حب لايعرف المستحيل

باارت ..10

حب لايعرف المستحيل.
البااااااارت العااااشر
..بقلم زهراء الطائي 👑

لان شغلة يبدي الضهر للعصر ونوبات لليل يلة يرجع بس الصبحية كلها موجود حتى نوبات الكاه من نطلع من المدرسة واكف بسيارة من بعيد يباوعلي .. من هيج يسوي ياخذ روحي ويا ويزيد حبي الة بحيث هوة صار الهوة الي اتنفسة حسيت بي كلش يخاف علية لو من الهوة الطاير شوصف شحجي هوة حياااتي كلها .. مرة من المرات ذبنة الخط بعد مسافة من المدرسة رحنة دنتمشى شفتة واكف . خلال هاي الفترة حاول انو نتشاوف بنفس المكان اني مكدرت وتغذرت اكثر من مرة لان احس العين مفتوحة علية وحتى اختي كمت احس بيها تعرف بية وساكتة لان كلامها وياية صار كلة بسامير وتباوعلي مدري شلون .. دنمشي اشرلي بيدة واشرتلة بيدي من غير محد ينتبه جاريت اختي عود ودخلت وياها بعدين شفت الكل ملتهي ورديت طلعت بس ضجت حيل لان جاي قريب ع المدرسة وايشرلي بيدة وممهتم لاحد لينتبه كلش تنرفزت واني حذرتة اكثر من مرة جية للمدرسة ليجي لاانلكف .. طلعت رحنة مكان جان قريب ع المدرسة هيج مثل المسكف وبي سد حتى لاحد ينتبه طلعت قبلة لحگني قبل ليوصل كتلة اسمع واحجي بعصبية .. اني كم مرة حذرتك وكلتلة جية قريب ع المدرسة وهيج تنزل ماريد هسة تجي بعيد وتضل بالسيارة ماشي بس مال تجي وتزل وتحاجيني كدام البنات هاي الي ماسمحلك بيها .. كال اوكفي اوكفي اني مستمرة ..عيط علية كال اصبرررري خل الغي موبس الج الكلام .. ونهديتي بية لوك لوك شنو ميشار انتي .. اني سكتت وهوة اتنهد وحجة .. كال يلة امشي وياية .. فكيت عيوني علية كتلة شنووووو وييين يابة ماخذني .. گال قبل لتحجين شي افهمي .. لج يولي اريد نطلع فدمرة نروح نشرب عصير تصعدين يمي بالسيارة شنو حرام .. يي حرام ميصير اني مو مرتك ولا اصيرلك شي .. مجرد حبيبي وبالسر .. باوع علية وفرك لحيتة يابة مااكلج اني بس رؤى احنة خوما انضل بس اتصالات وهاهية .. اريد الشي البينة يطور. .كتلة بديت تخوفني قتيبة شنو قصدك يطورر .ضحك بس بغبن . گال هاهية هذة الي ردتة عرفتة. انج بعدج ماعندج ثقة بية وتضنين انااذيج هز براسة .. للاسف رؤى عيبج لليوم ماعندج ثقة بية .. ماعرف شلون راح تكضي وياج وانتي هيج تفكيرج .. اول شي اصبر اني موماعندي ثقة بيك بس صعب هذا شي صعب علية لااني ولاتربيتي تسمحلي اسوي الشي هذا .. كال خلص اني اليوم ادز امي تخطبج الي بس حتى تتاكدين مابنيتي شي ياذيج لويضرج كتلج الف مرة اذي نفسي. ماذيج الج اني احبج رؤى كلبي نار عليج اخاف لاياخذج حسام مني .. اول شي لتخاف حسام مياخذني لو ع كص رگبتي ..وثاني شي لتدز امك هسة بعدين .. ا ففففف رؤؤؤؤؤى لشوكت تضلين اتاجلين بية .. بداخلي كلت اذى ادز امك هسة راح اخسر حتى شوفتك .. وحتمال ينطوني لحسام ومدرسة ماكمل .. قتيبة لتفتح علية باب قتيبة بهل الاثناء ماشوف الة المعاونة مال المدرسة اجتي علية هية تعرفني عز المعرفة جانت دتطب للمدرسة ولكفتني اويلي يابة لكفتني والله اجتي قريب علية .. اني واكفة مصدومة وخالة ايدي ع حلكلي وقتيبة صافن ميعرف شنو القصة قبل لتجي كلتلة الله لايوفقك انتة السبب النلكفت عجبك هيج اجتي كلتلي شيصير مج هاا شيصير كتلها كوة تطلع مني الحروف ابن عمي وجاي ديتفق هوة يرجعنة لان الخط ميجينة .. كالت ابن عمج مو ياعم منهم الي بيران لو وين غمضت عيني وعرفت اني جفصت جفصة مامنها كومة خليت ايدي ع وجهي وهية تجربية من قميصي وتدفع بية فوتي فوتي اني اعلمج اليوم هاي واني اكول خوش بنية ميطلع منها شي قتيبة حاول يحاجيها ميفيد اخذتنة بصياح .. قبل لنطب باب المدرسة كتلها دخيلج ست لتكولين للمديرة المديرة اذى عرفت راح تگول لمي لان امي صديقتها وراح انفضح بيت اهلي ويبطلوني حتى من المدرسة الله عليج ست اني واكعة بعرضج ودخيلج لملمي الموضوع من يمج واني اوعدج هذا شكلة بعد ماشوفة .. صاحت لا عايز .. امشي اني اربيج تريدين تطلعين سمعة ع هاي المدرسة هاي مدرسة محترمة ونضيفة مو مثل المدارس الباقية اليوم لواني لوانتي هنانة دخيلج ست واترجاها وابجي وابجي بحركت گلب فتنة جوة كبل اخذتني لغرفتها اتلكتني ام الانكليزي خير اتكلها للمعاونة كلتلها هوة اكو خير من ورة هيج شكول دايحات اذى اهلكم ميربوكم اني الي اربيج ياادبسززززز دفعتني حيل ردت اوگع راحت كعدت ع مكتبها .. اجتي ام الانكليزي حضنتها لا ا،ادينا هذا الحجي والرجيف الي اني بي مينوصف ..حضنتني هية هم وطبطبت علية وكالت شمسوية يامضروبة كلتلها المعاونة. لطمت ع وجها عزا بعينج اني متخيلتج هيج كتلهى ست افهمو السالفة والله مابيني وبينة شي احجي وابجي ورجف حتى شعري كفش جنت مسويتة كعكة راخية كلة نزل ع وجهي بهل الحجي اني ودافهمهم اجة طب قتيبة .. كال السلام عليكم ..

نهاية البااااارت