اضحكي شبيج لضوجين
ياوردة شبابج وانتي بالعشرين
الكحله اهواي عدها احساس
وحيل اضوج من تبجين
إنتي لو وكفتي بصف شجرة الصفصاف
يحس بروحه شجرة تين
ليحكمج قفص أمنيتي اشوفج كون
عالغصن اليعجبج واكفه تغنين
طيري وعيشي مثل الطير
يتغريد البلابل يا صباح الخير
ينسمات الصبح يا نكهة الاشجار
اضحكين وكلنا نضحك من تضحكين
دوريلج علاج لكلبج المجروح
همج والندوم لابد ينتهي
الأبد من الروح يروح
اركبي الباخرة المتوجهه للأفراح
واذا مو بالحقيقه بالخيال انروح
ويرد ذاك الجمال الرائع الفتان
اطليها لحياتج عيشي بالألوان
وانسي الاه والدمعات والحسره
وحركيهن حطب كل ذكره وي ذكره
وركنيهن رماد بخانة النسيان
ولتئيسين
#الشاعر سرمد السبتي
ابيات هذة القصيده مهداة الى صاحبة القصه
. مريم .
...................................................
_ الاخير_
مر اسبوع كامل وعمو سالم مااكو كلش قلقين عليه وخايفين كل يوم اكعد الصبح ويه صلاة الفجر أدعي يرجع بالسلامه وما يتخله عني وعن جهالي لان هو الوحيد الي بقالي بهل دنيا وسندي صار بس اليوم جهالي شلعوا كلبي ولا يرضون ينامون حرت إني وعمتي شنو انسوي وهمه بس يبجون الليل كله ما نمنه وهمه على البجيه مالتهم ولا سكتوا
ام ضرغام . راح اروح اصيح شهد واجي
مريم . يااا عمه واين اصيحين شهد هسه
ام ضرغام . لعد الجهال يموتون
مريم . يمه اسم الله
ام ضرغام . يمه جهالج جوعانين
لبست عمتي عباتها وطلعت ويه اذان الفجر واني هم عفتهم بالاستقبال يبجون وطلعت باب المطبخ احاجي رب العالمين يااا ربي كافي والله تعبت أرحمني ياا رب دخيلك أريد ارتاح 😭😭
ام ضرغام . ساعه اله تفتحون الباب
اركان . عمه خير شكو بيكم شي
ام ضرغام . واين فاطمه صيحها بسرعه
زينب . عمه شكو
ام ضرغام . الجهال ما ناموا ولا احنه نمنه حرنه شيوينه وهمه على بجيتهم
فاطمه . هاااا عمه
ام ضرغام . خابري شهد خلي يجبها اخوج ترضع الجهال راح يموتون على ما يصبح الصبح واروح اشتري حليب الهم
فاطمه عزه العزاني نشف صدرها
أم ضرغام . وشلون ما ينشف وهل مصايب فوك راسها استعجلي يمه
كيان . خوش شغله كل يوم طالعه بسالفه مريم
ام ضرغام . انته بالله اسكت لا اطلع حركة كلبي كله بيك
كيان . وشصار
اركان . كافي كيان اشوف الوضع شلونه وانته عندك اسوالف من جوه الكاع اطلعه اخذ مرتك واطب لغرفه
كيان . استغفر ألله
كاعده يمهم وابجي على بجيهم ودخلت شهد طبعا شهد أول ما زوجت حبلت وبشهر السابع جابت وصل ابنها شهر بالمستشفى كل يوميه تروح ٣ مرات ترضعه وترجع الحد ما الحمد لله صار زين وطلع بالسلامه
شهد . يااا عمري ياا كلبي
مريم . انطيتها زين ترضعه من كد ما جان جوعان يرضع ويغص وبعدين اخذت زينه هم رضعته من شبعوا ناموا
شهد . يااا عمه ما كلتي من وكت شجاج
ام ضرغام . ما عبالي ناشف صدرها بس من شفته يجي بلهفه ويوخر عرفت جوعانين
مريم . خلصوا حليب حمودي
شهد . على بختج مريم هذوله جهالج واعز عليهم الحليب
أنت تقرأ
أول مره أحس العافيه أبن أدم 💔
Misterio / Suspensoالقصه جميله جدا وواقعيه نوعا ما حدثت بأحدى محافظات العراق الجنوبيه تحكي عن فتاه كانت تعيش بسعاده وسلام ولكن سرعان ما تنقلب حياتها رأسا على عقب و راح نتاكد ان العادات والتقاليد القديمه ما زالت موجوده الي الاغلب الناس تعتقد ان بتطور حياة وظهور التكنل...
