أول مره أحس العافيه أبن أدم 💔

البارت الثاني

الماعنده ويه الحظ عرف

                لايحلم  يعاشر ولف💔

بداية المرحله الثانيه كانت بداية المشاكل الي  لان جان اكو شاب اسمه زيد اهواي يضايقني و سبب الي مشاكل مجان يعجبني لان شعره طويل و لا لحيه لا شوارب شكله مخربط وهذا رائي

زيد . مرحبا مريم
مريم . هلا
زيد . بس اريد افتهم ليش هيج تعامليني شنو بدر مني
مريم . ما بدر شي منك بس اترجاك كافي تلحكني واين ما اروح
زيد . ليش مو إني وآلله احبج
مريم . بس إني ما احبك ارجوك افهم
عفته ومشيت لان كلش اختنكت منه كل الجامعه تدري بي فضحني
منى . مريم مريم
مريم . هاااااا
منى . على كيفج شبيج صار ساعه اصيح
مريم . ولج والله طلعت روحي ومليت
منى . من زيد
مريم . ليش اكو غير هذا الهبه
منى . بس والله مبين عليه يحبج
مريم . واني شنوو ما احبه والحب مو إجباري طلع روحي
منى . بس القسم كله يدري
مريم . عزه بعيني واجماله اخويه اهنا ويايه بالجامعه
منى . حاجي اخوج خلي يحاجي
مريم . شنو من كل عقلج تحجين انتي اخويه لو دره بعد ميخليني اداوم انتي متعرفين أهلي شنو
منى . اوووف الله يساعدج
مريم . يله باي إني راح اطلع لان كلش  طلعت روحي

همزين جان اخويه مخلص محاضرات وطلعنه أول ما وصلت لبيت صعدت لغرفتي
ماما . تعاي تغدي مو احاجيج
احمد . صبي غده يمه
ماما . شبيها اختك اكيد انته موضوجها
احمد . خلي تولي شمسويلها إني فوك ما أخذها وارجعها
ماما . اهنا الحجي ذال البت لان تأخذها و ورجعها
أحمد . وآلله  ما حاجي وياها شي
ماما . سكت كافي اجه ابوك

أول ما دخلت لغرفة بجيت لان  بابا واخوتي اذا وصلهم خبر عن سالفة زيد ما اعتقد اضل عايشه طبعا جنت خايفه لان أخويه أحمد ويايه بالجامعه وهذا أكثر شي مخوفني جان اتصلت اختي أميره
مريم.  الووو
أميره . الووو هلا حبيبتي شلونج
مريم . هلا ياا عمري انتي شلونج
أميره . مريومه حبيبتي سمعت شي وكلش خفت
مريم . خير شكووو
أميره . منو هذا زيد
مريم  . عزه العزاني شمدريج
أميره.  تماره كالت إليه وتخبلت
مريم . لعد لو شوفين حالتي شتكولين
أميره . حبيبتي ديري بالج من عنده ولا سوين اي شي خطأ ترى وآلله ترحين ورى الشمس وأنتي تعرفين طبع بابا
مريم . أوك أوك لازم انزل بابا يريدني باي
أميره . باي

عرفت من صوت بابا معصب لان يريد من يدخل لبيت البنات بالمطبخ أكيد شاف أمي وحدها وعصب

مريم . نعم بابا أجيت
بابا . بعد وكت صار ساعه أصيح
مريم . بابا والله جنت اخابر أميره

مرت الايام وزيد ما ما عافني يلحكني من مكان ل مكان كلش تعبت وتغيرات حيل لان جنت كلش خايفه احمد أخويه يوصله الي كاعد يسوي زيد الي ما خله واحد ما حاجني حتى أستاذه كلش كرهت الجامعه أريد اليوم بس يخلص ومن ارجع كبل الغرفتي ومن يجي بابا يضل بس يصيح شعندج بالغرفه وليش وأخر يوم بالامتحانات ومن طلعت من الامتحان ومتانيه أحمد يجي حتى نطلع لبيت أجه ولد اسمراني وطويل وقدم نفسه إليه واني كل ضني جان يريد يصارح بس طلع ملازم وصديق زيد كرهت الدنيا من وره هل زيد واني أحجي ويه أجه أحمد

أحمد . منو هذا الولد الي جان يحجي وياج
مريم . طالب ويانه
أحمد . أجذبين مريم شكله مو طالب
مريم . وآلله
أحمد.  اسسسسس ولا كلمه احسابج بالبيت 😡
مريم . 🤤
طول الطريق واني اتخيل شنو راح يصير بالبيت لان شكل أحمد ما يطمن أول ما دخلنه كمشني من زندي طلعت أمي اصيح وتبجي
مصيبه أحمد يمه مصيبه 😭😭😭

تحياتي هبه أدم ⚘⚘⚘