امراه بين دهاليز المافيات

البارت الثاني عشر من الجزء الثاني

🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت الثاني عشر

بعد ما وصلنه للقابله وشفت العالم ملتمين واختي راحت واجتني صعقتني
يابه احجي شكووو
لج جوانه الجده ميته
اني كعدت ع الرصيف وابجي شلون ماتت وشموتها احد قاتلها يعني
-لا ولج ايكولون مسلمه امانتها لله وميته موتته ربج من الصبح
اني اهنا تخبلت كمت واتصلت ع ابراهيم
-ابراهيم هسه تجي
شكو شصاير صاير بيكم شي
لا مصاير شي بس اني ما اريد الطفل والي دنطرحني ماتت
شوفي جوانه ورب الكعبه اذا هالطفل راح صدكي اسجنج واذا تفكرين
تسافرين وتسوين الي ابالج اني هسه رايح اسوي منع سفر الج ولادم

اني هنا ايست بعد لا بيه اذب الطفل ولا اريد ابقيه وشبيه خابرته
شسويت بروحي ما ادري وهو منه احس شايل بكلبه عليه لان كشفت
اولاده ومقبلت ابقى واخليهم يمي فهو اهنا بلش يعاند ويايه
فتركت الموضوع لرب العالمين وكلت هذا هو شيصير خلي يصير الكاتبه
الله هو الي يصير
ومرت اول 3شهور من حملي واني يم اختي تماره
واجه علينه ابراهيم
-شوفي جوانه كدامج خيارين يا اما ترجعين للبيت وترجعين ويه اولادي
او كلمن يروح بطريقه
-يا اولاد انت صدك تحجي لو تشاقه لا اني امهم ملزومه بيهم ولا عمتهم
واصلا لهنا واني وياك كلشي انتهى بينه
تماره :كعدو وصلو على النبي
شوف ابراهيم هسه خليها تعدي فتره الحمل وتولد بسلامه وكل وحد بيكم
يروح بطريقه اتركها يمي خليها تعدي فتره حملها بدون ضغوطات وزعل
-بس اني اريد اولادي يتربون يمي واريد ادم كدام عيوني شنو حابسته
اهنا وممنوع احد يشوفه
تماره:ماكو تاخذ طفل من حضن امه وهو بعده صغير واحنا ممانعيك من
شوفته شوكت متحب تعال وشوف
وهو فعلا اقتنع وراح
طبعا عدم خوفنه من ابراهيم وبالرغم من اهله واخوانه كلهم واصلين
بس هو بالذات كان من وره نومته للضهر واهماله لشغله وافلاسه
وسوالف جهاله بهالوقت هذا محد كان يدخل بأي شي يخصه لذلك
كنت اني وتماره نعرف ميكدر يسوي شي ولا احد يساعده

