امراه بين دهاليز المافيات

البارت السادس عشر من الجزء الثاني

🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت السادس عشر

اليسولف ع الجرح لتكلي ما مجروح
القره القرآن يعرف قاري يا سوره
شيفيد النفس للكاضي عمره هموم
شتظن تكفيه جكاره الروحه مقهوره
كلها تنشد لو مشه وراح الحبيب
وياهو بالعشاك واصل حالتي
فوك راسي الابره اتمدد وانام
وانگلب يسره ويمين براحتي

بعد ما اتصل عليه علي وكال راح اجي هالمره لمده10ايام اني فرحت هذه اول
مره يبقى هالكد بعمان بس من اجه كانت وياه اكو مفاجئه
المفاجئه كانت جايب امي واختي الصغيره وياه
ومشتريلهم عطور وشغلات حلوه من السوق الحره الي بالمطار
كلش فرحت بجيتهم من استقبلتهم بالمطار عبالي بس هو حيجي
بس اختي مكانت فرحانه بالجيه ومعرفت شنو السبب
لزمت اختي رهف ولج شبيج رهف ليش احسج ضايجه
رهف:مابيه شي اريد اروح بيت اختي تماره
جوانه:ليش ولج انتي كلما تجون يمي تفرحين بالجيه وخصوصا علمود ريان
تدرين هي متعلقه بيج وانتي هم معقوله مشتاقتيلها
رهف:لا اكيد مشتاقتلها بس اذا تقبلين اروح يم تماره اريد
جوانه:براحتج بس راح اعرف شبيج بعدين مو هسه
رحت للغرفه شفت علي
علي:شعجب مجاهزه متعرفين راح اجي
جوانه:يعني شلون جاهزه اجيك للمطار لو استقبلك بسيت نوم
علي:لا كان خليتي زوج اختج يستقبلنه بالمطار وانتي اهنا تنتضريني
اني اهنا حسيت باهانه يعني شنو انت ماخذني بس علمود جسمي وترضي روحك
ما انكر مقصر ويايه بشي بس هالشي دائما احسه بيه
فكام بعدها يحسسني انو هو اشتراني فلوسه كل حجايه والثانيه اني جبتلج
هيجي ونطيتج هلكد واريد هيجي وانتي هيجي
يعني يحجي شغلات حسستني بالاهانه اني كلش ضجت
كلت اكو شي..
كلت اروح لرهف وتماره وافهم شكو لان من اجتي لاهي ولا هو ع بعضهم
وحتى رهف مبقت ساعه بالبيت شافت الجهال وراحت واني بعد الي صار كلت
لازم. اروح وافهم السالفه
وصلت لبيت تماره وصحت رهف وكعدتها
جوانه:تعالي احجيلي الصاير وليش هيجي متغيره وضايجه واول مره متحبين
تبقين يمي
رهف:شوفي جوانه تره ع فكره زوجج سرسري
جوانه:شلون بله احجيلي شفتي عليه

رهف :مشفت عليه ويه وحده بس ويايه واحنا بالمطار كال لو هسه امج مجايه
كان هسه انكول الطياره اتاخرت ونروح للفندق ساعتين ثلاثه ادللج وبعدين
نرجع للبيت
جوانه:يمه عزه صدك تحجين صعقتيني بهالحجي صدك هذا يحجي اني اله

