امراه بين دهاليز المافيات

البارت السادس من الجزء الثاني

🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت السادس

بلشت انام هوايه واكعد متاخر استغربت شعجب هلكد انام ومعرفت لحد ما من كعدت
ورحت للحمام محسيت ع روحي واغمى عليه حس ابراهيم  عليه اتاخرت واجاني للحمام
شافني مغمى عليه ماخذني للمشفى وسولي تحاليل وفحوصات
احتي الدكتوره وبشرتني بالحمل بس كلتلي شغله عرفت سبب النوم
الدكتوره:شوفي جوانه انتي هسه حامل وحاولي بعد متاخذين منوم لان مو زين ع الحامل
جوانه:بس اني ما اخذ حبوب منومه
-لا حبيبتي بفحص الدم طلع عندج هالشي

اني اهنا اذكرت وربطت سبب النوم الي انامه اهوايه طلع ابراهيم هو الي يشربني حتى
ما اكوله روح للشغل
فضطريت اكذب ع الدكتوره جتى لتشك بشي
—اي دكتوره صح اذكرت مو مرات ما اكدر انام واضطر اخذها
-بعد ممنوع تاخذيها مو زين ع حملج وكتبتلج مجموعه فيتامينات حتى تاخذيها
—مشكوره دكتوره
طلعت واني صح فرحانه بحملي بس فرحتي راحت
استلمت ابراهيم الطريق كله اصرخ وهو يجاوبني بتبريرات جدا سخيفه
وفرحان بالحمل وممخلي احد متصل عليه ومبشره
—ابراهيم شبيك اني وين احجي وانت فرحان شلون هيجي تسوي
—صح السويته غلط بس ملحتج عليه للشغل خلتني هيجي اسوي بس وعد مني
ما اعيدها والي تريديه يصير

وصلنه لبيتنه وبعدنه اول مدخلنه دكت الباب ودخلت امه واخته خلود هو متصل عليهم
اول معرف بحملي ورادو يجون للمشفى فكللهم تعالو للبيت
طبعا فرحتهم بحملي عبالك هذا اول حفيد يجيهم من ابراهيم
اجتي خلود تبوس بيه و وياها هدايا وملابس وحتى ذهب لبستني وجايبه حتى
الفيتامينات
جوانة:مشكوره  حبيبتي شدعوه كلفتي ع حالج وبعدين الفيتامينات عندي انطتني
الدكتوره
خلود-لا حبيبتي هذه احسن اني اجيبهم من الخارج ومن باجر حجزتلج يم احسن
دكتوره بالاردن وجبت معايا شغاله حتكون تحت خدمتج
اني استغربت شكو وشنو السالفه
وامه اجتي يمي تحضن وتكولي ديري بالج ع حالج واهم شي صحتج وصحه الطفل
وبهاليوم مصدكت يخلص لان حسيت روحي حيل متقيده ميخلوني اكوم حدي للحمام
بس متوقعت ال جاي اتعس
رحت ثاني يوم اني وخلود للدكتوره الي حجزتلي يمها طبعا استغربت لان كانت كشفيتها
كلش غاليه ع شنو كل هذا ما اعرف
وحتى كلام الدكتوره كان نفس كلام الي كنت يمها البارحه كالت كلشي تمام ولتخافون
عليها شوفتها الفيتامينات كالت اي هذه استمري عليها
خلود:الحمد لله دكتوره هسه اطمنت اني اريدها ترتاح ويجي الطفل زين ومرتاح
الدمتور:لا لتخافين عليها وطمني زوجها وهذا موعدكم للشهر الجاي واي اعراض او
اوجاع تصير عندج كلميني حتى انطيج موعد
رجعنه للبيت ولكيت امه كاعده وابراهيم دينتضرونه وشفت وحده فلبينيه واكفه استغربت
هذه منو
خلود:هذه غير الشغاله الي جبتها الج هذه اختصاصها رعايه الحامل
جوانه:وهذيجي شنو شغلتها خطيه هم مقصرت ويايه
هذيجي حيكون شغل البيت والطبخ عليها وهذه حتكون خاصه الج

