#__شتذرين
اذري سنين بيها الناس
#__مشبوچين زين بشين
#__الخفيف__يطير
#ويظل الرزن يترس بطيبه العين
................................................
طلعنه وتونسه من العصر وتعشينه برى وافترينه بحدود ال ١١ اتصلت أمي ب أحمد وأجه أخذنه أول ما دخلنه لمنطقه شفنه أبن جيرانه واكف وهو بنفس الوقت صديق أحمد
جيرانه . هلووو حمودي شلونك ضل بالي عليكم قبل فتره سمعت اصيح واحد كسر بابكم تكسير وما صارت فرصه احاجيك خو مااكو شي
أحمد . لا خويه تسلم مرت عمي توفت
جيرانه . الى رحمة الله
أحمد . يله خويه من رخصتك ويايه العائله
جيرانه . لله وياك
أحمد عباره عن كتلت نار صار وكام يسوق سريع والسياره تصعد وتنزل
أم محمد . على كيفك يمه نسوان حوامل وياك
أحمد . 😠😠
أم محمد . شبيك
أحمد . أشبيه رجال غريب يسئل شنو صار ابيتي واني ماادري
أميره . اعصابك خويه أختك مريم تخربطت عليه ونخبصنه بيها
أم محمد . شوكت هاي
أميره . من رحتوا لعماره
أحمد . وليش محد كال ليشششش
اميره . سهله خويه ما بيها شي بداية خفقان و فقر دم حاد
أم محمد . ياااا يمه كل هذا وتكلولين سهله
أحمد . يله نزلوا
راد كلبي يوكف همزين أميره تلحكتني ولا جان رحت بيها خطيه شهد أجه اخوها كيان أخذها وجان لقائهم كله قهر وبجي لان خطيه ما شافت أحد غيرنه من ماتت أمها واختها الله يرحمهم طبعا احنه صح اروح لعماره ونكعد بيت عمامي بس ابد ما انشوف ولادهم يسلمون ويختفون وإذا صار سلام بينه عيب انشيل راسنه وجان الكل يحجي بجمال ولد عمي سالم أني كنعان الله يرحمه و أركان شايفتم بس بقه كيان و رزاق طبعا جمالهم حاد
شهد . حبي مريم اجيت وادعج
مريم . أسفه حبي جنت شارده الله وياج
شهد . ما اعرف شلون أشكرج
مريم . شنو القصه إني شسويت قابل
شهد . راح اضل أشكرج الاخر يوم بعمري
مريم . حبيبتي 😘😍
شهد . 😘😍
نزلت شهد وأني ضليت اباوع من الشباك اريده يطلع حتى أشوفه وكل ضني يطلع شخص لابس دشداشه بس طلع شاب كلش انيق وجماله ما ينوصف ضليت فاكه حلكي 😲 معقوله إني عندي هيج ابن عم
مرت ألايام وبده دوام المرحله الرابعه يمكن جانت أحلى مرحله يمكن لان زيد اختفه من حياتي وحتى ما داوم هاي السنه وتعرفت على بنات من غير شعبه وصارن صديقاتي أختي أميره جابت وبقدت كاعده عدنه لان همام سافر وبتها ماليه علينه البيت
أم محمد . الحمد لله خلصنه منه
مريم . الف الحمد لله والشكر
أم محمد . عندي نذر لازم أوفي
مريم . ان شاء اللة
ما تتخيلون شكد فرحانه
بين فتره وفتره جان يجون شباب يصارحوني بس أني ارفض أكيد وهمه يتفهمون ويروحون
بيوم رجعت من الدوام جنت ميته جوع
مريم . السلام عليكم ماما شنو طابخه
أم محمد . وعليكم السلام طابخه خير من الله
مريم . ااي يعني شنو
أم محمد . أخوج أحمد مشتهي برياني و تماره و أميره رادن تبسي دجاج و منيره فاصوليا
مريم . الحمد لله ميته جوع
أم محمد . صعدي بدلي وصيحي أخوج وياج محمد وتعاي
