امراه بين دهاليز المافيات

البارت التاسع من الجزء الثاني

🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت التاسع

شكد صعبه من تبجي بلايه دموع
ومن تنوي تروح بلايه رجوع
شكد صعبه من تشعر بضيگ
وتحجي وما الك صوت
وعايش تنتضر الموت
صعبه من تحس بندم
وكل من حولك كلهم عدم
وانت وحدك التكمل الطريگ
بلايه هدف ولا شريگ ولا رفيگ
وانت وحزنگ وندمگ فريگ
صعبه من تشوف النور ضلمه
والاصعب من تشوف سعادتگ اوهام
وشكد ما طال بيك الزمن
تبقى وحدك لا حبيب ولا رفيگ

بعد ما فتحت الباب وياريتني ما فتحتها دخلو اثنين نسوان عبيد (بشرتهم سوده) وطوال
اول مفتحت دفعوني ودخلو
وحده شايله بيدها حبل والثانيه شايله مكص وكره
وحده كالت اني جايه اولدك والثانيه كالت واني جايه اشنقج
اني هنا كمت ارجف مدري من الخوف لو من بروده الجو جسمي كله كام يرعش
كمت اتسحب وارجع وره وهنه يتقدمن عليه وحتى الباب مسودوها عيونهن مبعدوها
عني خافن لا انهزم او اختل..

كمت اصرخ انتو منو وشتريدون مني
جاوبت وحده وكالت:احنا هديه من ضرتج وهي حابه تولدج اليوم حتى الي ابطنج
ابن الحرام مايخذ شي من الاملاك وعمرك متشوفيه بعد واني الي عليه اولدك

تقدمت الثانيه عليه :واني بعد ما صاحبتي تولدك اعلگج بهالحبل واشنقج

اني ارعبت رجعت وره بعد وعثرت بالارض اتهجمت عليه ام المقص وكالت قبل كلشي
هذا شعرج ضرتج رايدته تذكار منج
كمت ارفس ضربتني راشدي قوي
بهالاثناء دخل ابراهيم وبدخلته كام يصرخ وثار عليهن اتهجمت عليه ام المقص وشكت
ايده انهزمن
هو مباشرتا اتصل ع الشرطه واني مابيه اكوم الشغالات يتراجف من دخلو وشافوني
بهالوضع يريدون يكوموني ما اكدر بلحضتها كمت انزف واغمى عليه
ماخذيني للمشفى ومدخليني مباشرتا للعمليات و ولدوني قيصري
طلعت من العمليه واول محسيت ع نفسي كمت اصرخ الطفل وينه شنقوه مو وحطو
طوبه بطني
اختي اهنا اجتي اتهديني وكلهم بالغرفه موجودين يبجون ع حالي وابراهيم يمي
وايده ملفلفه وكال :لا حبيبتي جوانه الطفل موجود مابيه شي وانتي هم كمتي بالسلامه
جوانه:شنو وينه ليش مو يمي
تماره:حياتي ارتاحي والطفل شويه ويجيبوه يمج فدوه ما شاء الله شلون ولد حلو
سبحان الله نسخه منج العين والخشم والحلك ربي يحرسه ويحميه
جوانه:فدوه تماره لتكذبين عليه يعني صار عندي ولد يعني صرت ام بداعه امي عليج
بداعتي اني ابني بيه شي
-ولج وداعتج انتي وداعه امي الغاليه الطفل كلشي مابيه
كلهم اكدولي مابيه شي وراحت تماره تجيبه هي وابراهيم وضلو كلهم يمي وعارفين
بكل السالفه الي سوتها هالمره سحر
طبعا ملشي ميكدرون يسون الها غير التهديد والصراخ لان مهما يكون تبقى ام اولادهم
وزوجه ابراهيم فمستحيل يسجنوها ع عمايلها ويايه

المهم بعد ما شفت ابني واطمنت عليه وحيل فرحانه بيه ورفضت ياخذوه يبقى يمي
وهي الدكتوره تجي تفحصه
الكل كالو شنو الاسم الي حتسميه لان بس اني الي تعبت عليه ولازم اسمه يكون
من اختياري فاختاريت اسم آدم وكلش عجبهم هالاسم
مر اسبوع واني بالمشفى وبعد ما كدرت امشي وحالتي تحسنت طلعت ورحت يم
عمتي لان خافو عليه ابقى بالبيت كلشي نتوقع اتسوي
وكلما اسال عليها يكولون معليج بيها اخذنها منها تعهد متتعرض الج
اعرف هالتعهد ميفيد بيها لان الخوف تملكني منها لان هالمره الاذيه مو بس عليه
لا هالمره ع ابني
وفعلا مر شهر واني بيت عمتي وهي مابين الها اي اثر
فقررت ارجع للبيت بعد ما عانيت بالاقناع حتى ارجع لان بعدهم خايفين لان بعدني
والده جديد بس كتلهم مابيه واكدر ادبر حالي والشغالات يمي ميقصرون
رجعت لبيتي الحمد لله وكلشي مشفت من سحر
كنت كلش مهتمه بادم واخاف عليه بحيث اذا انام اكوللها تبقين يمه لحد ما اصحى
طبعا اختاريت شغاله خاصه اله اسمها نانه كانت كلش حبابه وطيبه بشكل كانت حيل
مهتمه بيه وتخاف عليه واني هذا الي اريده المهم آدم عندي
مرت 10ايام واني بيتي وابراهيم حبه لادم كانو اول طفل اله بحيث من يجي من شغله
حتى لو نايم يكعده ويحطه بحضنه
اجه يوم الاربعين وهمه عدهم تقاليد بهذا اليوم يسون حفله للام وللطفل
الحفله بيت اهل ابراهيم وعازمين الكل من الاهل والاقارب وحتى فرقه نسائيه خاصه
لهالحفلات
اني وقتها لبسوني سيت نوم ابيض ومكياجي كان حيل خفيف ولابسه الذهب مالتي
يعني كاني عروسه
اما ادم فحاطيه بعربانه لونها ابيض ومحوطيها بورد وتول ابيض وملابسه هم بيضه
وملبسيه هو هم ذهب
دخل ادم قبلي لصاله البيت وكانت نانه الشغاله هي الي تدفعه بالعربانه وهي لازم
تكون لابسه سمائي باعتبار انو المولود ولد
بعد ما دخل ادم دخلت وراه وبلشت الفرقه بالدك ع الدفوف والصلاه على النبي
وبلشو يرشون عليه تمن وياس
كامت ام ابراهيم وبيدها قلم حمره احمر وتحمرني وبعدها لبستني ذهب ولبست
ادم مصحف ذهب
بعدها كامو خواته كل وحده لبستني قطعه شكل وبلشو الاهل وحده وره الثانيه
تلبسني والي متكدر تلبسني ذهب كانت تحط ضرف وبيه مبلغ من المال
هذه كانت عاداتهم
بعد ما كعدت بمكاني جابولي كاسه بيها مي ورد حطيت رجلي بيها وبعدها
مشو هذه الكاسه ع كل وحده ما عدها اطفال وتحط رجلها بعدي حتى تحبل عن قريب
بهالاثناء دخلت عربانه ثانيه هم لونها ابيض بس هالمره بيها اكياس بلون الازرك
كل كيس بيه ليره وزنها تقريبا 12غرام مع جوكلت ويتوزع ع كل الموجودين