حلاة الذكرى من وياها دمعة تطيح
شفتك تبتسم ركعة بصلاة الون
سلام لكبك الما حن ....
وسلام لدمك البارد
يل ما كتلي اجيك شمالي افشل الروح
ليش اكشخ وانطرك جني متواعد
أذا محتاجني اتعنه
حركـ شوككـ االراكد
واذا ماشيت غيرك ناس
واذا بأحضانهم كاعد
انه بس حاولت ليش انحسب خَوان
مادام الله يدري بگلبي بَـßÊـٌٌ،ٍسّ واحد ❤️
#رائد أبو فتان
..............................................
مر على زواجي شهر بيوم كعدت الصبح كلش بطني توجعني وظهري عرفت راح تجي الدوره بس إني من تجين اتذه اله اضرب أبره مسكن للألم اله اصير زينه نزلت اتلوله أريد اموت
زهراء . خيرج حبي شبيج
مريم . بطني وظهري يوجعني
زينب . يااا عمري خاف استبراد
رقيه جانت كاعده بالصاله تباوع علينه
مريم . لا مو استبراد
أم ضرغام . اللهم صل على محمد وآل محمد بلكي حامل وتفرحينه
رقيه .😠😠
مريم . ضليت ساكته من الوجع اكعد اشرح لعمتي مالي خلك وعمي كلش مكيف خطيه لان صار شهر كيان ينام بالغرفه ماتي
طبعا عمتي أم ضرغام جانت تطبخ لبيتها وبعدين تجي تطبخ لبيت عمي سالم لان طبخها كلش طيب
راحت زينب و زهراء لمطبخ وعمتي راحت لبيتها واني كاعد اصعد الدرج ما احس اله انسحلت من الدرج وكعت واباوع رقيه ادفر بطني كل ضنها إني حامل إني ما تحملت اغمه عليه بس سمعت عمي يصيح
أبو كنعان . يااا بويه وخري عنها حقيره ما تستحين محد طلع عينج علينه غير خالتج ورجلج
زينب . هااا عمو شكو اصيح
أبو كنعان . واين جنتن هاي الحقيره جانت تضرب البت موتتها
زينب . عزه العزاني زهراء تعاي انشيل البت
كيان . شكو اصياحكم واصل لشارع شكوو
أبو كنعان . ربي مرتك لا والحسين اطردها منا سمعت
كيان . منو
أبو كنعان . اكو غير العله رقيه
زينب . خويه تعال شيلها خليها بالصاله
زهراء . هاج هاي مي شربيها
أبو كنعان . أخذها لمستشفى كيان
كيان . حاضر زينب بدلي وبدليلها خلي اروح لمستشفى
زينب . خمس دقائق
مريم . ما بيه شي بس أريد ارتاح
زينب . مو اله اضربين ابره
مريم . ااي
زينب . خلص انروح نضربها
بدلنه وطلعنه لمستشفى تبعد عن بيت عمي نص ساعه وصلنه لمستشفى ورحت زينب لدكتوره واني كعدت انتظر وكيان يفتر يمي دوخني
زينب . يله اجت الدكتوره كومي
مريم . يله السلام عليكم
الدكتوره . وعليكم السلام شنو تحسين عيني
مريم . دكتوره هذا اسم الابره انطيتها الورقه أريد اضربها
الدكتوره . ليش
مريم . عندي الالم قويه ولازم اضربها
الدكتوره . الالم شنو
مريم . يااا ربي شلون احجي وهذا كدامي
الالم دوره
الدكتوره . عيني هاي قويه الابره راح انطيج مسكن الالم
مريم . ميفيد دكتوره إني من اجتني أول مره رحت لدكتوره وكتبلتي هاي الابره وصار اسنين اضربها اله اصير زينه
الدكتوره . راح اضربها الج بس على مسؤليتج لان الابره كلش قويه
زينب . ميخالف دكتوره على مسؤليتنه
الدكتوره . تمام
رجعنه لبيت جنت كلش دايخه بس أريد انام ونمت من الظهر وكعدت ب ٣ بالليل ميته جوع من كعدت جنت وحدي بالغرفه لعد واين كيان نزلت لجوه فتحت باب الثلاجه وكعدت أكل الحد ما شبعت ورجعت صعدت لغرفه كعدت الصبح بالتسعه جانت زينب بالمطبخ تحضر الغده حتى تجي عمتي أم ضرغام تطبخ
مريم . صباح الخير
زينب . صباح النور شلون صرتي
