🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت التاسع عشر
جبت عمري بقطار القهر والضيم
وشفت بكل محطة انواع الاهموم
منو مثلي ينام بدمعة غركاان ؟؟
ويسكية الدهر بأنواع السموم ؟
عاشرني التعب والقهر والحرمان
ويحط نيشانه بيه الحزن كل يوم
كطع بيه الفرح جن يطلب بثأر !
وخلاني أعيش لوحدي مظلوم
عجيبة شوكت تفرج ؟ ياربي يايوم ؟
مو صارت همومي بعلو الغيوم
الانسان الي ما عنده حظ وين ميروح يبقى ما عنده حظ بس هالمره يمكن حضي فادني
من واني بالمطار والوقت اريده يمشي حتى اخلص واروح واضمن جهالي محد ياخذهم
وكاعده وعيوني ع الي يروح ويجي ليجون عليه ولياخذون جهالي
واني وكاعده واسمع بتأجيل سفره مصر الى حين اخر
يعني اكو هيجي حظ لا مستحيل سفره تتاجل زين شلون انعارت اعصابي بالمطار وكمت
اصرخ جهالي يباوعون عليه يبجون خايفين مني لان فعلا انجنيت ضليت ابجي وابجي
لحد ما هديت واتصلت ع تماره
-لج رجعي رجعي عوفي البجي واللطم يمعوده ليجون عليج بالمطار
-ولج حموت تماره بعد ما اتحمل حياخذون جهالي مني بس ارجع
-لج بس طلعي فدوه من المطار
-يله طالعه
وطلعت وبالطريق افكر اني مو جوانه الجبانه الي تنهزم اني جوانه الي مر بيه اقوى من هذا وطلعت
منه اني جوانه الي دخلوني ع شيخ والله وكف ويايه وحماني منهم اني الشفت الويل من كل واحد
عرفته حيوكف كدامي ابراهيم واخته لا والله ما اضعف جهالي يمي ويبقون يمي وتحلمون
تاخذوهم مني اواجهه والي يريد ايصير خلي يصير
وكتلها لتماره وهي عبالها تخبلت لان متوقعه انحبس بس اني لا مو من طبعي انهزم او اختل
اني اواجه
اتصلت ع الي ساعدني بالسفر الي بالديوان
-ولج صدك تحجين شنو هالحظ العليج
_ميخالف ما اهتم خليني اواجهم مو مشكله اتصلت عليك حتى ابلغك انو اني مسافرت
-تمام بس امانه شنو تحتاجين اني حاضر
-ادري بيك متقصر
و وصلت للبيت ولكيت خطيه جيجي بالباب تنتضرني لان كتلها لتماره ادزها
وبعدني اول دقيقتين من طبينه للبيت واندكت الباب وما اشوف الا الشرطه جايه عليه
اي طبعا تبقى لهالوقت حتى لو منتهي الدوام هذه خلود بعد شلون يرجعون لبيوتهم وشغلتها
منحلت
الشرطه-انتي جوانه......
-اي نعم
-تفضلي ويانه عليج القاء قبض والي مشتكيه عليج خلود.....
-اي تمام اني حاضره
وطلعت وياهم بس شرطت بسيارتي اصعد وما اصعد وياهم
الشرطه:لا ميصير الا ويانه
-شنو ميصير اني اشتغل بالديوان وهذه هويتي وسمعتي معروفه شنو تريديني اصعد
بسياره شرطه
-تمام بس ويانه تمشين
وطلعنه واني بسيارتي وهمه بسيارتهم ومشيت وراهم لحد ما وصلنه لمركز الشرطه
اول مدخلت شفت خلود الي وجه مخيط من فوك حاجبها وفوك وملفلفه راسها
مدري اضحك ع شكلها مدري اضحك ع روحي شلون ضربتها
أنت تقرأ
امراه بين دهاليز المافيات
Mistério / Suspenseقصه حقيقيه لبنت عاشت حياتها صعبه بين اناس مختلفه اشبه بالمافيات اناس كل همهم الكسب من الحرام وبعد التخلص منهم وقعت بيد اشخاص اكثر يتجارون ببيع مبادئهم وانسانيتهم فماذا حيكون مصيرها ..... بقلمي زينب عبد المطلب
