسم الله يمه شبيج
مريم . يااا يمه كلبي وكف حالي حال الي منتظر ينعدم أنتي شسوين أهنا يمه
أم محمد . أبوج طردني وما خلاني أحجي
أول مره أشوف أبوج بهذا الشكل
مريم . عزه العزاني راح يكتلني
أم محمد . بس لا ابوج كبرها وخابر عمامج
مريم . لا يمه دخيلج
أم محمد . يمه مااريد أجذب عليج بس يكون أبوج كلش مخوفني
مريم . 😭😭 يمه والله تعبت شنو بدر مني حتى هيج يصير ويايه راح أموت
أم محمد . خلي عينج بعين الله محد يحلها بس أبو الخيمه الزركه
مريم . ونعم بالله
نامت أمي وضليت أفكر بحجيها وبابا اكيد راح يعاقبني بس شلون وشنو العقاب ما اعرف كعدت على صوت أذان الفجر ومااعرف شوكت نمت كمت صليت و كعدت أبجي و أدعي الحد ما طلع الضوه أشويه أرتاحيت ورجعت نمت ورجعت حلمت ب أبن عمي كيان هم ملثم وطالعه بس عيونه أجه عليه وأنطاني ورقه من فتحتها مكتوب بيها (( الصبر مفتاح الفرج ))
كعدت مصدومه ليش أحلم ب أبن عمي مع أن ما يجي على بالي أبد كعدت وضليت بالغرفه أبد ما طلعت اشويه ودخلت منيره شايله صينيه
مريم . شنو هاي
منيره . ريوك الج أمي تكول لا تنزلين أبد جوه
مريم . منو اهنا
منيره . كلهم جوه اليوم جمعه
مريم . والحل شنو
منيره . محد يدري لان وجهم ما تتفسر
مريم . لا يااا ربي حلها من يمك
تعبت واني كاعده بغرفه صارت مثل السجن إليه لا أكدر أطلع منها ولا أكدر أتحرك بيها أمي وبابا زعلانين وتماره و محمد هم وكله بسببي كرهت نفسي وتعبت كلش تعبت وهل أيام أهواي كلبي يوجعني ويذيني خايفه كلش من باجر هاي أذا أكو باجر وخايفه أكثر لا بابا يقبل يزوجني زيد ساعتها صدك هذا الموت الحقيقي مااريد أبقه وحدي التفكير موتني معقوله هذا عقاب بابا إليه زين ليش ما سئلني ليش بمجتمعنه المرأة غلطانه بسبب وبدون سبب
أميره . هااا حبيبتي شسوين
مريم . كاعده بالسجن
أميره . البيت كله متوتر
مريم . وبابا
أميره . ميحجي بس ويه أحمد ومحمد
مريم . لا يااا ربي
أميره . الله يكون بعونج يااا خيتي
مريم . نار وشابه بكبلي
أميره . أعرف والله أعرف الله يساعدج ويكون بعونج
أم محمد
طلعت أريد أسد باب المطبخ وأسمع أبو محمد يسوالف
أبو محمد . السلام عليكم شلونك بويه
كيان . وعليكم السلام الحمد لله عمي انته شلونك
أبو محمد . كيان بويه انته لو ما غالي وعزيز عليه ما جان كلتلك هل حجي
كيان . أمر عمي والله شاهد انته العز والاغلى
أبو محمد . بتي مريم كبرت وتخرجت هل سنه واني أريد وحده منهن تزوج بالعماره ومستحيل أفكر بواحد غيرك
كيان . عمي انه تحت أمرك وشورك وانته شتفصل أني البس
أبو محمد . والنعم منك
أم محمد . لا دخيلك سليم اله كيان لا تعاقب بتي ب كيان وانته تعرفه كلش زين الله يخليك
أبو محمد . وشتريديني أسوي لبتج بالله
أم محمد . وهاي مو بس بتي وحدي بنك هم والله ما غلطت ولا راح تغلط
أبو محمد . وأني مو أثول شفت بعيني يااا مره
أم محمد . بس دخيلك مو كيان مو كيان
أبو محمد . هو كيان مناسب كلش الها
أم محمد . بشنو مناسب الها
أبو محمد . بكل شي
أم محمد . راح يدمرها راح يكتلها راح يعذبها
أبو محمد . ااي أحسن مثل ما كتلتني
أم محمد . لا تروح احاجيك أني
عزه العزاج يااا مريم لو ضاربج لو مكسرج ولا يزوجج ل كيان !
أوووف يااا مريم شنو بعد ينتظرج من كيان
....................................
تحياتي هبه أدم ⚘⚘⚘
أنت تقرأ
أول مره أحس العافيه أبن أدم 💔
Mistero / Thrillerالقصه جميله جدا وواقعيه نوعا ما حدثت بأحدى محافظات العراق الجنوبيه تحكي عن فتاه كانت تعيش بسعاده وسلام ولكن سرعان ما تنقلب حياتها رأسا على عقب و راح نتاكد ان العادات والتقاليد القديمه ما زالت موجوده الي الاغلب الناس تعتقد ان بتطور حياة وظهور التكنل...
