امراه بين دهاليز المافيات

البارت الثامن من الجزء الثاني

🎀 #امراة_بين_دهاليز_المافيات_2 🎀
🎀للكاتبه #زينب_عبد_المطلب_ 🎀
الجزء الثاني
البارت الثامن

بعد ما اغمى عليه ومحسيت بشي فتحت عيوني واني بالمشفى المل من شافني
صحيت كام يصرخ ويصلون على النبي
باوعت ع اختي تبجي كالت:حبيبتي جوانه حمدلله ع سلامتج ولج ليش هيجي
تخوفيني صارلج 3ايام ع هالحال ونايمه ومتكعدين
اني ستغربت شلون هلكد نمت واني حسيتها دقايق
كالت لا صار عندك شد عصبي من الخوف واغمى عليج ودخلتي مثل الغيبوبه
بس الحمد لله من صحيتي
اني من شفتهم كلهم ملتمين حجيت الهم الصار صح ابراهيم مسولف كلشي الهم
وللشرطه هم بس اني كتلهم هذه سحر الي سوت هيجي
كالت ام ابراهيم اليوم بسلامه تطلعين واني الي اتحاسب وياها
طبعا بعد مطلعت جابوها وعي نكرت كلشي وتكول كذابه واني لا دزيت احد
ولا سويتلها سحر هذه تتبلى عليه ام لسان طويل
صحيح كان الكل مصدكني بس ماعندي ولا اكو الدليل الي يثبت انو هي الي
سوت كل هالاعمال
اني هنا قررت ما ارجع للبيت لان احس نفسي اكرهه من وره اعمال سحر
ودخلت بالشهر السابع
اتصلت عليه اخت ابراهيم الي عدها 2بنات تؤام وكالت تعالي لعرس بنتي ولازم
تحضرين تره ازعل عليج
هذه اخته كلش احبها وبناتها ورود وبنتها مخطوبه لدكتور وباجر عرسها اني
الصراحه مكنت حابه اروح بس لازم لان هذا من واجبي كزوجه اخوهم الكبير
وبنفس الوقت هنه ميقصرن ويايه من احتاجهن
اخذت اختي تماره ورحت لارقى دار الازياء حتى اشتري ملابس مال الحمل
لكيتلي موديل كلش عجبني من ستره وبنطرون كتلها اكو منه للحوامل كالت اي اكو
والله كدرته وطلع عليه كلش حلو وانيق
اتصلت عليه خلود كالت انتي وين
فعرفت اني دا اشتري ملابس فطلبت مني اروح ازورهم اني وتماره لان مشتاقيلي
والله كتلها لتماره كالت شعدنه يله امشي مادام كملنه
وصلت للبيت وكعدت وكانو الكل موجودين من الكناين
خلود:شنو اشتريتي للحفله شوفينه لان اني كلش احب ذوقج
طلعت الملابس الي اخذتهم كتلها من دار ازياء...... كلش عجبني واخذته
-طبعا كلش حلو وراقي وحيطلع عليج بعد احلى لان انتي الي حتحليه

بقينه كاعدين سوالف وضحك واكلنه سوه وترخصت منهم ورجعنه للبيت
بيومها حسيت كلش تعبت لان من دخلت بشهر السابع حسيت روحي بلشت اثگل
رحت نمت من وكت وثاني يوم كان العرس
رحت للصالون سويت بس شعري وكالعاده اني الي سويت لروحي المكياج
اجه ابراهيم عليه ورحنه اني وياه واختي سوه لان هي هم معزمه بس صگر مقبل
يجي
دخلنه للعرس والكل من شافني يصلي على النبي كعدنه بميز المخصص النه وكل
العائله ويانه
كنت اسولف ويه مرت حمايه السوريه ونضحك فجأه سكتت وحلكها انفتح شبيج
يمعوده صفنتي
انداريت لكيت سحر جايه وطبعا بدون محد يعزمها والصدمه لابسه نفس ملابس
بالضبط انصدمت شلون لبست نفسهم ومرتبه حالها ومتمكيجه طالعه صح حلوه
بس من عمايلها واخلاقها و وجها الي كله سم تحسها محلوه ابد
رجعت التفتت شفت مرت حمايه الفلسطينيه وهي تباوع ع سحر وتبتسم اني اهنا
عرفت شلون اخذت نفس ملابسي من رحت عليهم وشوفتهم الملابس انطيت لخلود
اسم الدار الازياء الي رحتله وهي اكيد كلتلها وهذيجي القرده راحت واخذت منه