أول مره أحس العافيه أبن أدم 💔

البارت الثامن عشر

بعد ماريد وجهك كمت احب مكفاك
نسيتك والعمر شرجعة لو عدة
غركت بحبك اني اعترف كلبي الصوج
الغشيم الفاج  لجلك والبلم عندة
انه مصاحب شمس مو مال ادور فياي
العاشك الله ليش بليسك يعبده
جمالك ما بقه وكل شبر بيك انضاك
الدمع سهله الصعب يا حضن الترده
علي لا يحجي ذاك الفضليته هواي
بس كلوله كل سوالفك عنده
لميتك نهر بجفوفي خاف تطيح
ليش بكل سهوله لغيري تتبده
جنت اعشك غرورك واكره الطاووس
بس يا وسفه ريشك طلع بي مدة
الخله كبالك الكل توكف استعداد
ليش كبال وجهه تخلي اثر سده
وليش البيده يمسح دمعك من يطيح
صرت صاحب فضل ع الدمعه البخده
كلك ملگه بس مو لله للشيطان
ولنفرض تبت يا باب الي تسده
#علي المحمداوي
..........................................
بعد سفرتنه لتركيا رجعنه لعماره شهر وهم رجعنه سافرنه أذربيجان دوله كلش حلووه كضيت أيام اهناك مستحيل انساهن وجنت كلش مكيفه لان كيان يمي صح مرات أشك بحبه الي بس جان كلبي هو المسيطر على كل احاسيسي ومشاعري
مريم . كيان
كيان . هااا
مريم . شوكت ناووي اطلك رقيه
كيان . ومنو كال أريد اطلك
مريم . شنو
كيان . مستحيل اطلك رقيه
مريم . ليش
كيان . لان رقيه مالها احد غيري
مريم . لا الها أبوها واخوتها
كيان . مااكدر
مريم . لان تحبها
كيان . مريم كافي
مريم . لا مو كافي لازم نحدد هذا الشي قبل ما يصير طفل
كيان . واني كتلج طلك ما اطلك
مريم . ااي ليش إني بت عمك ما طلكتني هي ليش
كيان . متكدر تعيش عد اهلها نفس الحياه الي عايشتها هسه
مريم . أبوها من تجار البصره المعروفين وناس عدهم مو ما عدهم
كيان . صح بس ابوها بخيل وثاني شي أمي الله يرحمها موصيتني عليها وحتى من ازوجتج جتني بالحلم عاتبتني
مريم . وهذا عذر بريئك
كيان . خلص ينسد الموضوع
عافني وطلع من الغرفه ومن الفندق كله ضليت منتظره الليل كله وما أجه اتندمت لان فتحت الموضوع ويه جان لازم أخلي اخلي رقيه تنسحب من حياتنه بمزاجها بس للاسف استعجلت كلش لصبح رجع وجان معصب إني هم تركته براحته ونمت بالغرفه وهو بالصاله ضلينه يومين مزاعلين وبيوم الثالث الصبح كعدت من النوم لكيت كيان كاعد يمي ويباوع عليه
كيان . صباح الورد
مريم . صباح النور
كيان . أسف
مريم.  اف يومين اله كدرت تنطقها
كيان . مريم
مريم . خلص بس
كيان . لا بس ولا شي خلي كلبي يدك الج وحدي وبعدين الي اطلبي يتم
مريم . وعد
كيان . وعد ارجال جوعانه طلبت ريوك وحتى نطلع هم
مريم . ااي كلش جوعانه
طلعنه تونسنه كلش وكنت كل اشويه اباوع على كيان واكول بكلبي وعد اله اخلي كلبك بس يدك اليه
جان بذاك الوكت يكفيني كيان يمي ما فكرت باجر شنو يصير ابد ولا أريد أفكر هم
واهلي مااعرف شنو احجي عليهم ليش هيج كاعد يعاملوني ولا يسئلون عليه ماادري وشنو بدر من عندي ضلت حسره بكلبي أهلي ومن اسمع وأحده من نسوان حمويني تسوالف على أهلها اصعد لغرفتي ابجي الحد ما ارتاح وجنت دائما اسئل رب العالمين ليش هيج اهلي نسوني وبعد ما يحبوني صعبه الوحده تعيش عد اعيال حتى لو بيت عمها بس تبقى تفتقد أهلها ودائما جنت ابين يم عيالي و كيان ان أهلي دائما يسئلون عليه 😢😢