حب لايعرف المستحيل

بااارت18

حب لايعرف المستحيل
البااااااااارت 18
(زهراء الطائي)

ـــ ورة تقريبا اكثر من اسبوع واني ع نفس وضعي متغير شي اجتي اختي .. عاتبتها انو ليش بهاي الفترة حتى انتي مسئلتي عني .. اتعذرت وكالت مانعين الكل انو احد يفوتلج يكولون عقاب الها .. راحت اتاكدت انو محد ورة الباب واجتي .. كالت رؤى كتلها قبل لتحجين كوليلي عفية قتيبة وين موجود بيتهم مو .. كالت مو هوة هذا الي داكلج بي .. كولي شعندج .. كالت من اربع ايام تقريبا واني اريد اجيج  محد قبل .. اجاني قتيبة ليم المدرسة .. يي .. سالني عليج وكلتلة ع الصار وياج وكلش انقهر وكال سلميلي عليها وكليلها قتيبة ميعوفج الة روحة تعوفة يلة .. لا اسم الله عليه يي وشكال بعد .. كال كوليلها خل تكون قوية وتصبر اني مسافر لان اهلي حيطلعون لعمان بعد شعدهم باقين وبالعراق ماعدهم مكان البيت وحيحطون بي مستأجر .. بس اني باقي بين هنانة وبين هناك علمود الشغل ومالي نفس بعد اترك بغداد علمود رؤى يي ونطاني هاي الورقة كال وصليها الها بس خل تصبر وتصير قوية وخل تتاكد ولتنسى اني احبها ومراح انساها بيوم .. هذا كل الي دار بيناتنة وصلتة الج .. 😔 يعني سافر .. يي رؤى حتى اهلى طلعو والبيت هسة فارغ .. هم من الاول ديروحون بس علمود امهم بقو متريد تعوفوالعراق واهلها بس من صارت سالفتج انتي وابنهم طلعو .. شكد صارلهم موكتلج اربع ايام .. وبيني وبينج زين الي راحو اهلج نلويلهم ع الشر جانو .. ليش عزة .. والله رؤى سمعت امج مادري ويامن تحجي من عمومتج وتكلهم هذولة لازم تاخذون بثاركم منهم وثار رجلي .. عزاا وهمة شعليهم .. لج غير طلعو بيت عمهم الي هيج سوو بابن عمج وكتلو وردو كتلو ابوج شبيج لو نسيتي .. اويلي ربي راسي شيتحمل ديتحمل .. يلة رئاوي هاي الورقة ضميها ديربالج احد يشوفها ترة اروح بالرجلين وياج يلة رايحة

ابقي احجي وياج والله طكت روحي حتخبل .. ميخالف حبيبي اتحملي مسالت وقت بس واني ماكدر اطول اكثر باي باي ..

فرحت حيل انو وصلني شي من قتيبة . فتحت بالرسالة حاطلي بيها السلسلة الي اشتراليها ووردة حمرة .. كاتب هاي السلسلة وكعت منج بيتنة بيوم العركة انكسرت وصلحتها خليها برگبتج و حافظي عليها هاي تذكرنة باحلى شي صار .. والوردة لحمرة هاي انتي ام شعر الاحمر .. ابتسمت والدموع بللت الورقة .. كتلة مضل شعر احمر قتيبة راح لمن رحت .. وكاتب شعر وغزل وكلام حب ونفس الكلام الي كالتة اختي وجواها رقم فون فرحت وكلت بس ادبر فون اخابرة .. كمت كلسى اقراها وممصدكة روحي الى ان احس احد واكف وراية .. بسرعة محسيت الة ونجرت مني الورقة .. اباع حسام كمت اضرب بي احجي اخذها وطلع وقفل الباب رجعت نفس وضعي واتعس حتى ملحكت اتهنة بيها وارقم محفضتة بس السلسلة موجودة والوردة جوة المخدة .. بجيت ونحبت نحب مصاير لان هذا اخر امل الي وراح وكمت كل يوم استاء اكثر من اليوم القبلة
شي واحد يصبرني حتى اختي كامت متفوتلي حسام كام ميخليها بس الي فهمتة مگال لحد عن سالفة الرسالة ..
و الوردة اضل حاطتها ع خشمي وكلامة وصيتة انو اصير قوية وماستسلم .. وبقة حسام يحاول وياية وبدة يتغير انو يدافعلي ويداريني حتى احبة بس ابد كمت اكرهة اكثر .. فترة وتركني هذا الحجي كلة هاي الفترة واني بابغرفة محبوسة بس جابلي تلفزيون حتى التهي بي بس ممنوعة علية الطلعة وامي مشفتها من يوم الصار . اضاهر غاضبة علية حيل .. بقيت حوالي الشهر واني بهاي الغرفة مجرد بس حمام وارجع اطب وصيت بنت خالي ع غراضي ملوت التطريز .. كلت التهي احسن من مااتخبل من الوحدة .. جابتلياهم وكعدت اطرز لان من يوم الي عرفت قتيبة بعد تركت كلشي . طرزت اسم قتيبة ع شكل حروف بالانكليزي .. مرة طب حسام جنت توني مخلصة اسم قتيبة وفرحانة بيها .. اجة طب شافها باوعلي بنضرة حقيرة كلة غضب وشر سحب من ايدي قطعت القماش وشگها كمت ملختة تملخ اني قوية وتقريبا بطولة .. مرعدت هدومة وهوة يجر بية ويوخر بية عتيتة من شعرة ومن هدومة انشكن وخرمشتة من وجها طلعت ضيم كلبي علية اضرب بي واعيط ع صوتة اجة خالي كال هاي شكو شصاير .. كتلة ابنك مدى يجوز عني ايطب يتحارش بية اياذيني ويغثني ويطلع اذى ناوين تاذوني اني اكولها الك موتوووني وخل ارتاح .. رزلة وغلط علية وكلة بعد متجي صوبها ابد .. كتلة باوع الي سبوعين اشتغل هاي وهوة شكها .. باوعلي وطلع وقفل الباب .. ضليت ابجي هواي تاذيت بهاي الفترة اذية وجع فوك الوصف حتى كل ماروح للحمام اسمع ميت حجاية ينسم بدني بيها .. يجوز غلطت بس الرحمة هم حلوة .. والله كبير ويغفر ويسامح وهمة لا ابد گلوب قاسية مابيها حتى الرحمة .. شعري ع وضعة مخربط امي مسالت علية ابد مرت ايام سوودة بسواد اليل

بأخر فترة حسام ابتعد عني اشوية ارتاحيت وبديت اتحسن لان هوة جان سبب الوجع .. الى ان فديوم فتحت الباب مرة خالي گالت فرحي اجاج افراج كمت كتلها صدك يعني عادي اطلع واروح لبيتنة .. لا عيني اوكفي حبيبة انتي اضلين محبوسة بس بداخل البيت مطلعين هسة مو زين خالج انقهر عليج وگال طلعوها بس بلبيت

نهاااية الباارت