حب لايعرف المستحيل

بااارت 19

حب لايعرف المستحيل
الباااااارت 19....🍁
(زهراء الطائي)

كتلها وبيتنة ماروحلهم اريد اشوفهم لخوتي لمي اريد افهمها .. كالت لا شتروحين اكعدي وسكتي اصلن امج متريد تسمع بسيرتج حتى مو عاد تشوف وجهج وبيتها يتعذرج وخالج حطنة نراقبج خاف تنهزمين بعد انتي تعرفين عندج سوابق تروحين تصخمينة اكثر من ما مصخمتنة  .. خزرتها وكتلها مسويت شي اني كامت تلسن علية حجي عفتها مجاوبتها ساعات السكوت احسن .. كمت عادي اطلع اكعد يمهم خالي كالهم بعد لحد يسمعها حجاية واتركو السالفة تموت .. اني من يكول تموت احس گلبي يهيج اكثر وروحي تگوم توجعني الي عرفتة بهاي الفترة انو حسام خلص ابتعد عني كلينا وكام بعد ميريدني لان علية علامة اكس صارت وحتلو يحبني يگول رجولتة بعد متتحمل ياخذ هيج وحدة وخصوصا شافها بعينة كاعدة وية واحد . مرت فترة واني بقيت بيت خالي لان امي كالت منا ورايح هاي ماكدر اربيها يرادلها زلم تشكمها التقيت بيها مرتين مرة دارت وجهاا عني وعافتني وطلعت ومرة لا اشوية احسن بس بعدها غاضبة علية وزعلانة .. بقيت بيت خالي بس ماطلع حتى لباب البرة .. مرة خالي بقت تبسمر بية بقيت يم بيبيتي احاول اداريها لان تمرضت اشوية حسام بهاي الفترة اتخرج والتهى واصلن هوة گام يتحاشاني اني نوعا مامرتاحة بس كلبي حيل يأذيني ع قتيبة من فترة وهوة اختفى من حياتي بس مراح ولا دقيقة من بالي وگلبي وحتى ملامح وجها منسيتها حتى جانت عندي صورة الة يمي ع طول وياية اضل اباوع بيها وابجي بس ماكو اختفى كليا كلت يمكن حاول يوصلي بس ماكو اي شي يوصلة الي حتى اختي ميكدر يوصللها بسبب الحراسة المشددة ويمكن من اثرها مل وراح .. بس لليوم من اطب انام بليل يقفلوها علية من برة .. فديوم كاعدة يم بيبي واجة حسام كال رؤى عندي حجي وياج بس لتفهمين غلط .. كتلة احجي .. كال ارتاحي اني حسافر وحتى خلقتي متشوفيها بعد واني حبيتج ولليوم احبج بس لهنانة حدي وياج مع كامل حبي الج بس بعد ماكدر ازوج هيج وحدة .. ضحكت كتلة ييييه خلصني منك ومن الزگة ماتك .. ضحك بغبن وكال ليش هيج اخلاقج وياية حتى اسلوب ماعندج افتهم تكرهيني بس موهيج اكلج احبج تكومين تعيبين علية.. اششش اسكت لضل تحجي انتة شايف روحك شكد ممل ومزعج وكلش لزگة .. لا مولزكة بس حبيبتج ومستعد كلشي اسوي علمودج .. رجائنا لتحجي هيج افهمت خل حد لكلشي لو انتو ع ناس وناس انتة تحبني ويقبلون اطلع وياك عادي وماعدهم بيها لو هسة نطب بغرفة منعزلة لساعات يمكن شي عادي عدهم بس لانك ابنهم .. اما اني حبيت انسان غريب وطلعت وياه مرة وحدة وبالغصب وكدام الناس مو بالختلة لا صارت متصير وصعبة .. بنتكم اذى حبت اجرمت .. ابنكم اذى حب حلال.; ليش ليش هل التناقض لان ولد مو هاذة الولد بعد ديئذي بنت ناس غيركم ونفس الحالة .. شي تقبلو ع نفسكم قبلو ع غيركم . ديحجي عفتة وكمت .. صاح وحجة اني وامشي; كال اني حسافر واحاول انساج لان هاي السفرة انتي السبب وراها بلكت الله يعوضني خير كلت ييه فكني متت طبيت جوة فرحت اشوية كلت حخلص من الزكة وايام انشالله وترجع الحياة طبيعية ويرجعلي قتيبة واخلص .. بس السالفة الي اختي كالت عليها انها تتفق وية عمومتي اووه لا اصلن اهل قتيبة وقتيبة سافرو مضل احد هنانة كمت كعدت كلت عزاا ليكون لكفو قتيبة وكتلوه .. فركت وجهي اسغفر الله ياربي ليش هيج دائما سلبية اني لا لا ماكوشي خير انشالله . نمت نمت كمت فزيت من نومي شفت هاي المرة ام الطالبة الويانة وتگلي خلي بالج عندج العشر ايام بس عشرة ايام .. اوووف ربي هسة هاي شجابها بمنامي وياعشر ايام هاي ذيج المرة كلتلي عشر ايام واطاح حضي هلمرة شيصير بية بعد هاي اكيد من القلق .. رجعت نمت ونعلت الشيطان .. مرن كم يوم واجة اليوم الي يسافر بي حسام جان عندي عرس اجوي يودعوه ويحضرون ومخبوصين ع شنو ماعرف هوة ديسافر شدعوة هلكد مهتمين بي المهم طلعو يوصلو للمطار ومناك كلمن ع شغلة وبيبي دزوها وية امي يزورن ويرحن لبيت خالتي حاولت اروح وياهم محد قبل وبقو مرة خالي يمي اتعجبت مراحت وياهم بس كلت يي خلوها حارس علية ورة ساعة تقريبا اجتي كلتلي تعالي كعدي يمي بالهول انسولف كتلها لا مرتاحة اهنانة تركيني المهم منامنا لحت علية طلعت يمها ضلينة نسولف حوالي نص ساعة لهناك شوية شوية كامت تفتح موضوع قتيبة ومن هل السوالف كامت شوية شوية تستفزني اكثر واكثر جانت كاعدة تكسر جوز وتاكل بس حاطة مثل الحجارة مدري خشبة مدورة  وتكسر بيها لاهية كبيرة ولا هية صغيرة .. صار جدال بيني وبينها وكل ماريد افوت جوة تجي وتغلط علية اكثر كانو تريدني اضربها واتعارك وياها كلت خل اعوفها حتضل تغلط هاي دافوت جوة جان تجرني وضلت تضرب بية وكبل شمرتني ع الكاع وكامت تخنك بية وتضرب وتعض وشوية شوية كمت اريد اجر النفس ماكدر لان هية صارت فوكاية وهية جذثيثة وضخمة ماسيطر عليها كامت تزيد بالخنك واني ماكدر اشلعها مني واعصابي بدت ترخة زادت حيل بالخنگ ايدي بالكاع اتلمست حسيت بشي اجة بيدي الحجارة ومن دون وعي هبدت الحجارة
براسها ...
يتبع .............

نهاية البارت😱