امراه بين دهاليز المافيات

البارت الاخيررر

🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت العشرون
والاخيرررر

معروف لو صب الدمع
ينشاف بس ماينسمع
ليش اني دمعي بغيبتك
فزز الناس الغافيه

بعد ما انتقلت لبيت جديد وارتاحيت ورجعت اشتغل وراسي بارد وجهالي
يروحون ويرجعون براحتهم ولو ادم صارت عنده خوفه بعد ما ابوه خطفه
بس احاول اطمنه ورجع مقداد يزورنه يوميا والجهال فرحانين بيه ...
مر شهرين واني كلت خلص بعد لا اشوفهم ولا يشوفوني بعد بس الي
فاجئني قدوم ابراهيم
جوانه:شجابك انت وشدراك اني اهنا
ابراهيم:لازم نسيتي اني الي اريده اوصله والفلوس كلشي تسوي
-شتريد بعد فلوس وانطيتك شكو جاي
-لازم اظل واكف بالباب ومتخليني ادخل
تره اعرف حبيب القلب جوه
-ابراهيم رووح وچفينه شرك
-خليني ادخل ما اطول اكول العندي ونتفاهم

-كول شعندك
-اريد ادم
-هالموضوع انتهى واني نطيتك الي. يرضيك
-لج شبيج انتي ثوله والله خلود تنطينه الي نريده حتى كلتلي اذا جبتلي
ادم و توقيع تنازل من جوانه انطيك بيت باسمك بعمان بأي منطقه تعجبك
وافتحلك شركه وانطيك سياره موديل السنه ورصيد بالبنك بالمبلغ الي
يعجبك واخليك تعيش احسن عيشه انت وجهالك
لج انطيني ادم اضحي بيه وخلي اخوانه ال5 البقيه يعيشون من خيره

-ولك انت شكد نذل وناقص ولك يافلوس يا شركه يابيت الي تخليني انطي
ابني روح انت وانطي واحد من جهالك الها شعليك بجهالي

-لج مو هي تريد واحد صغير وجهالي كلهم كبار ااخ لو بيدي انطيها
جهالي ال4كلهم الها وابيعهم بأي سعر بس هي قفلت ع ادم واني جيت
اكولج انطيني ادم وكافي تعاندين

-شوف ابراهيم كطنه وشيلها من اذنك انطي ابني او ابيعه لاختك وحط ابالك
متكرون هالمره تخوفوني ولا تهددوني بشي واحب اكولك شي اتصالك ع صگر
زوج اختي تماره اتسجل من تكوله قنع جوانه تتنازل عن ادم وتنطيه 10000
دينار اردني...
كلامك مسجل فدير بالك تفكر انت لو خلود تسون شي
-هاا مقداد شو ساكت كاعد بس تسمع انطينه رايك قنعها تبيعلي ادم
وانتو ازوجو وعيشو حياتكم
-لك انت هم حاسب روحك اب اكو ابو يبيع جهاله
-اني حبيعهم لاختي مو لاحد غريب
-شلون حكوم اكسره
-جرب وكوم وصدكني اخلي امك الي بالعراق هي خواتك يكضون عمرهم كله
بحسرتك
-لك شعليك باهلي
جوانه::كااافي بس ابراهيم امشي اطلع بره كافي تره وربي اتصل هسه
ع الشرطه واكوللهم يتهجم عليه وموضوع ادم انساه
وانت مقداد كاافي عوفه هذا لا ذمه ولا ضمير لتحجي وياه

ابراهيم:ماشي جوانه اذا مخليتج تندمين ميكون اسمي ابراهيم
انتي وحبيب القلب هذا اذا مخليته يعيش عمره كله يندم شلون وكف هيجي
بوجهي ...اني الكم
وطلع
جوانه:انت ليش هيجي تحجي وياه عووفه ميكدر ياخذ ابني هذيجي الكلبه
متكدر تاخذه بدون توقيعي وتنازلي انت معليك بيه خليه يخرررط ولبسه