أول مره أحس العافيه أبن أدم 💔

البارت الرابع عشر

السره بيه تمنيته سره عليك

بطئ كلبي ولمن شافك سره عليك

تدري من شوكت لازم سره عليك

منهد ما جابو الخرخاشه اليه....

#رفعت الصافي
...........................................
مر شهر على روحة كيان لجيش صرت اشتاق اكثر واكثر واكعد اشمشم بملابسه ومرت اصفن ليش هل كد احبه واني ادري كلبه مو الي بيوم كاعدين الصبح بالمطبخ ودخلت رقيه
رقيه . زهراء أريد افلوس اروح لأهلي
زهراء . وليش مني تريدين
رقيه . مو منج من أركان خابرت كيان وكلي يله أريد اروح
زينب . انطيها يمعوده خلي تروح باجر يجي كيان
زهراء . معقوله وهي تروح اكو شي
زينب . ااي اجوز خابرتها مرت أبوها
شهد . كومي زهراء
مريم . مرت أبوها
زينب . ااي أمها متوفيه من زمان وأبوها ازوج هي قبل الزواج جانت علاقتها مو زينه ويه مرت أبوها بس هسه لا تغيرت العلاقه
شهد . اسسسس اجت
زهراء . تفظلي عيني
رقيه . شكرا
شهد . شكد اخذت
زهراء . ٧٠٠ الف
شهد . شنو
مريم . أهواي شسوي بيهن
زينب . هل مره قليل اساسا كل ما اتروح مليون لو مليون ونص
مريم . ليش عود
زينب . شوفي حبي أبوها صدك تاجر جبير بالبصره بس كلش بخيل كلش فهي تاخذ هاي الفلوس تطلع تتونس بالبصره هي ومرت أبوها واخوتها
زهراء . هاي فرصتج
شهد . ااي شهر كامل يمج
مريم . ليش شهر
زينب . رقيه اصل عد أهلها شهر كامل
مريم . صددك
شهد . ااي والله
زينب . شنو رايج تروحين انتي و زهراء لصالون اسوين ترتيبات
زهراء . وعود ليش إني
زينب . انتي خو راح يشرد أركان منج
زهراء . شسوي غير جهال و دوخه
شهد . ااي اروح إني وياها
زينب . من يجي أركان  احاجي
مريم . أوك
زينب . باب البيت انفتح يمكن
شهد . ااي هاي عمتي أم ضرغام وبتها رنا
لعصر اخذنه اركان لصالون أول شي حفيت وكصيت شعري أشوي وصبغته عسلي وشسورت ورجعنه لبيت 
زينب . شنو هاي طالعه ملاك
مريم . ههههه انتي الي ملاك مستحيل اكو وحده مثلج حزينه وتفرح الي يمها
زينب . حبيبتي انتي
بيومها ما تعشيت والليل كله شلون اقابله باجر شنو اكله ما اعرف شوكت نمت
شهد . كعدي يمعوده صار ساعه اصيح
مريم . صدك بالله اكو واحد هيج يكعد
شهد . ااي إني بعدين الساعه بالتسعه هسه وراح يجي زوجج أشويه بعد
مريم . اااي
شهد  . وجعي كومي
مريم . ترى جوعانه
شهد . ااي نزلي تريكي بس لا تكثرين
مريم . ليش
شهد . لان الغده سمج مشوي بالتنور الطين بس كومي سوي تمن أحمر
مريم . يله كايمه
نزلت لكيت أهواي سمج بالمطبخ كاعد تنظفهن زينب
مريم . شنو هاي أهواي منو يكلهن
زينب . عمي عزم عمتي أم ضرغام وبتها وابنها
مريم . لعد شبيج ضايجه
زينب . علمود شهد
شهد . يووو صايره حساسه انتي ترى مية مره كتلج عادي يااا عيني عادي
مريم . راح اتريك هسه بس أريد افتهم الموضوع بالتفصيل سمعتي شهد
شهد . أوك
خلصت ريوك ونظفت المطبخ وبعدين طبخت التمن وحضرت الزلاطه والطرشي وبوجهي لغرفه نظفتها وفرشت فرشه جديده وبعدين غسلت من طلعت من الحمام سمعت صوت بالطارمه باوعت من الشباك شفت كيان و رزاق إجو وجان لابس عسكري طالع فدشي كل ضني راح يصعد لغرفه بسرعه مشطت ونشفت شعري و خليت مكياج بس ما صعد لبست شال ونزلت من فوك أباوع كاعد بالصاله هو وعمي نزلت
مريم . السلام عليكم
عمو . كيان . وعليكم السلام
