أول مره أحس العافيه أبن أدم 💔

البارت الخامس عشر

ونتلاكَة وعتب تترادم النظرات
وفوكَ اركَابنة ينرسم واقع حال
امن اصد ولكَة بركَبتك باقي اثر بوسات
وتصد الركَبتي وتلكة بركَبتي اعيال
وفهمني الربط بين العشكَ والسوكَ
شو تجمعنه نظرة ونفترك عالمال
خلي ابالك الصايغ يرد مهموم
والعامل يرد بجيوبة راحة بال
#رائد أبو فتان
...........................................
دائما جنت افكر ليش بهذا الشهر كيان جان شخص ثاني وليش من اجت رقيه تحول شخص ثاني ما جنت رافضه وجود رقيه بحياتي بالعكس إني الي دخلت لحياتها جان لازم يعدل بيناتنه بكل شي بس تعبت والتفكير كتلني وكمت أكره الليل وساعته وكلبي كلش كاعد يوجعني وغير حركات رقيه المقززه الي اسويهن كدامي واشوف كيان والبيت كله يشوفه طاير من الفرح واني بالضيم بيوم مليت كلش وحسيت نفسي كلش رخيصه على شنو عايشه بيت عمي و زوجي ما يريدني ليش هل مذله اتصلت بوالدي
أبو محمد . الووو
مريم . الووو بابا شلونك
أبو محمد . هلوو بابا انتي شلونج
مريم . مو زينه كلش مو زينه
أبو محمد . خير يااا بويه صاير شي
مريم . ليش هو شنو الي ما صار
أبو محمد . أحجي شكوو
مريم . أريد ارجع لبغداد تعبت اهنا
أبو محمد . شنو ترجعين مره موزوجه تكعدين بيت زوجج
مريم . واذا زوجي ما يريدني
أبو محمد . مريم صيري حبابه و سمعي كلام
مريم . يله بابا من رخصتك يصيحوني
بجيت الحد ما طلعت روحي جان عندي أمل اروح الأهلي هسه راح الأمل راح أضل عايشه بيت عمي الحد ما يحن سيد كيان لو يذكر عنده زوجه ثانيه مرت الايام و رزاق حمايه خطب بت عمته رنا طبعا بعد إلحاح عمي صارت الخطوبه و رنا جانت فرحانه شفت فرحتي بيها بخوطبتي رحت لمطبخ اجيج صينه أريد ارجع لصاله لاكاني كمش ايدي
كيان . أوكفي
مريم . شكووو
كيان . انتي الي شكو شو شايله خشمج
مريم . لا عيني ما شايله خشمي
كيان . ااي لا اشيلي لا اكسره
مريم . صدك بصفتك شنوو
كيان . بصفتي زوجج
مريم . يااا صلوات تدري زوجي انته
أي أيدي شبيك
كيان . ما بيه هاي بسيطه المره التجي راسج اكسره

اوف هذا شبي هسه هم عوزي إني تجي الحنيه اله اشويه وتروح
شهد . شكو
مريم . سلامتج
شهد . شبي كيان طلع عصبي
مريم . شمدريني أجه تعارك ورجع
شهد . هااا
مريم . ااي اذكر اني مرته
شهد . ولج ما انغوره اشويه
مريم . شلون
شهد . نحرك غيرته شبيج
مريم . لا حبابه إني يااا مستوره انستري
شهد . شبيج خوافه
مريم . لا عوفي الموضوع انسي