وطلعت من البيت مصدكه باختي بس لازم اواجهه بشي حتى مينكر
رجعت للبيت وامي كالت اني رايحه يم تماره
كلت بكلبي اي روخي يمه احسن حتى هذا اعرف شلون اصرف وياه
كعدت وكنت لابسه كيمونه وشورت وجهالي يمي والشغالات بالبيت
اجه كعد يمي واني حيل نافره منه
علي:ليش لابسه الشورت نزعيه
جوانه:شنو انزعه مو الجهال كاعدين والشغلات عدنه سويت انسوي بيه الي
نريده مو كدام الجهال عيب
علي:لا اني تره ممجبور بجهالج اريد اخذ راحتي وياج اني اجي كم يوم اريد اتمتع
اريد ارتاح بعدين امج مو موجوده اتصلي عليها تجي تاخذهم وتبقى الشغاله جيجي
بالبيت
اهنا جيجي كمزت من يمها :لا لا لا ماما اني ما يظل اني اروح وياهم
هنا الفار لعب بعبي كمت وصحتها تعالي احجيلي شبيج شنو الصاير خلي افتهم
ادري بيج متكدبين ومضمين عليه
جيجي:ماما انتي جنت نايم وهو نزل وطب عليه بالغرفه
جوانه:معقوله وليش مكلتيلي
جيجي:مو هو كال مسدس هذا يحطه براسج
جوانه:هو ميله مسدس ما عنده
جيجي:لا ماما والله شفته بعيوني
اني هنا كلت هذا عنده واني مشايفته لان يمكن يضمه بجنطته الدبلوماسيه
زين شلون طيران وشلون يحمل سلاح اذكرت هو حكم مركزه ب.......
يكدر يحمل سلاح وين ميروح
مخي هنا كام يودي ويجيب منا رهف وهسه جيجي
سمعت صوت واني دافكر طلع هو ديصيحني
رحت لكيته بالغرفه متمدد ويسال وين رحت بعدني دا احجي وياه دكت بنتي الباب
خاله خاله لان هي مصيحلي ماما بعدها
فتحت الباب :ها حبيبتي
-اريد انام يمج
اباوع ع علي وجهه صار احمررر ويخزر
علي:شنو انتي مبرمجتهم
جوانه:بنيه تريد تنام يمي شنو مبرمجتهم هي طفله شسويلها يعني
علي:اي اتصلي ع امج تاخذها
جوانه:شنو تجي تاخذهم ساعه 12بالليل اكوللها تعالي اخذي جهالي انت صدك
تحجي
علي :اي مو تدرين اني احب ابقى وياج واكعد وارتاح
جوانع:علي بنتي تبقى يمي لا اتصل ع امي ولا ارجعها لغرفتها هي منا بلشت
احاول اقربها اتريد اطلعها
علي:هذا هو عيني منو يكدر يرفضلج طلب
عفته ورحت اسبح وطلعت لكيته منزع بنتي ملابسها
جوانه :هايه شنو شدتسوي
علي:شبيج شكو هي كالت حاره ونزعتها بس والله جسمها هسه يطلع عليج
جوانه:دير بالك تفكر توصل يم بنتي فتهمت حط ابالك المسدس الي ضامه
بجنطتك احطه براسك لو منو متكون
علي:شنو تصيحين عليه وتهدديني
جوانه:اسمع كلامي زين وفهمه هسه تره اصرخ واكول اتهجم عليه وماكو اي ورقه
عندك تثبت انت منو
علي:صدك انتي مخبله من هيجي 2زلم مبقو وياج
جوانه:اي اثنين وانت الثالث العار وياهم
كمت اصرخ جيجيييييييي
جيجي:نعم ماما نعم
جوانه:اخذي البنيه وممنوع تدخل غرفتي يم هذا النكس
هو اهنا راسن اخذ مبايله اتصلت وخلال 5دقايق اجتي حمايته بالباب وراح
واني تهسترت وصرت اعصاااب
وبقيت يومين بالبيت ما اطلع اهلي يجون بس ما ابين لامي خاصتا اني شبيه
وره ميزوروني يرحون تكول امي ليجي زوجح عيب
بهاليوم هذا وره مراحو اهلي هو اجه
علي:اني اسف واني اعتذر من الصار وهذه بنتج اني احبها هي وابنج وبحسبه
جهالي
اني هنا ردت احجي بس هو راسن حجه وكال
علي:اكولج جوانه عادي اذا اخذت اختج
جوانه:شلون يعني
علي:ازوجها
جوانه؛:ليش انت مو مزوجني شلون تاخذ اختي بله
علي:مو اختج هم عاجبتني ابوج مينطيها