🎀 #امراة_بين_دهاليز_المافيات_2🎀
🎀للكاتبه#زينب_عبد_المطلب_🎀
الجزء الثاني
البارت الثالث
طبعا قبل ما ابلش بكتابه البارت الجديد حبيت انوه مره ثانيه انو القصه حقيقيه وصاحبه
القصه موجوده بالكروب ودتابع التعليقات لذلك اتمنى من بعض البنات من تعلقون
انطو رايكم بالقصه بس بدون تجاوز حبايبي
واشكر متابعتكم ♥️وهسه نرجع لجوانه ونشوف شنو الي صار من موقف وياها الي
خلاها لتماره توافق ع ابراهيم
متابعه شيقه
بعد ما ضلت تماره تحجي ويايه واني اباوع ع ابراهيم هي عرفت انو اني خلص
رايدته فسكتت وكعده وتغدينه وافترينه
كعدت تماره هي وصگر واني وابراهيم وياهم نسولف
اشرلي ابراهيم حتى نكعد وحدنه طبعا كتلها لاختي بس هي رفضت هالشي
وكالت وين منروح تروحون ونكعد سوه
كتله لابراهيم انو تماره مقبلت فجاوبني
—شبيج جوانه اني اريد اكعد وياج ولازم نسولف
—هاا اي صحيح
باوعت ع اختي وزوجها ماخذتهم السوالف والضحك وهو ابراهيم كام قبلي وشافوه
من راح بس كتله لتروح بعيد فغافلت اختي وزوجها وكمت وراه وفعلا لكيته مو بعيد وراهم
بخطوتين شو هذا اول مشافني وحده وياه سحبني حتى يبوسني وكلي وينج من زمان
ولج ميت عليج
بهالاثناء اجتي اختي تماره فوك راسه وصرخت
—عيب شنو هالحركات
— لا عادي بوسه عاديه
_ لا شنو بوسه عاديه وموعاديه هي مو حلالك حتى اتسوي هالحركات من تصير الك
ذاك الوقت سوي الي تريده فهمت لو لا
ويله انتي امشي كدامي
تماره__مع الاسف عليج هيجي باجر تتصلين ع ابويه وتكولين اله اجوج خطابه انتي
صرتي لازم تزوجين قبل ما يصير الغلط مادام هيجي هو رايدج وانتي رايدته
ما اريد اوكف بوجه قسمتج بلكي ترتاحين واني ما اوكف بوجه راحتج
طبعا اهنا حسيت كلام اختي سكاكين تقطع بداخلي كلامها كان صح والمفروض
ما اكوم لا اني صغيره ولا مراهقه وهي حيل زعلت مني
وراحت لزوجها وقروو باجر نرجع وهي مكلتله بلي صار ابد وطبعا الطريق كله متحجي
ويايه لان زعلانه من تصرفي والحقيقه ما الومها ع هالشي
و وصلنه للبيت وطبعا ابراهيم طلع قبلنه ومتصلت عليه ابد بس تماره وره وصولنه بساعه
اتصلت ع بابا وبلغته انو اكو شخص رايدني واني مرافقه
الاب:احجيلي تماره شنو شغله شكد عمره مزوج لو لا
تماره:والله يا بابا اكبر منها 21سنه ومطلق وعنده 4اطفال
الاب:شنو ولكم لتكفروني لتشوفوني كبرت وتقاعدت وما اكدر الكم تره هسه اجيكم
واخذها وارجعها انعل ابو هيجي زواجه شنو تاخذ هيجي واحد واذا مطلقه يجي
اغاته لو اتظل بلا زواج ومتزوج هيجي واحد
الام:شكو ابو مصطفى
وكعد الاب وسولف للام ع كلشي وهي تصرخ من يمها
الام:يبوووو بكد ابوها تاخذ ليش ناقصه عين رجل لو وراها درزن جهال واذا مطلقه
اتذب روحها هيجي ذبه
لج تماره وصلي خبر لجوانه وكوليلها لساني ميطخ لسانها اذا وافقت ع هيجي واحد
هم كبير بالعمر وهم مطلك وهم عنده جهال يبووو عليه
أنت تقرأ
امراه بين دهاليز المافيات
Misterio / Suspensoقصه حقيقيه لبنت عاشت حياتها صعبه بين اناس مختلفه اشبه بالمافيات اناس كل همهم الكسب من الحرام وبعد التخلص منهم وقعت بيد اشخاص اكثر يتجارون ببيع مبادئهم وانسانيتهم فماذا حيكون مصيرها ..... بقلمي زينب عبد المطلب
