امراه بين دهاليز المافيات

البارت العاشر من الجزء الثاني

🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت العاشر

طلعت من الحمام وشفت هالمنظر كدامي هو اول مشافني عافه وطلع يركض
واخوانه واكفين يباوعون عليه
كمت اصرخ لحكوووني ابني راح مني نسيت اني بس بروب الحمام
دخل اخوه ومرته واني بس شفتهم اخذت ابني ودخلت ركض للحمام
صحت ع نانه مترد وره شويه اجتي
طلعت قافلين عليها الباب حتى من تكمل شر ملابس متكدر تجي
وجتني وهي ترجف اثاري من محبوسه تصيح عليه بس صوتها من بره
مينسمع
كتلها بسرعه انطيني تلفووووني
كمت واتصلت ع ابراهيم وكتله عيه تجي وسديته من يمه واتصلت ع حمايه
الطفل والشرطه
اجه ابراهيم وخلود هم اجتي وراه وحجيت الهم كلشي وهالمره اخوه يشهد
واجوي حمايه الطفل والشرطه لكو الاطفال ماكو مهزومين من الخوف
وتاكدو من كلامي من خلال فحص ادم بدقات قلبه لكوها اسرع من
المعتاده وعرفو انو اني ما اكذب
طلعو الشرطه وبحثو بالشوارع ولكوهم ورجعوهم للبيت وبوقتها رحنه للمركز
كلنه وكالو احمد مو صغير و واعي من سوه هالتصرف فلازم ينسجن
بسجن الاحداث ابراهيم اهنا كام يتوسل بالشرطه وبيه حتى اتنازل
واني مهما يكون ام فتنازلت عن الدعوه
وهمه هالمره حلفو بعد ميعيدوها بعد ما حجيت كل سوالفهم لابراهيم وخلود
وكلي ليش محجيتي من زمان كتله لان اعتبرتني امهم وحتى لتكول ضجتي
منهم بس هالمره الي سوه مينسكت عليه كال حقج والله واخذ احمد للمصح
شهر وباقي الجهال بقو يمي بس يخافون اي شي يسون
بس هالشي معجبهم راحو اشتكو عليه وخالهم اخذهم يمه
صدك جهال سحر ميغزر بيهم شي عبالهم من يشتكون عليه امهم ترجع
تاخذهم بس هي بلشت حياتها بدونهم وكامت تشتغل بشركه ومتريدهم
فخالهم اخذهم بس كالعاده متحمل خالهم ورجعهم علينه
استلمهم ابراهيم غلط ع سوايتهم فوك ما حاويتهم يشتكون عليه
كلت يله هذوله هم اطفال مسيرين
لزمتم وكتلهم شوفو اي واحد منكم يسوي اي غلط ولو حتى لو صغير اشمره
من فوك العماره وبهالوقت احمد اخوهم الكبير هم رجع
من شافوني هيجي كتلهم حييل خافو مني الصراحه انقهرت عليهم
كلت حرام مهما يكون هذوله اطفال فكمت اتقرب منهم شويه شويه
واحببهم باخوهم وحسيت بلشو شويه يحبوه بس كان اكو غيره بالموضوع
لان هو صغير ومدلل حاولت ابد ما افرق بس الغيره كانت مو بس من
ادم لا من حبي لادم لان يشوفون حبي اله وهمه محرومين من حب امهم
الهم عبالهم هالشي بيدي واني الي حرمتهم بس هي الي كالت بعد ابد
ما اريدهم
ومشت الايام والاسابيع واني محذرتهم من دخول غرفتي وفعلا بطلو
بس ممقصره وياهم حتى تدريس ادرسهم
بلش ابراهيم يجي من وكت استغربت ليش والشغل يكول كملت من وكت
لحد ما يوم طلبت منه فلوس كال ما عندي
-شنو ما عندك وفلوسك والشركه وين راحو
وكعد سولفلي
-كمت اخصر بالشركه خساره مو طبيعيه والوضع المالي بلش يصير
من سئ الى اسوء ومؤخر سحر كسر ضهري وكمت اخذ من مدير الماليه
سيوله لحد ما كام هو الي يطلبني فمكان اكو حل كدامي غير اني اتنازله
عن الشركه حتى اسدد ديوني
اني اهنا كمت اكمز
_وانت ليش مكتلي كل هذا
_جوانه انتي بيا حال يكفي حايره بجهالي ومشاكلهم
-حتى لو ابراهيم لحد شلون اعتبر شريكه حياتك واني ما عندي علم بكلشي
فقررنه نترك الشقه ونبيعها وناخذ شقه بعماره خواته ع الاقل اكبر والجهال
يصير عدهم مكان الهم ينامون بيه وغرفتهم الخاصه
وانتقلنه والاثاث كله حولناه بالشقه الجديده واشترينه اثاث لغرفه الجهال
والحمد لله استقرينه وصح كلهم بغرفه بس ع الاقل احسن من نومه الصاله