أول مره أحس العافيه أبن أدم 💔

البارت التاسع

اي يكلبي
-
#وحده_وحده ،
         #دموعي_طاحن
                  والحزن مافاركني #بعدة

#_وحده_وحده
          الدنيا شوك ومالكيت بيوم #وردة

#وحده__وحده
     شكثر عِنــدي من #الاماني
              وماتحقق اي شي انه #ردتة

#وحده_وحده_
       الليل عود عيني #تسهر
                    والسهر كاعدلي #كعده

....................................................
مرت أيام واليالي واني حالتي بالويل وصحتي بالنازل وضاله كاعده بالغرفه وساكته متانيه العقب الي ينتظرني أمي هم ضايجه ومقهوره وبس تبجي من أسئلها أشبيج تطلع من الغرفه مكضيتها بس نوم وبجي وبيوم نايمه وخلت منيره عليه الصبح
منيره . كومي لسه نايمه
مريم . يعني شسوي الخاطر محمد
منيره . كومي عنده خطار والشغل فوك رأسنه
مريم . منو الخطار
منيره . عمو سالم وكيان وعمتي أم ضرغام
مريم . شكو شعجب جايين
منيره . لا والله ونسئلهم شكو جايين بعدين بابا محضر روحه من البارحه
يله كومي
مريم . كايمه كايمه

مو من عوايد عمامي يجون البغداد لان يكولون روحنه معلكه بالعماره وناس عمليين تفأجات لان أجوا لبست دشداشه طويله وشال ومكياج خفيف ونزلت
أم ضرغام . اللهم صل على محمد وآل محمد  هلا بالعافيه بت الغالي
أم محمد . صليتي على نبيج
مريم . شلونج عمه 😘
أم ضرغام . هلا يا بعد عمتج 😘

مريم . ولج منيره شبيها عمتج هيج تباوعلي
منيره . لا دورين اسوالف وشتغلي 🙄
مريم . أساسا مشتاقه لشغل
أحمد . ( هو ويدخل لمطبخ) منيره جاي 😞
مريم . يا يمه كلبي وكف من نظرته
شلون لو أشوف بابا يمكن أموت أني اصعد لفوك أحسن
منيره . مريم صدك جذبين تلحلحي
مريم . ولج لا صيرين براسي انتي الجبيره انتي إلي شتغلي
خلص اليوم وأني ومنيره بالمطبخ نطبخ ونغسل أماعين و انظف من جان بابا يفوت لو أخوتي اختل واضل ابجي 😭 أصعب شعور حسيت بي بذيج الفتره من خلصنه كلشي رحنه كعدنه يم عمتي ام ضرغام
أم ضرغام . أي أم محمد احنه جايين نخطب بتنه مريم ل كيان
أم محمد . 😢 مثل ما كلتي هاي بتكم
مريم . 🤤 بس سمعت حجي عمتي صعدت لفوك لغرفتي
أم ضرغام . بعد كلبي ل خجوله

معقوله الي سمعته جوه عمتي خطبتني كيان ليش هو وأين شافني معقوله هو الي يردني شنو سر التوقيت ويه عملت زيد زين معقوله بابا يوافق لو يسئلني يااا ربي تعبت بس أفكر حايره بهل سالفه وأسمع الصياح
محمد . يمه يمه
أم محمد . أسم الله شبيك يمه
محمد . تماره كاعده تطلك وتكول بعد مااكدر
أم محمد . يمه إني مااكدر اروح مريضه خلي تروح مريم وياكم
أم ضرغام . إني هم اروح وخلي ياخذنه كيان
أم محمد . مريم بدلي بسرعه ونزلي وانتي منيره حضري غراض مرت أخوج
مريم . منيره . صار
مريم لبست عباه خليجي هي وشال مالتها وشحاطه ورحت لغرفتة محمد بدلت التماره هم لبستها عباه خليجي و طلعنه اباوع سياره محمد بالكراج
مريم . لعد بيمن اروح
أم ضرغام . أمشي يمه بسياره كيان
طلعت جان واكف برى بابا وعمي سالم و اخوتي و كيان
مريم . شلونك عمو ان شاء اللة بخير 😘
عمي سالم . هلا بعروستنه الحلوه 😗
مريم . 😶
ام ضرغام . يله يمه خلي روح لمستشفى الابنيه خطيه
كيان . محمد . يله يله
طريق كله صافنه رحت بعالم وردي مع أن تماره صوتها يجيب التايه 😂 بس إني ولا يمي
وصلنه لمستشفى
كيان . نزلوا واني اركن السياره واجي
محمد . خوش يله نزلوا
نزل محمد وعمتي ونزلوا تماره واني عباتي مجلبه بالباب مدكنه أجر بيها واجتني ريحه عطر لا تقاوم
وجر العباه شلت رأسي صارت عيني بعينه
ضعت و دخت ما اعرف اوصف الشعور الحد هذي اللحظه
مريم . يااا ما هو محمد
كيان . انتظري اهنا اركن السياره واجي
مريم . اشترت براسي اااي
اشويه واجه ودخلنه لمستشفى سوه ولكينه عمتي و محمد وتماره خطيه داخله يجيبوها
عمتي . بوجه مبتسم الله يتممها على خير
وجان كيان يبتسم ابتسامه قليل أكول بحقها ساحره جان بودي اكوم واكله كافي رحمه لأهلك
جنت عايشه بحلم بالمستشفى الحد ما سمعنه صوت طفل يبجي جان فرحتنه متنوصف
بسرعه محمد حضني واني هم حضنته وكمت ابجي 😭
عمتي وكيان كل ضنهم علمود فرحتنه بالطفل
الحد السته الصبح اله رجعنه وجان ماما وبابا منتظرينه
فرحوا فرحه مو طبيعيه وبابا ذبح ذبيحه
وراح أحمد جاب ريوك كاعد احضر الريوك وامي وعمتي كاعدين يمي
أم ضرغام . لو شايفه ام محمد البارحه من فات كيان ويه مريم يخبلون تحسين انخلقوا حتى يصيرون سوه
أم محمد . 😭😭😭
أم ضرغام . يااا خيه شبيج تبجين
مريم . ماما شبيج
أبو محمد . لان بتها راح أصير بعيدها عنها
أم ضرغام . يااا  خيه قابل بعيده عنج شمرت عصر انتي يمها
أم محمد . كلبي ما ينطيني بتي انطيها بعيد عني
أبو محمد . ام محمد  البت رايحه يم عمامها مو ناس غرب وتاخفين عليها
مريم . طلعت من المطبخ واني منتظره بابا يسئلني وياخذ رائيي تالي طلع منطيهم احجايه يله أساسا إني جنت راح أقبل

أم ضرغام . اعرف انتي خايفه مو ما تريدين بتج بعيده عنج
أم محمد . وانتي تعرفين منين خايفه
أم ضرغام . البارحه لو شايفته شلون دخل وياها لمستشفى ما جان كلتي هيج
ام محمد . بس كيان
أم ضرغام . لا بس ولا شي
أم محمد . كاعد اتعب روحي وياكم بالحجي بس خطيه مريم بركبتكم

صار عدكم فضول تعرفون كيان شبي موووو البارتات الجايه راح نعرف شبي وطبعا بنات اسفه كلش والله ما كاعد الحك انزل اكثر من بارت باليوم لان تعينت جديد وبيت و كتابة قصص بس انطوني وقت انظم وقتي 😘😍
........................................
تحياتي هبه أدم ⚘⚘⚘