اني استغربت اكثر شنو كل هالاهتمام لو كل حامل يسون وياها هالشي ماعلينه المهم
يتم حملي بخير ممصدكه يجي اليوم الي اشيل الطفل بيده
مرت 3شهور ع حملي بخير والحمد لله طبعا حسيت اني مثل الاميره وقتها
الفلبينيه الي جابتها خلود كانت فعلا مهتمه بيه يعني حتى من اريد اسبح متقبل
اتكولي اني اسبحج بالبدايه كنت اخجل بس تعودت عليها وكلش حبيتها وخطيه
حتى الاكل توكلني ولو بنص الليل اكعدها تركض علمودي
امه خطيه متركتني ابدا كل هالفتره وشنو اريده بثواني الكاه كدامي حتى من اطلع
جابولي مثل المقعد الخاص بالحوامل
صح حملي بعده بدايته بس حسيت روحي اميره بس مدامت هالفرحه من عرفت
سحر بحملي بالشهر الثالث كامت وجابت ابنها  وذبته علينه
طبعا اني من شفته مضجت ولا كلت ليش جابته انقهرت عليه لان حال اولادها حال
اليتامى وامهم الحقيره حارمتهم من ابوهم ومن حنيتها كلت شكو بيها خطيه
خلي يبقى ودرت بالي عليه خصوصا بعد ما عرفت بمرضه
كان مريض بمرض (حمى الشرق الاوسط) يكون بيها الضهر متحدب والبطن متقلصه
وحرارته توصل 40
كلش انقهرت عليه وكمت اداريه اخته مقبلت خافت عليه لان حامل وهي منا جابت 2
يساعدوني انوبه اني اداري ابنه
اني مقبلت اتركه واذا توجع اداريه تصعد حرارته اظل للصبح وياه لحد متنزل
خليت الكل الي بالبيت يساعده واي شي يحتاج يلكاه موجود
هو طبعا شاف اعتنائي بيه وخوفي عليه فمقبل بعد يرجع لامه وبقى شهر يمي
واني ممقصره وياه نهائيا

بس اتضحلي بعدين انو هو صدك ابن امه ومادام هذه تربيتها فشنو يطلع مثلا
اكيد ممتربي
بلشت من ادخل غرفتي حتى ابدل اشوف خيال جوه الباب
(طبعا بالاردن الباب متكون لحد الارض لا يكون تقريبا مسافه شبر من الباب للارض)
فهو كام يباوع عليه من جوه الباب كمت من المحه اروح للحمام الي بغرفتي واغلق الباب
ورايه رجع يباوع من البلكونه عبالي طفل طلع لا كلشي يفهم كمت اتابع الموضوع
فد يوم اني وابراهيم تونه دنام حسيته اجه من جوه الباب ديباوع وكام يمد باصابع
ايده استغربت شيريد يسوي كمت بسرعه ودست ع ايده هو صرررخ
ااااااخ
ابراهيم:هايه شكو شنو هالصياح
جوانه:هذا ابنك المصون ديباوع علينه من جوه الباب
-يمعوده كولي غيرها هو شكو حتى يباوع لازم مليتي منه
-لا  اريد راحتي اني ولا عبالك اتبلى عليه وهذه مو اول مره يسويها ردت اكولك
بس كلت مراح اصدكني وهسه هو كدامك وشفت بعينك
-اشعندك جوه الباب كاعد
—هاا بابا مو اريد مشط
-ولك ابن القندره شو مشط وساعه 2الصبح
-اي درت امشط شعري
-شو تمشط شعرك هذه الدروب مو عليه من باجر الصبح ترجع لامك ومتبقى اهنا بعد
فهمت لو لا يله انگلع ولتشوفني وجهك يله برررررررره
اني اهنا ضجت وفرحت ضجت لان الصراحه حبيته وتعوده عليه وحسبته مثل ابني
وبنفس الوقت فرحت لان من عرفت هذه تصرفاته فخفت منه ففرحت انو حيروح
ثاني يوم الصبح كعدت وكان ابراهيم بعده نايم
لكيت الريوك جاهز ومحضريلي الحمام دخلت سبحت وطلعت لكيت ابنه كاعد كتبه يله
تعال تريك حتى اصحي ابوك يوديك لامك
هو اجه ركض عليه حضني حتى ميروح ويتوسل انقهرت عليه بس هذا كام بايده
يمسح بضهري مو حضنه طفل حضنته مو خاليه يمه خفت ودفعته
لا متبقى بعد يله اليوم تروح
كعدت ابراهيم سبح وتريك واخذه لامه
اني من راح وبعد اخر موقف سواه الصراحه خفت وكلت همزين راح ورجعت لحياتي
الطبيعيه بس يا فرحه متمت هالمره اجاني الاتعس ...

يتبع ...

منو تتوقعون اجه وشنو بيه وشحيسوي بجوانه
توقاعتكم
✨✨✨✨✨✨✨✨✨✨✨✨✨✨✨✨✨
صوت مع تعليق