أول مره أحس العافيه أبن أدم 💔

البارت السادس عشر

هم تشتاگ لعيوني
لو عني الوكت دارك
اويلي شگد الك مشتاگ
امووت واعرف اخبارك
منو يبوسك على الشفة
منو يغطيك من تغفى
جمر صاير على فراگي
لو بعدي نطفت نارك
#رائد أبو فتان
.......................................
رجعنه أني وعمي سالم لبيت شكد يعني اضل يم عمتي مصيري ارجع لبيت  عمي سالم جانت حالته الصحيه تعبانه كلش واني نسيت كيان ورقيه وكل الدوخه هاي وضليت اداري بعمي أني و شهد بس أكثر شي أني حتى ابات يمه وجان خطيه يسوالف على قبل شلون الناس جانت عايشه وشلون جان الزرع والعماره قبل شلون جانت واني أحب اسمع ما أمل أبد واني هم سوالفتله على زيد وشلون بابا زوجني كيان كلش ضاج خطيه وكال تصرف بابا غلط بس هي قسمه تريد أصير طبعا مرت الايام وأسابيع واني ما شايفه كيان ابد وهو حتى بعد ميصعد لغرفه الفوك واني هم تعودت ما اذل نفسي واركض وراه أجه أهلا وسهلا ما اجه هو الخسران جانت هاي قاعدتي وصرت احسن بعد مااضوج ولا انقهر من اشوفه هو ورقيه وبيوم كاعدين بالصاله طلع كيان هو ورقيه وياهم جنط سفر
كيان . بويه احنه راح انسافر لإيران سياحه
أبو كنعان . براحتك
كيان . بويه أني أسف بس والله مو بيدي
أبو كنعان . روح بويه مو صوجك صوج امك الله يرحمها
ودع شهد و اخوته ونسوانهم وجهالهم إني عفتهم وصعدت لصاله اباوع من الشباك بس ما بجيت بس اباوع وأريد اشبع من شوفته
شهد . هااا مريم
مريم . نعم
شهد . بيج شي
مريم . لا ليش
شهد . ابويه كال صعدي وره بت عمج شوفيها
مريم . لا حبي ما بيه شي عادي تعودت بس شو عمو ما كال يريد يسافر كيان خاف اضوج
شهد . لا محد يدري وكلها هسه درت وياج
مريم . معقوله
شهد . طبعا رقيه هيج تريد

مر شهر ومر شهرين و كيان مااكو صح جان يخابر عمي بين يوم والثاني بس ما جنه نعرف واين ولا أسئل إني وبيوم اجه السياق الي اخذهم لنجف وجان عمو كاعد بالحديقه وسمعتهم يسوالفون
أبو كنعان . واين وديت كيان
السايق . حجي وديته لمطار النجف
أبو كنعان . منو راح ويه
ألسايق . هو وابنيه وامريه اشويه جبيره بالعمر
أبو كنعان . وما تعرف واين راحوا
ألسايق . ااي حجي سمعتهم يريدون يروحون الدبي
أبو كنعان . الدبي
ألسايق . ااي حجي الدبي

مريم . صدك عود
زينب . شبيج
مريم . كيان طلع مسافر لدبي مو لايران
زينب . وشكو بدبي
مريم . مااعرف ويكول وياهم إمريه جبيره
زينب . أكيد هاي مرت أبوها
مريم . زين شكو عود
زينب . الله اعلم والله يستر من رقيه

ومرت ست أشهر وهم ما اجه كيان ومن يخابر عمي يكله واين انته كيان يجاوب بيران نتونس وخطيه عمي يضوج لان يجذب ويضل يسئل اكيد اكو شي أكيد رقيه راح تورطه بشي وجان دائما يدعيلي اما إني فبعد ما اشكي لامي على حياتي لان هاهي افتنعت ومحد من أهلي يدري كيان مسافر كاعده بغرفة عمي ودخل أركان
اركان . سلام عليكم
مريم . وعليكم السلام
اركان . الحجي نايم
مريم  . اااي وآلله قبل أشويه نام
اركان  . خويه مريم
مريم . نعم
اركان  . اذا حابه تروحين لاهلج إني اخذج واحاجي عمي لا تتنظرين كيان ترى ما يرجع
مريم . خويه أهلي مااكدر اروح الهم هسه وهذا بعد صار بيتي بس شنو كيان بعد ما يرجع
اركان . خويه كيان كل يوميه يكلي مكان شكل شعنده سافر وليش محد يعرف وغير الفلوس الي اخذهن وياه
مريم . الله يستر
خفت من كلام اركان كلش اكيد يعرف شي وشنو قصة الفلوس الي ماخذهن كيان واين هو هسه وليش عاف الناس وره كلها بحيره مااعرف شلون نمت بعد كلام اركان واول ما كعدت الصبح رحت الزهراء