مريم . الحمد لله على السلامه
كيان . الله يسلمج
مريم . الحمام حاضر ترى
اباوع عمي يباوع النه بحب خطيه رحت لمطبخ ضايجه
زهراء . شبيج عيني
مريم . ولج بالجذب ما شال عينه عليه
زهراء . ااااوف يله ميخالف
أجو عمتي وضرغام و رنا
سلموا دخلوا لصاله بس رنا بقت كاعده يمنه وشهد جانت كلش حزينه من يوم الي طبيت لبيت عمي لسه أحس الي بي كلهم مهمومين وفعلا الفلوس مو كلشي على كد ما جانوا عمامي عدهم فلوس بس ما جانوا مرتاحين بحياتهم صبينه غده وكعدنه ناكل ونسوالف ونضحك نغير جو ل شهد خلصنه وصعدت لغرفه وجان كيان بالحمام إني جنت تعبانه نمت اخذت ساعه وكعدت جان كيان نايم نزلت سويت جاي العمو كاعد بالحديقه هيج وكت
أبو كنعان . هااا عمو تأخرتي اليوم بالجاي
مريم . ااي والله جانت نايمه
أبو كنعان . وكيان
مريم  . نايم عمو
أبو كنعان . شلونه وياج
مريم . زين زين
أبو كنعان . ان شاء اللة دوم
طبعا همه بيوم الغده سمج ما جانوا يتعشون ل ١١ بالليل صعدت لغرفه أريد افتح الباب سمعت كيان يخابر
كيان . ااي بس أني كلش مشتاقلج اهواي اضلين شهر يم أهلج أجي اخذج باجر ومن التحق رجعي حبابه شبيج
مريم . متت من سمعت هل حجي واختكت كلش كبل رحت ل زينب
مريم . 😭😭
زينب . شكو يا ستار
مريم . جان كيان يخابر رقيه وتعاي سمعي الحجي
زينب . اوووف
مريم . تعبت يا ختي واين اروح والله احس وجودي اهنا ماله داعي
زينب . كولي يااا الله ربج يحلها
مريم . يااا الله يااا الله
ضليت يم زينب ل ١٢ ورجعت لغرفه جان كيان بعده كاعد
مريم . عادي اسد الضوه أريد انام
كيان . ااي براحتج
مريم كعاده نمت بطرف الجربايه وهو بالطرف الثاني ل ٣ بالليل حسيت الالم دوره كلش قويه وضليت ابجي من الالم 
كيان . شبيج
مريم . بطني وظهري يوجعني راح أموت
كيان . شنو ما اكله شي
مريم . لا
كيان . جااا شنو
مريم . دوره 😶
كيان . والحل شنو
مريم . الابره
كيان . واين بهل لليل انروح لمستشفى ما نكدر
مريم . لعد شلون بعد ما تحمل 😢
كيان . راح اكوم اسويلج تشكيله حب وانتي اصيرين زينه
مريم . اخذت ٣ انواع مال الالم بس بعده الوجع
كيان . شنو رايج ادفيج بحضني
مريم . شنووو 😲
كيان . تنامين بحضني بالكي اصيرين زينه
مريم . نمت بحضنه وشبكني حيل صدك جان حضنه دوه
كيان . صباح الخير
مريم . صباح النور
كيان . الساعه بالتسعه
مريم . بكلبي هو هيج حلوو لو إني اشوفه حلوو
كام من يمي وجان اشوف
مريم . عزه
كيان . شنو
مريم . والله اسفه واعتذر
كيان . شكو شبيج
مريم . باوع البجامه 😊
كيان . وشنو يعني
مريم . ادمرت من عندي
كيان . عادي ما صار شي المهم انتي زينه
نزلنه تريكنه واني الدنيا ما ساعيتني وكل يباوع علينه بس طلع كيان
زهراء . ااي عيني صافيلها الجو الحلووه
زينب . ان شاء لله دوم يصفلها الجو
مريم . 😍😘 صدك فرحانه
شهد . دوم واحنه هم فرحانين الج 
تعودت كل يوم انام بحضنه عشت احلى شهر كعدنه وسوالفنه وضحكنه
كيان . مريم
مريم . نعم
كيان . أني اسف
مريم  . على شنو
كيان . على اهمالي الج ولان ما ودعتج ولان عبالي زينب هي الي مسويه الأكل النه وعلى كلشي أعتذر
مريم . ما صار شي عادي  إني نسيت اصلن
كيان . ما اعرف شنو اكلج بس من اشوف أبوي فرحان بيج إني هم افرح
مريم . شكرا