كل يوم بيت عمي اكتشف سر ولا جنه ذوله الي نتونس يمهم وضحك وسوالف
مريم . الووو
أم محمد . الووو شلونج حبيبتي مريومه
مريم . هلوو ماما شلونج
أم محمد . شوكت تجين البغداد
مريم . شكو ببغداد
أم محمد . ليش كيان ما كلج عرس اخوج أحمد الاسبوع الجاي
مريم . لا
أم محمد . ااي لعد اجوز نسه وشوفي شوكت تجون
مريم . ااي كلش هسه يجبني
أم محمد . ليش يمه متعاركين
مريم . لا عادي مااكو شي وباركي لاخويه لان إني ما اجي
أم محمد . ليش نسيتي اهلج
مريم . لا والله يمه اهلي الي نسوني يله من رخصتج عندي شغل
سديت الموبايل حسيت نفسي صايره انسانه بلا مشاعر وبيوم كاعدين على الغده
أبو كنعان . باجر اروح لبغداد حضروا روحكم كيان ومريم
مريم . بس عمو إني ما اروح
أبو كنعان . ليش عمو
مريم . مااريد اروح
كيان . عرس اخوج وما تروحين
مريم . عادي ما اصير يعني
كيان . لا أصير عيني
مريم . من رخصتكم شبعت
أبو كنعان . ليش عمي ابوج جابرج
مريم . على شنو عمو
أبو كنعان . على زواجج من كيان
كيان . مجبوره
مريم . لا مااكو هيج حجي 😢 بس إني ما أريد اروح الاهلي
من رخصتكم وصعدت لغرفه ابجي لان صدك تعبت 😭😭
كيان . وليش تبجين
مريم . لان تعبت أرحمني الله يخليج أرحمني
كيان . واني شنو مسوي الج
مريم . طلكني
كيان . ليش
مريم . شنو ليش كيان هم عيشه عيشتي هم حياة حياتي عايشه اهنا ليش فهمني
كيان . نصي صوتج ولا اصيحين بوجهي خوش واحنه ما انطلك نسوانه فهمي هذا الشي
مريم . خوش لعد اكتل نفسي واشيلك الذنب
كيان . شنو هل حجي
مريم . خلص و اختنكت كلش بعد ما اتحمل طلكني طلكني وكمشت السجينه وحق الحسين اكتل نفسي
كيان . انطيني السجينه
مريم . طلكني
كيان . ليش من سئلج ابويه مجبوره جذبني
مريم . ما جذبت بس إني ما تحمل اعيش وياك ولو واين عايشه وياك
كيان . انطيني السجينه كلت
مريم . جرحت نفسي
كيان . مخبله انتي رسمي
مريم . وكعت بالكاع
كيان . شنو الي تردي
مريم . طلكني
كيان . ان شاء اللة اروح لعرس واحاجي ابوج
مريم . صدك تحجي
كيان . ااي إني هم ظلمتج اهواي
نمت من الظهر الثاني يوم الفجر
كيان . يله كومي صلي انريد اروح لبغداد
مريم . يعني اخذ كل غراضي مو
كيان . وهيج فرحانه لا عيب انطب هسه الهم وكل غراضج وياج اخذي جم حاجه وبعدين إني اجيبهن
مريم . أوك
بدلت ونزلنه لكينه عمي منتظرنه
أبو كنعان . يله بويه وينك عمك سلمان منتظر بره
كيان . هم يروح ويانه
أبو كنعان . لا أني وياه بسيارته وانته ومرتك بسيارتك
كيان . خوش
مشيت ردت افتح باب السياره الي وره كمشني كيان
كيان . خو مااكو شي مريم
مريم . أستغفر آلله شكو
كيان . كعدي بالصدر لا تفضحينه
ردت أصعد وجانت رقيه تباوع من باب المطبخ علينه وشلون كعدت بالصدر بكلبي كلتلها لا اضوجين راجع الج مشينه مسافه اني تخربطت لان من البارحه الظهر ما ماكله شي والدنيا كامت تفتر بيه بالكوه حجيت
مريم . كيان فدوه الحكني
كيان . شكو شبيج يمعوده احجي
مريم . دخت كلش بعد مااكدر
كيان . ااي من البارحه الظهر كلشي ما ماكله
خلي اشوف مطعم شي اجيبلج منه
وره اشويه وكف السياره راح اجيب الج أكل واجي واني جنت نايمه على باب السياره اندك الباب انريت
أبو كنعان . هااا بويه شبيج
مريم . اشويه دخت عمو
أبو كنعان . يله بويه ما بقه شي ونوصل
اجه كيان جايب كباب وعصاير ويه انطه علاكه لعمو وجاب علاكه واجه لسياره سوه لفه انطاني عصير
كيان . تفضلي
مريم . شكرا كلش جوعانه
كيان . هذا الاكل كدامج خلصي
مريم . والله جوعانه اخلصه ليش لا تريد
كيان . لا ما احب اكل بالسياره
مريم . براحتك
وصلنه بغداد جنت كلش مرتاحه على الرغم أني كلش احب كيان بس حبي بمذله ما اريده طبعا وصلنه لاهلي يوم الاربعاء والعرس جان الخميس
دخلنه لبيت سلمت على بابا واخوتي وامي ومنيره
أم محمد . عساس ما تجين
مريم . همه جاوبني
منيره . جدي اشتاقتلي واجت اشوفني
مريم . 🙄🙄
منيره . ااي شلونه كيان
مريم . ليش ما شفتي زين
أم محمد . عمج يكول ديروا بالكم عليه أكو شي
مريم . خطيه والله عمي
منيره . ليش
مريم . سلامتج
صدك شلونها العروس
منيره . عاديه كلش
ام محمد . انجبي انتي تخبل
منيره . منو هاي الي تخبل
تماره . منو هاي مريم عدنه 😘
مريم . لا خيالها 😘
تماره . عابت تحشش
منيره . ما جبتي شهد
مريم . هو إني بالكوه اجيت
أم محمد . دكافي عاد