فبقيت يمها وهو كلما يريد يجي ويشوف ادام
اني اهنا ضجت يعني كم دوب اظل ع هالحال ولا اني طايله السمه
ولا الارض فلزمت تماره
-شوفي تماره  اني قررت اروح للشقه لابراهيم واكعد وياه واتفق ع كلشي
-ع شنو تتفقين يمعوده وين رايحه
-لازم نكعد وحدنه ونتفاهم لان اعرف اذا ضليت اهنا لحد ولادتي حرجع
لنفس المعاناه
-زين خليني اجي وياج
لا انتي ابقي حتى ادم ابقيه يمج
وفعلا رحت عليه من بعد ما اتصلت عليه حتى يعرف بجيتي
-شوف ابراهيم قبل كلشي اكولك شغله مهمه جهالك وضعهم يختلف عن
وضعي وطريقه تربيتي واخلاقي و شكد محاولت وياهم همه يرجعون
مثل الاول واتعس ويوميا اكتشف بيهم شي جديد وغير اذيتهم وغيرتهم
من ادم وانوبه اذا جبت طفل ثاني اني شحيخلصني
وعليه اني افضل انو تاجر شقه مفروشه لاولادك وتحط احد مسؤل عليهم
وانت هم تروح وتجي عليهم واحنا نعيش حياتنه  كعائله مستقله ومرتاحه
ابراهيم:الصراحه كلامج عجبني واني مواقف لان لا اني اكدر اتركهم
ولا اتركهم
-تمام ما دام موافق عندي شرط
-كولي شنو
_اتاجري مكان ثاني ما اريد ابقى بعماره بيهم احد من اهلك هم باجر
عكبه يجون بحجه عمتهم وهمينه هالشقه روحي لعبت منها
-طيب وين تريدين
-اجرلي يم اختي
-تمام موافق اذا هيجي راح ابقي شقتنه الهم حتى ع الاقل اهلي يمهم
واخذلج يم اختج
وفعلا صدق بكلامه واجرلي  شقه صغيره يم اختي عباره عن غرفتين وصاله
وكلشي تركت من شقتي القديمه وماخذت بس غرفه نومي وغرفه نوم ادم
والباقي كله اني رتبته من صاله ومطبخ وباقي السوالف
وشقتي صارت الهم واهنا اني فعلا حسيت روحي استقليت عنهم
كامت اخته خوله الي وياهم بنفس العماره اتصلت وتحجيلي عليهم
اكوللها كلشي ما اريد اسمع اتكولي لا لازم يكون عندج علم بكلشي
يصير
خوله:شوفي جوانه صح انتي عفتيهم بس هذوله يبقون محتاجين ام ع راسهم
جوانه:وانتي مو عمتهم متشوفين حالهم وتهتمين بيهم
-عيني شهتم هذه سمر محد يكدر الها لسانها صاير شطوله ومتحترم احد
ولج النهار كله مصلخه لو تجي يمنه وتكعد وكل شوي تنزع قطعه
واذا تحجين وياها جوابها مال وحده مو بعمرها عبالك لسان مراه مو طفله
-وشلون تاركيها هيجي لتروح تغلط
-لا من هالناحيه اطمني لان حمايه الاسره نبهوها هالشي ممنوع وكل شهر
يسولها فحص للتاكد
واحمد اتعهد انو ميقطع علاجه ولا مراجعه الدكتور
-اي بعد شكو من شنو خايفه
-لج عيني سوالفهم اتخوف حركات الاخوه بيناتهم شاذه ولج شايفه اخ
يبوس اخته من حلكها همه هيجي
-وانتو شكو متحجون وترزلوهم وكل واحد نعال ع حلكه
-ميفيد الحجي بس منج كانو يخافون
_لا عيني لا خليني سعيده وبعيده اني حامل وتذكرين بحملي بادم
شسوت امهم بيه ىمن ولدت لعبو بابني طوبه هالمره بمكان الطفل اثنين
اذا ادم كسرو ايده او خنكوه هالمره ع سوالفهم وقباحتهم يشمروهم
من البلكونه وبعدين انتو كلكم شفتو كم مره همه يغلطون واسامحهم
لان اكول اطفال بس هالمره ابد انوبه يفسدون جهالي ما اريد فدوه
اعفيني وخليني مرتاحه
وفعلا اقتنعت وراحت
وكعدت بيتي مرتاحه بس وضعي المالي مو كلش زين مثل قبل يعني حتى
راتب لنانه ما عندي انطيها وكتلها روحي اني بعد مااكدر انطيج
راتب وفعلا اتحملت ويايه شهرين بدون راتب بس وراها راحت لان هي
هم عدها عائله وتصرف عليها
وبقيت وحدي اني عرفت انو اني اجرت يم اختي وكتلها لازم تجين
وبيوم وصولها كالت تماره هي وصگر حيروحون يجيبوها ويجون وهمه
فهموها ع وضعي وخطيه رايحين جايبلي غراض للمطبخ كامله وحتى
دفايات جايبلي
جوانه:يمه انتو صدك تحجون انتي ميلج
امي حضنتني وبجت :ولج شنو منيلي صدك تحجين بنتي بيتها فارغ
وما اساعدها انتي ياما ساعدتينه ومقصرتي ادزين النه
جوانه:هذا الشي غصبن عليه مو معناتها تصرفين فلوسج ع هالسوالفج
الام:هسه عرفينه من هالموضوع اول شي زوجج هذا لا اريد اشوفه ولا
يشوفني وما اريدج تبقين وياه وهذه عائلته وتربيته باجر عكبه شحيطلع
جهالج وجهاله شنو حيعلمون جهالج مهما يكون احنه تربيتنه تختلف عن
تربيتهم همه عدهم كلشي عادي لا حرام ولا حلال