الباااااااااارت الثاني .............؟
بقلم (زهراء الطائي )،،،،
چنة اني واختي ازل بمدرسة وحدة ثانوية مال متميزات جان مستوانة زين بس بالنسبة لبنات المدرسة الويانة موكلش زينين بس امي جانت تعرف المديرة معرفة شخصية لهذا السبب باقين بيها ... نروح نرجع سوية بس جانت المدرسة بعيدة عن البيت الة بص (خط) يودينة ويجيبنة بعكس ماما جانت دوامها قريب ع البيت المدرسة الداوم بيها بالفرع المقابيلنة بس احنة جنة ع طول نعاني من مسئلة الخط ابد محد يستمر ويانة ليش ماعرف يمكن لان بس اني واختي ياخذونة لان محد بالمنطقة اليمنة يداوم بهاي المدرسة كلها بالمدارس الحواليها لان هواي مدارس جانت ياريت احنة هم انداوم وياهم بس شنسوي اهلي جانو مصرين الة بهاي المدرسة وقت الدوام اخوية يبقة يم بيبي ومرة خالي بلبيت بين منرجع من الدوام فترة قليلة وسجلناه روضة يمنة قريبة ... اني جنت حلوة يعني اشوف جمالي عادي طبيعي بس يكلولي لا بالعكس حلوة حيل بشرتي بيظة حيل . وعندي وجنات وبالوجنة عندي شامة صغيرة جنت سافرة شعري لحد چتفي سرح ناعم احب اصبغة من اني وهذة عمري اصبغة احمر احسة يلوگلي كلهم يحجون علية لان اني ممحجبة بس اني اعاند وماقبل البس حجاب هاي قناعتي هيج شسويلهم لبسي كلة ع الموديل حتى هواي اتاذيت بسبب هاي السالفة اني ترد علية ابد ماگدرلهم بس بيبي حبيبتي توگف بوجهم تگلهم عوفوها من اموت اني عود احجو والكل يسكت من تحجي هية محد يطلع من شورها هية مو مثلهم ابد تغصبني ع الشي لا بالعكس تكول بالقناعة كلشي يمشي لان الضغط يولد نتيجة عكسية... جان طولي زين موكلش طويلة جسمي هم وسط مايل للضعف اكثر عيوني سووود حواجبي احفهم اني مابقيهم احوال ارتب نفسي اكيد طبعا احصل انتقادات من الكل من ماما لان جانو شوية محافضين كون احنة مجتمع شرقي ومن هل السوالف بس حبيبتي جانت بيبي هية تصدهم هية من النوع المدارية روحا ع الرغم هية كبيرة بس تحسيها روحها خضرة وانيقة بشكل اما اختى فجانت بعكسي تماما عادية تلبس حجاب تصغي للكل من باب الاحترام بس هية جانت اطول مني بهواي لبسها مستر وعريض اني احسها معقدة متضحك ابد ولا تحجي شي معقدة مو من ناحية البس لا بالعكس حلو مرتب وماشية بقناعتها بس معتكفة ع روحها متسولف ويانة ولا تضحك ولا تشاقة هواي طبعها هيج هادئ شكلها حلو سمرة بس حلوة .. بس نگدية وغامضة .. ابد متشبهني لا بالشكل ولا بالاطباع ايشبهوها بشكيرا لان تنطي لمحة منه. كونها ع سمار وعيونها مثلها وشعرها بعد نفس الشي كيرلي هوة هيج طبيعتة ...
وعادي حياتنة روتين مثل اغلب العراقين بين دوام من الصبح ونرجع للبيت ايام نلگة امي بلبيت وايام لا لان جان دواهما شفتين مسائي وصباحي اما احنة لا دوامنة كلة صباحي من عدها صباحي نرتاح نلكاها بالبيت بس ندخل نبدل ونغسل وناكل ونام ونكعد ندرس وهاكذا الايام تعيد نفسها وبايام الي منلكاها احنة نحضر الاكل بس هية تطبخ من الصبح قبل لاتطلع المهم هية مريحتنة من هل الشغلة بس شغلنة بالبيت عادي مثل كل البنات ..
اما بايام العطل الجمعة اني احب الهدوء واسمع موسيقا بس جانت هوايتي التطريز الخياطة كلش احب هاي الامور احب اشتري لعابات هواي واكعد اخيط الهم اجمل الفساتين ماما جانت عدها مكينة لان هية تحب تخيط واني اخذت منها بهاي الشغلة بس اكثر شي احب التطريز ينطيني هدف واحس متعتي بهاي الشغلة ... لو اباع تلفزيون احب الافلام الرمانسية كلش هواي وساعات ابجي وياهم ... اماختي ماعرف شلون صايرة بايام العطل ماعرف شسوي ساعات الكاها سارحة وساعات الكاها تقرة وساعات الكاها تغسل هدوم مدري مين تجيب اهدوم تغسل .. ههههه نوبات اكول شنو تشتغل للعالم بغسل الهدوم واضل احجي عليها وهية ولا ترد ولا تصد جن مو يمها الحجي جان بنفسي تكون عندي اخت اشوية اكدر اتفاهم وياها اسولف وياها اما هاي من حمد الله لا طنة ولا رنة بس كل اشيائي متعجبها ونوبات مدري مين اجيب الحجي وتكعد ترزلني بادب اتخليني انلصم هية كلش عكسي اني كلي حيوية ونشاط وهية ابد خاملة بس طيبوبة لو اخذ دفاترها كلهن وقلامها وكلشي يخصها متكول لا .. نوبات انقهر عليها اكول ليش هيج منغلقة ع روحها احسها مريضة وساعات اكول لا هوة كلمن وطبعة ...
اني اكمز اني وحسين اخوية بالبيت مثل المخابيل ونركض ونلعب دعابل كلش احب هاي العبة ... 😂
فمرة من المرات جان صوتنة عالي حيل اني وحسون اخوية نضحك ونعيط ونكمز ماشوووف الة واحد مد راسة من الحايط .
انداريت ......
نلقاكم بالبارت البعدة
لاتنسون اسمي ...
زهراء الطائي ...
احبكم❤
نهاااااااااية البارت ..............♡
أنت تقرأ
حب لايعرف المستحيل
Romanceقصة حقيقية جميع الاحداث حقيقية . تتبعها طريقة الحبكة والسرد قصة بنت عراقية احبت شخص بجنون لكن ضغوط الاهل ورفضهم له ادى بيها الى مشاكل عدة . ورغم محاولات التفريق بينهم لم يتمكنو من اجبارها ع ابن خالها .. لكن السؤل ماذا سيحدث لها ولحبيبها هل سيبقى...
