امراه بين دهاليز المافيات

البارت الثامن عشر من الجزء الثاني

🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت الثامن عشر

وين ادير عيوني ضلك عافني
وين اودي جروحي شامت شافني
ردلي لا تخليني اطگ
واكره ايام العشك
صرت مرقد يا هو كام وطافني

يعني بس اريد اعرف شوكت ارتاح صدمه وره صدمه حتى حيل مظل عندي
شفت ظرف بالباب خفت افتحه لان گلبي واحساسي عرف شنو البيه اتصلت ع مقداد
-هسه بسرعه تجيني
-خيرج شصاير الجهال بيهم شي
-مقداد اكولك بسرعه تعال الجهال مابيهم شي
-يله اني بالمعرض قريب عليج هسه جاي

واجه وفتحنه الضرف وشفت كل صورنه اني وياه من نلعب بالثلج وحتى بعمان من رحنه
وبالبيت من ينام وجهالي بحضنه وصور من اني افتحله الباب من يدخل يعني صور مال
واحد عايش ويانه اني اذكرت هذه جواريني بس اكو صور مأخوذه من بيتي اذكرت الصاله
الي سواها مقداد مانت زجاجيه تطل ع الكراج يعني يكدر واحد يدخل من بره ويصورنه
هو هنا يباوع وصافن واني اجمدت بمكاني
بهالاثناء واحنا كاعدين اندكت الباب فتحتها الشغاله ودخل ابراهيم
ابراهيم: مرحباا حاب اشرف فنجان قهوه عدكم
اني اشرت لجيجي تروح يم الجهال ومتخليهم يطلعون
واني ومقداد عرفنه الي جابه شنو
ابراهيم: شوفي يحلوه هذه الصور الي عدكم نسخه والنسخه الاصليه عدنه فشنو رايج
الموضوع نحله وديآ
يعني هسه انتي وهذا نعتبره عشيقج ماكو اي مشكله عندي هسه بتلفون واحد لحمايه الاسره
بنتحبسين وياخذون الاولاد منج ومتشوفيهم عمرج كله واخذ نسخه منها لدوامج تنفصلين
فشنو رايج تنطيني الاولاد وبدون فضايح
بعده ممكمل كلامه كام مقداد ع ابراهيم وبلش الضرب بينهم وهنا المشكله كبرت
ابراهيم :ولك يا خايس تضربني انت فتحت ع نفسك باب جهنم انت وهذه ......
والجهال الي يعني الي واخذهم وافضحكم بالصور

اني هنا وهمه يضاربون عرفت وكعت بمشكله حييل كبيره يعني حمايه اسره ودوامي وكلشي
يروح مني فكرت بحل يخليني ما اخصر اولادي بس حيضيع مني مقداد
جوانه: كاافي مقداد الي دسويه غلط شلون تضربه ميصير اكعد نتفاهم احنه مغلطانين
معليك بيه ولتضربه حتى لو تريد تزوجني بس مو بهالطريقه تضرب ابو جهالي

مقداد صفن يباوع عليه شنو ميصير اضربه شنو تتقدملي
ابراهيم :شنو يتقدم الج دشوفي الصور سفراتكم وطلعاتكم سوه يجوز مزوجين ودسوين هالافلام
عليه
جوانه: لا ممزوجين وانت تعرف كلش زين اذا ازوج ياخذون اولادي مني واني مستحيل
افرط بيهم
ابراهيم :اي زواج بالسر عاادي تكدرين تسويها
-انت تعرف قانون الاردن شنو بزواج السر اذا ازوجت اهنا خلال 3ايام اذا مصدق بمحكمه
يسجنوني فمستحيل اسويها وكتلك اني مقداد رايدني ع سنه الله ورسوله واني اجلت هالموضوع
لخاطر احل موضوع اولادي
-موضوع الاولاد حله واحد وهو اخذهم يمي وانتي ازوجي حبيبج
-شوف ابراهيم موضوع الولد ينحل وانطيه الك بس مو هسه انطيني مهله كم يوم
-لا اريده هسه
-هسه ما انطيه وشتريد تسوي سوي كتلك مو اليوم واذا حتعاند اني اوصلك الهم وروح اشتكي
عليه
ابراهيم :ماشي