كيان . وهااا عبالي مو نادره طلعتي عمارجيه مضبوطه
مريم . هههههه
كيان . هو ما زعلتي
مريم . لا محد يتبره من أصله
كيان . أريد افتح وياج ورقه بيضه
مريم . مو هسه الحد ما هذا يدك إليه اله اشرت على كلبه اله اسلمك نفسي اخذ أيدي وباسها
كيان . واني راح أنتظر
مريم . ضحكت اله
مر شهر  وراح تجي اليوم رقيه وكلش متخوفه وضايجه كعدت الصبح باوعت كيان واكف على المرايه يمشط وعطره تارس الغرفه
مريم . صباح الخير يااا عريس
كيان . هههه صباح النور بس ليش عريس
مريم . ماادري شكلك يكول عبالك عريس تعدل بروحك
كيان  . مااكو شي راح اطلع رايده شي 😐
مريم . لا  بس كيان
كيان . هااا
مريم . الله يخليك لا تنساني 😢
كيان . شبيج ولج من الصبح
مريم . مااكو شي الله وياك
من طلع أحس طلعت روحي وياه وكنما أخر مره راح اشوفه ضليت بالفراش أبجي
شهد . يبووو شكوو بعد
مريم . ولج اليوم رقيه تجي
شهد . وشنو يعني كيان بده يميل الج
مريم . خايفه والله خايفه لا كلبي يصير بالرجلين
شهد . نتظر وانشوف
مريم . هو هم هيج
لعصر  كاعدين بالصاله دخلت رقيه وياه كيان طبعا رقيه ما اسلم ولا تحجي ويه أحد بالبيت فدخلت كبل الغرفتها وياهه كيان انتظرت يطلع وما طلع ل ١٢ كاعده بالصاله وعيني على الباب
شهد . كومي خلي نصعد
مريم . راح كيان
شهد . عادي اليوم ينام يمها
مريم . عاتبيني اذا عبرني بعد كيان
شهد . مريم كومي انام لان انتي ادورين نكد
مريم . صدك انتي شنو سالفتج
شهد . يبووو  سالفتي عشت اجمل واحلى وأصدق قصه حب جنت هيج ضانه من إني بالمتوسطه وهو يحبني بالاعداديه اله وافقت على هذا الحب وجان رابع وعشرين ساعه اهنا يم رزاق من وصلت لجامعه كال إني اجيبها واوديها فرحت كلش فرحت
مريم . ضرغام مو
شهد . ااي ضرغام الي بعد ما يعبرني الي ما سئل عليه بعد وفاة امي ضرغام الي كسر شي كلش جبير بداخلي شحجي وشسوالف شلون جان يحبني ومتعلق بيه هو الي خله عمتي تكعد اكباله وهسه ولا كنما إني موجوده 😭😭
مريم . وليش ما عاتبتي
شهد . صار سنتين أريد اشوفه وحدنه بس هو يتهرب
مريم . يله عادي
شهد . هههه
نمنه أني وشهد و دموعنه على خدنه يا ريت ما كعدت الصبح وشفت رقيه واكفه كبال الحمام تريد تغسل وجانت ركبتها زركه وشفتها وهي ما مجذبه خبر لبسه دشداشه حتى تبين صدرها
دخلت لمطبخ إني وشهد وكاعدين نتريك جان يطب كيان . زينب اكو بيض سلك
زينب . ااي هسه اجيبلك
مريم . ما تحملت خليت وكمت ورحت لغرفتي بجيت وبجيت الحد ما تعبت
همزين ما ضعفت كدامه جان حبلت واورط طفل ويابه شنو من عيشه عيشتها إني اصدكون بيومها هم ما طلع من البيت واني ضاله اتكله فوك ليش هيج بس يشوف رقيه ينسه الأول والتالي شنو ذنبي حبيتك شنو ذنبي ابويه جبرني عليك شنو الي سويتها حتى كاعد اتعذب هيج
وبكل عين صلفه أجت رقيه الغرفتي اخذت ملابس كيان وطلعت واني واكفه اباوع شسوي ادافع على شخص هو ما يريدني مستحيل اسويها

قلت : وكيف ؟
قالت :ان تعشقي بلا جدوى وبلا أمل وان يصبح اللقاء صعب الامنيات بل واشدها استحاله؛ شعور لا يمكن وصفه بالكلمات المجرده والم يعتصر القلب كل مساء من تهيج الأشواق بحثا عن صوت يسكن الوجع وانيس يشارك المأكل....
فقره بكتاب عجبتني
اسفه على التاخير 😍😘
...........................................
تحياتي هبه أدم ⚘⚘⚘