امراه بين دهاليز المافيات

البارت الرابع عشر من الجزء الثاني

🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت الرابع عشر

بعد ما كعدت ويه الامير وكال اجتج فرصه اني هنا لو يذبحوني
نقطه دم ميلكون بيه كلت يا فرصه الي تجيني من الاستخبارات
واني كاعده ويه الامير .... الي يصير اخو ....
يعني اذا صار بيه شي منهم محد يكدر يوصلي يذبوني وره الشمس
وهذه الضابطه كاعده تكتب شنو احجي

واني صافنه وافكر وحسبه تجيبني وتوديني سالني
الامير:جوانه انتي شو اختصاصك
جوانه:هاا اني من صغيره مدربه بتايلند
-منو دربج
-مدرب عراقي هناك هو بلش بتدريبي اسمه صلاح  ابو جواد بوقتها عمي كان
هناك يداوم واخذني وياه وهناك بلشت بالتدريب لمده سنه كامله
وبعدها رجعت وحتى اتاخرت سنه عن الدراسه
طبعا اني احجي وهذه الظابطه تسال وظل يسال لحد ما عرف تاريخ
دراستي كلها
وبعدها سالني ع زواجي وحجيتله كل الي مريت بيه
باوع عليه واخذ نفس وكال
الامير:طيب شنو رايك بهالاقتراح
جوانه:اي اقتراح
الامير:تتوضفي عدنه بالديوان الملكي وتبلشي تلعبي بس كل لعبه
تدخيلها باسم الاردن وليش باسم العراق
اني هنا صفنت يعني اذا افوز الفوز ايروح الهم مو النه
وبكل الاحوال اني معايشه بالعراق ومحتاجه اوكف ع رجليه وهذه فرصه
ولازم استغلها رجعت سالته
-يعني من اللعب تروح للاردن الفوز مو النه
-اي صح
طيب انتي كم بطوله لعبتي
_اني لعبت 5بطولات
-طيب من فزتي شنو كانت مكافئتج
جوانه:ولا شي
الامير:اهنا عندي الوضع مختلف مكافئتك تحلمين بيها وحتفرحين
جوانه:والله يا سيدي اني كلشي ميفرحني بهالدنيا غير بس شوفه
ابني
-ليش وين ابنك
-ابني ابوه اخذه مني وصار سنه مشايفته
الامير:اليوم ابنك ينام بحضنك
-صدك يعني اشوف ادم يارب صدك اذا صارت هذه احلى مكافئه
اتقدملها الي زين ممكن اطلب منك شغله ثانيه
-انتي بتؤمري
-اريد اتصل ع اختي لان متاكده هي اتصلت عليه وبالها يمي هسه وانتو
اخذتو المبايل مني
-حاليا اهدي وماكو اي اتصال بعدنه مكملنه شغلنه وياج
-تمام
-سمعي يجوانه راح تبلشي تريب عدنه اني شفت تدريبك بس اريد
تدربي تدريب صح فتبلشي تتعلمي تدريب ع اصوله وطبعا حيكون
الج راتب الي انتي تطلبيه
بس شرطي هو اسمج مينذكر بأي بطوله ولا اي لعبه اصلا وجهك
مايبين ومحد يعرف منو الي دتلعب بعد متفوزين يصعد اسم شخص
اردني كانو هو الي لعب وفاز
احنا ما عدنه بطولات واضحه كلها بطولات مغلقه فقط ينعلن اسم الفائز
اعلاميا
جوانه:تمام موافقه وبدون ما افكر وافقت
-حي الله اصلك جوانه
-الله يحيك
-واليوم جهزي امورج ابنك اليوم يكون عندج
جوانه:شلون انت متعرف خران زوجي وين يدامون
واحد اهنا بالاستخبارات و واحد بحمايه الاسره واحد بيهم دكتور
......الخاص 
الامير:شنو اسم الشخص الي يداوم اهنا
وانطيته اسم حمايه
وره اقل من ساعه جابوه لان اني بالاسختبارات الخاصه وهو بالاستخبارات
العامه
اول مدخل اتفاجأ من شافني
راسن حمايه عرف سبب وجودي ومال
-سيدي اني ما الي خص ب.....
بعده ديحجي جاوبه الامير
الامير-كول يا رب واجلس
وهسه كول اخوك وينه والطفل وين
-والله يا سيدي الطفل يم ابوه و وضعه حيل تعبان للطفل صار كم
يوم حيل  مريض وميكدر يتنفس والرئه مالته تعبانه
اني بس سمعت هيجي كمت ابجي بطريقه هستيريه واكوله
كله صوجكم اخذتوه مني وحرمتوني منه سنه متكولون ام تريده ابنها
والله اذا صار شي بابني كلكم اسجنكم
الامير:هدي جوانه واشربي كاسه المي اليمج
وانت اسمعني اهنا دفنه واهنا طمرنه الي صار اهنا ميوصل لاحد
واني اعرف كيف اخذ الطفل
-نعم سيدي متطلع مني كلمه وحده
-تمام يله تفضل ارجع لشغلك
الامير:وانتي يجوانه ميكون خاطرك الا طيب ابنك اليوم عندك
-اتمنى وصدكني فضلك هذا ما انساه واني وياكم بكلشي خطوه
بخطوه
-تمام ومثل مكتلج حددي الراتب الي انتي تريديه
-العين متعلى ع الحاجب انتو الي تنطوه الي اني موافقه عليه
-لا هالشي انتي الي تختاريه واحنا علينه ندفع الك حق تعبك