تاني يوم بالصباح طلعت سلمى المطبخ عشان تشرب شاي الصباح ، لقت فارس قاعد يفطر بالمطبخ ، سلمت عليو وعملت الشاي وقعدت تشرب في السفرة في المطبخ مع فارس ، و سألتو :
-انت ما وريتني كيف قدرت توصل لي في كسلا ؟
ضحك فارس وقال :
-اتوقعتك حتعرفي من غير ما تسألي ..
سلمى باستغراب :
-كيف؟؟!
فارس:
-انتي ناسية اني بعرف رنا ؟ ورنا الوحيدة الكانت عارفة عنوانك في كسلا واسم الكوفير الشغالة فيو !
سلمى وحست ب غباءه :
-واااي بجججد طلعت غبية كيف ما فكرت في الحاجة دي !!
ضحك فارس وقال :
-الاعتراف بالذنب فضيلة !😹
-غياظ ده
-عملت شنو هسي انا !؟ براك اعترفتي على نفسك😹
واثناء كلامهم دخلت ياسمين عليهم وقالت ب دلعها المعتاد :
-هااي فارس ، هاي سلمى
وجرت كرسي وقعدت ، وعاينت ل فارس وواصلت كلامها :
-بتبالغ يافارس ! انا منتظراك لي عشرة دقايق في العربية ! واتصل غليك تقول لي ثواني وبجيك يادوب بتفطر ؟!
فارس ب ضحك :
-سووري شدديييد لكن اعمل ليك شنو انا قلت ليك ادخلي انتظريني جوا براك ابيتي 😹 خلاص انا انتهيت يلا ارح ❤
ياسمين :
-حنمشي ب عربيتي انا
فارس:
-انتي تأمري ياخ
وطلعو من المطبخ وهم آخر انسجام ورومانسية ، وسلمى بتفرج فيهم و حبست دموعها بالغصب و لأول مرة تجرب احساس الذبحة الصدرية !
طلعت على غرفتها وفتحت مذكرتها وكتبت :
(على قدر الحب الجواي ليك بتمنى ليك السعادة مع ياسمين ، وعلى قدر ما بتمنى ليك السعادة معاها بكره اشوفك معاها ، اول مرة اجرب المرض الاسمو "وجع الروح" )
وعلى الناحية التانية ياسمين وفارس وصلو بيت المزرعة ،
ياسمين فتحت الباب وقالت ل فارس:
تعال يافارس وغمض عيونك زي ما وعدتني و اوعى تفتح ..
فارس: حاااضرر
ياسمين ساقتو من يدو وصلتو لحدي المطبخ وقالت :
-خلاص فتح !
فتح فارس وقال :
-ابو الزفت زاتو 😻 كنت عارف انك خطيرة وعرفتك ح تظبطي المطبخ وتبدعي فيو عشان كده اتعمدت انو يتشطب اول حاجة ..