مريم . الحمد لله احسن
زينب . اكيد ميته جوع هذا الريوك وتريكي
مريم . جوعانه بس كعدت بالليل اكلت
انتي شنو كاعد اسوين
زينب . احضر الغده حتى تجي عمتي تطبخ
مريم . شنو تريدين اسوي
زينب . تاجينت لحم
مريم . اني اطبخ
زينب . متاكده
مريم . أاااااي
اشويه ودخلت شهد لمطبخ ما جانت منتبه عليه إني بالمطبخ جنت اغسل اماعين الريوك
شهد . ولج زينب البارحه كيان بات يم رقيه
زينب . شنو
شهد . هلا مريم شلون صرتي
مريم . زينه يله زينب اطبخ الغده
زينب . براحتج عيني
زهراء . وهي تفوت لمطبخ شنو الي صار جديد حتى يبات يمها
زينب . كافي يمعودات
مريم . ليش كافي عادي هي زوجته
زهراء . صح زوجته بس حيه الله وكيلج
شهد . ولا عبالك بت خالتي أموت منها لا وامي الله يرحمها ميته وتوصي عليها وهي بالجذب أسود ما لبست عليها
زينب . واني من مات كنعان الله يرحمه اجت تشمت بيه الحقيره
مريم . واني البارحه ضربتني بس والله ما اعوفها الها
شهد . ااي منا لأسبوع زين اذا طلعت من الغرفه وتاخذين حقج
مريم .ليش عود
شهد . هي هيج ما تطلع من غرفتها ولا اسوالف ويه أحد
مريم . شنو من بشر هاي
زهراء . بعدج ما شايفه شي
زينب . خلي كيان يحبج
مريم . وشلون بالله ههههه
شهد . لا ضحكين صدك تحجي زينب خلي كيان يحبج
مريم . الله كريم
طبخت الغده وخلصت وحضرت السلطه والخضره و لبن وصاح الأذان الظهر صعدت لغرفه غسلت وبدلت و خليت مكياج خفيف و تعطرت ونزلت إني وانزل شفت رقيه طلعت من المطبخ تريد تروح لغرفتها
مريم . اوكفي هيي
رقيه . شنو
مريم . وصلت يمها ضربتها راشدي كلش قوي
رقيه . يااا حقيره اضربيني
ورفعت اديها تريد تضربني وهي اطول مني بس اكو واحد من ورايه كمش اديها
كيان . كافي وحده بوحده وانتي الي بديتي
رقيه . ما راح انسه هذا راشدي هذا ابد
مريم . تقريبا جنت بحضن كيان بودي إدير وجهي واحضنه كلتلها والله والله اذا مديني أيدج عليه اكسرها مره ثانيه إني مالي شغل بيج ولا اراح اتقربلج بيوم ف جفيني شرج سمعتي
رقيه . بسيطه وراحت لغرفه مالتها
طبعا عمو أبو كنعان طب واني احجي من خلصت حجي
أبو كنعان . كفو يااا بت أخوي
كيان . بويه
مريم . الغده جاهز اصب الكم
أبو كنعان . ليش منو الي طبخ اليوم
مريم . اني عمو
أبو كنعان . يله بويه صبي
رحت لمطبخ اصل غده و ذني فاكات حلكهن
مريم . شكوو
زينب . انتي شسويتي
مريم . اخذت حقي
شهد . عفيه عليج حبي
زهراء . شهد مو هيج عيني مريم هاي شر بعينها وما راح تعوفج
مريم . شسوي يعني
زينب . ما تكدر اسوي شي
يله خلي نأخذ المواعين لصاله منتظرين الاكل صبينه وكملنه وكعدنه على السفره
أبو كنعان . عاشت ايدج بويه ذكرتيني بطبخ أمي الله يرحمها
مريم . بابا هم جان هيج يكول😣
شهد . صح من ضليت عدهم بيوم الي تطبخ مريم جان الاكل كلش طيب
زينب . همزين راح ترتاح عمتي أم ضرغام
أبو كنعان . ااي خلي ترتاح خطيه
أنت تقرأ
أول مره أحس العافيه أبن أدم 💔
Mistério / Suspenseالقصه جميله جدا وواقعيه نوعا ما حدثت بأحدى محافظات العراق الجنوبيه تحكي عن فتاه كانت تعيش بسعاده وسلام ولكن سرعان ما تنقلب حياتها رأسا على عقب و راح نتاكد ان العادات والتقاليد القديمه ما زالت موجوده الي الاغلب الناس تعتقد ان بتطور حياة وظهور التكنل...
