امراه بين دهاليز المافيات

البارت الاول من الجزء الثاني

أمرأه_بين_دهاليز_المافيات 🎀
🎀للكاتبة #زينب_عبد_المطلب 🎀
الجزء الثاني
  #بارت_الاول

الصمت يكفي ويشفي صدر راعيه
لان صار كل الكلام ماله معاني
القلب ما عاد يهمه اليشتريه
والعين ما عادت تغريها الاماني
ياريت الحزن مجرد دمع وابكيه
لا صار عايش معي بين المحاني
حتى لو بين عليه حتى اخفيه
وصارت نضرات حزني هي لساني
مدري ذكرني زمان كنت ناسيه
مدري ذكرت الزمان الي نساني

مرات الانسان بعد ما يمر بمحنه كبيره يكول هذا اختبار من ربي لان المؤمن مبتلا
واكيد بعد كل محنه اكو فرج وهذا الي كنت متوقعته بس الزمن كان توه بلش
بيه واول شي مع جبر وبعدها ........
خليني ارجع استذكر الي صار بيه بعد ما طلع جبر هو واهله من حياتي

بعد وفاه جبر بلشت حالتي تسوء من ناحيه مرضي وبقيت اتعالج من مرض
الجرثومه المتحركه بالكبد (هبتايتس الكبد)
طبعا العلاج كان كلش صعب ومكلف ومخيف بنفس الوقت لان كان حقن ابر
اوزون بالحبل الشوكي
العلاج كان عباره عن 35 ابره وبين ابره وابره 5ايام  طبعا كنت ادخل للمشفى
على رجليه ومن اخذ الابره اطلع بنقاله لان اظل فاقده لمده لا تقل عن 8ساعات
ياله بعدها احس ع حالي

ارجع للبيت اشوف دموع اهلي عليه وخصوصا امي الي تخاف لتفقدني واني
كلشي مشفت بحياتي وحتى زواجي كضيته ضيم بضيم
صح اني من اصحى اظل تعبانه بس احاول ابين الهم اني صرت احسن
ومابيه شي
ومرت الايام ع هالحال وعلاجي مستمر والحمد لله بلشت شوي شوي حالتي تتحسن
ومرت الاشهر ووتحسنت اكثر من قبل بس الدكتور طلب من اهلي الراحه النفسيه
الي وممنوع انقهر او اضوج او اعصب لان هالشي مو زين ع صحتي 
ولازمني فتره نقاهه لان كلش تعبني العلاج
وفعلا اهلي مقصرو وسولي جو بالبيت ومحد كان يزعلني ولا حتى يذكروني بزواجي
والي صار بيه وامي كانت كلش حذره من هالناحيه يعني وصلت مرحله اذا احد
من اقربائنه ازوج متجي تكولي تخاف لا انقهر
بس اني كنت اعرف وما اكول لان الصراحه هالشي ميهمني
بس مره جذبني صوت اخويه مصطفى وهو يحجي ويه امي
مصطفى:يمه اني اريد ازوج لان دا اشوف حتى الضباط الويايه كلهم ازوجو
ع الاقل من اموت عندي طفل يشيل اسمي
الام:اسم الله عليك يمه لتكول هيجي
مصطفى:يمه الموت حق واني يوميا دا اسمع واحد مقتول وحكم شغلي هالشي
وارد واني اريد ازوج
الام:انشالله بس الكالك بنت الحلال اخطبها الك
مصطفى :اي من هسه اكولج اريدها الشعر اصفر من الله مو هي صابغته وحلوه
ومكمله دراسه
الام:اي يمه حقك انت حلو وتستاهل
مصطفى :اي حتى يطلع الانتاج حلو الاب عيونه خضر وحلو وجسم والام شعرها
اصفر وحلوه حتى اتباهى بخلقه ابني
الام:دكوم شكبرك اتصير عود ضابط انت وهيجي تحجي
مصطفى:اي يمه غير اني حلو واريد حلوه من حقي خوما تاخذيلي جكمه والله ارجعها
لاهلها
الام:دكوم ولك باليانصيب هيجي الكالك
-اني بعد بلغتج الي اريدها وانتي دوريلي براحتج