امراه بين دهاليز المافيات

البارت الرابع

🎀أمرأه_بين_دهاليز_المافيات 🎀
🎀للكاتبة #زينب_عبد_المطلب 🎀
#بارت_الرابع

انفتحت الباب ودخلت عليه عمتي هي وبنتها العنود وخداماتها وراها وشايله بيدها العكازه
الي ابد مذبها من ايدها
اتقدمت عليه رفعت العكازه فوك وسحبتها شو هذا طلع سيف جواها اني كلت هذا هو
حتكطعني
الام:شوفي يالطويله دشوفين هالسيف حاد مثل الموس اكطعج اتكطع بيه وكل قطعه بجسمج
افرمهاواذبها بصفحه وادزج لاهلج مكطعه واكول زنت وزوجها قتلها و وقتها اريد رجال من اهلج
لو اخوانج وابوج يفتح حلكه
جوانه:شكو شصاير
الام:شنو هالتحميله الي كانت بالحمام بعد ما طلعتي انتي منه

اني هنا حاولت اكون اذكى منها
هاج شوفي اهنا بالمجر اني عندي تحاميل استخدمها وطلعت وحده واستخدمتها شنو حرام
لو ممنوع عدكم هالشي هذه تحميله طبيه
الام:كذابه لتكذبين عليه يله يبنات نومها حتى اتاكد
اهنا وبهاللحظه دخل جبر
-لا يمه تركيها اني كنت وياها بالحمام وكدامي استخدمتها
الام:هاااا اذا هيجي تركوها يله امشن طلعن
اني استغربت شعجب هو كذب وكال هالشي اول مطلعو وكفت على حيلي وحسيت الدنيا
تلف بيه وكعت
فتحت عيوني ولكيت روحي بحضن جبر حاضني ودموعه تنزل عليه
جوانه:تبجي مو ليش هيجي سويتو بيه والله هذا مو ثوبي مو حرام عليك والله الي دسوه
حرام حتى الله ميرضاه ضليت ابجي وخرت من يمه حطيت راسي على المخده سمعته
بعده يبجي انداريت عليه وسالته انت شعجب كذبت على امك وانتي مشفتني واني طردتك
من الحمام
اندار عليه وهو يمسح دموعه :لان من دخلت وشفتج شفت بيج بنتي
اني اهنا باوعت عليه يعني شنو هالاسرار الي متخلص شنو بنتك

جبر:امشي نطلع بالبلكونه لان تعرفين الغرفه كلها كامرات ولاقطات
طبعا يحجي وصوته كوه اسمعه

كمنه ورحنه للبلكونه مال غرفتنه وكعدنه
جبر_راح احجيلج كلشي عن حياتي
اني كتلج قبل قبلج مزوج 4 اول وحده ازوجتها حبيتها كلش وازوجتها ومن جبتها لبيتنه هنا امي
شافتها وكالت ما اريدها هذه محلوه وانت تعرف اني اريد اشتغل عليها لان عيشتنه
على هالشغله ما اكدر اعيشكم الاهيجي
طبعا مسمعت كلام اني ومطلكتها وبقيتها بالبيت وجابت 2بنات مني
بس ملحه امي وخوفي على بناتي لتشغلهن من يكبرن واني متاكد من هالشي طلكتها
ورجعت للعراق وره فتره سمعت انو هي مزوجه صديقي وفرحتلها احسن الها ولبناتي

جوانه:لعد خلي احنا نترك امك ونعيش بالحلال وانت تعرف اني مغلطت اليوم لان دافعت عني
جبر:اي عرفت من دخلت عليج بالحمام
-صدكني والله مغلطت وحتى اسم امك منطيته لان اعرف بيها مراح تتركني بحالي اذا
جبت طاريها
طبعا حاولت اكسبه الي حتى اخلص من هالبئره الي انحطيت بيها بس مع الاسف مفاد
لان امره مو بيده بيد امه
جبر-شوفي جوانه اني مراح اكول انو انتي مسويتي شي بس ضلي خايفه من امي تره تقتلج
والله
جوانه-اهم شي انت ويايه وتساعدني ومتخليها اطلعني بعد تره اذا هالمره كدرت مره ثانيه
يجوز ما اكدر
جير-الله كريم راح احاول ولو اعرف امي من تركب راسها على شغله