مريم . ميخالف
صعدت بدلت بسرعه ورحت لغرفه محمد دكيت الباب
محمد . تفضل
مريم . شلونك خويه
محمد . هلوو حبيبتي انتي شلونج
مريم . الحمد لله اذا انته بخير إني بخير
محمد . دوم ان شاء اللة
ما تنطيني الشاحنه وراج
مريم . تفضل منو هذا الي ملثم
محمد . ما عرفتي
مريم . لا 🤔
محمد . هذا كيان أبن عمي سالم
مريم . 🤤🤤
محمد . مريم شرايده
مريم . هااا تعال تغده
مريم أكلت اهواي لان جنت جوعانه بس ضليت أفكر هذا نفسه الملثم الي أجاني بالحلم زين شنو تفسيره وليش ومنو هاي البنيه الي تجي تكمش يده معقوله شهد زين ليش حلمت بي أني شنو السبب أووف رأسي راح يطك من كثر التفكير أحسن شي اعوفها ربي يحلها من يمه
بعدين التهيت ب بحث التخرج و الصور وآلحفله الي بابا شلع كلبي اله وافق عليها جانت أيام حلوووه بمعنى الكلمه
و مشت الايام وناقشت بحثي وحصلت أمتياز عليه
والامتحانات هم نجحت أجه يوم حفلة التخرج وجنت طايره من الفرح رحت صالون سوتلي مكياج خفيف جدا ونازك ولبست فستان مال محجبات بس يجنن بشهادة الكل وراحت أمي و خواتي منيره وأميره اما تماره ما قبل محمد تجي و أحمد ودانه على اعصابه بيومها ضحكنه وتونسنه وعشت أحلى يوم ما جنت أعتقد راح يتكرر بنص هاي الاجواء أتصل أحمد على أمي
أحمد . طلعي انتي وبناتج لا أطب أكسر القاعه على رؤوسكم
أم محمد . شكو ولك
أحمد . اطلعيييييي
أم محمد . كومن يمه هذا أحمد بالباب لا يسوي سالفه
مريم . شكو
أم محمد . خلي نطلع و نفتهم
طلعنه ويا ريت ما طلعنه
أحمد . صعدوا بسرعه
أم محمد . شبيك يمه صاير شي
أحمد . سئلي بتج الشريفه
أم محمد . منو
أحمد . مريم
أم محمد . وشبيها مريم
شسوت مثل البنات حبت تحتفل بحفله تخرجها
أحمد . انعل أبو التخرج لابو الي يطلعها من البيت بعد والله والله لو ما أبويه كالي لا شسوي شي جان سويت شي عمرها ما شافته
إم محمد . أي غير نفتهم شكو
أحمد . صديقي زيد
أم محمد . زيد 🤤
أحمد . ااي زيد أجه شوفني صور ل خاتون كل يوميه ويه وأحد شسوي كليلي شسوي
أم محمد . هذا واحد ناقص لا اصدكه
أحمد . لو بس حجي ولا ادفنه بمكانه بس جايب صور يشوفهن لابويه ويكله عمي أني أستر على عرضك
أم محمد . يستر على عرض منو هل ناقص الجذاب
أحمد . كافي يمه الخاطر محمد
أهنا جان يحاول زيد يزوج مريم حتى يكمل انتقامه على شنو لان كسرت غروره لان أصدقائه ضحكوا عليه دمر حياة ابنيه بريئه وما اسئت اله بيوم وبعد ينتظرها عقاب ولدها الي وره سر بعدين راح ينكشف ل مريم
.....................................
تحياتي هبه أدم ⚘⚘⚘
أنت تقرأ
أول مره أحس العافيه أبن أدم 💔
Mystery / Thrillerالقصه جميله جدا وواقعيه نوعا ما حدثت بأحدى محافظات العراق الجنوبيه تحكي عن فتاه كانت تعيش بسعاده وسلام ولكن سرعان ما تنقلب حياتها رأسا على عقب و راح نتاكد ان العادات والتقاليد القديمه ما زالت موجوده الي الاغلب الناس تعتقد ان بتطور حياة وظهور التكنل...
