حب لايعرف المستحيل

باارت 15

زهراء الطائي)
الباااااارت 15

كال خالي ماعرف شكول اكلكم معليكم بي وخل تمشي بفالها اخاف من حسام لاصدك يروح يسوي شي لان هوة مخبل بيج رؤى خالي تعرفين شنو مخبل بيج لو تضربي هسة بنعال مستعد يعبدج ..

امي/ والله ماعرف كتلها يحبج ومحد راح يحبج بكدة ..
اني كتلكم معلية سوولي حل وخلصوني منة اني ماريييييدة كوة كوة صحت ومشيت طبيت جوة ..

كلت اوووف هذا حسام وحدة حعاني منة هواي لو يعرفون السالفة كاملة شيسوون ..ورة كم ساعة اجتي امي كالت اجة حسام وكال بعد اني اوصلهم للمدرسة .. كمت فزيت ايبااااااااااااه هوة يوصلني خل ياكل نعل احسلة مو بكيفة ..
انجبي خالج هم كال بعد واكفة تروح وياه وعينة منهة ... شي وانصقعت بي مع انو اعرف هيج راح يصير وهاي اول السوالف الي راح تطلع .. يعني مراح توافقون مو .. لا مومسئلة منوافق . بس شغلة مو لايقة تروحين وياه ..
خوش امي واني هم منا ورايح ماداوم .. ليش يمة .. يي ماداوم ماطول هذة الكلب يوصلنة ..
انجبي مو بكيفج ..
لا بكيفي وهاي من هسة اگولها الج بطلت ماروح للدوام بعد ..
يعني لو قتيبة لو مداومين ..
لا موهيج بس حسام ماروح ويااا . وبل الفعل قتيبة صار جزء من حياتي ممستعدة اكعد اصبح وماصبح علية صعب حتى الدوام اعوفة لخاطرة . اتصلت وكلتلة ع الصار كتلة شفت مو كتلك حتى شوف مراح اشوفك .. والحل شنو رؤى يعني انضل معلكين .. مادري قتيبة مادري عوفني تعبانة اريد انام ومااكعد بعد .. سديتة منة واحس روحي اختنگت ورجع الحزن يتغلب علية مدة طويلة مرت واني ماقبل اداوم والكل بدة يلاحظ علية الاكتئاب بس بقيت ع اتصال وية قتيبة .. واهلي سكتو ع سالفة قتيبة وحسام كام كل يوم. ينط لبيتنة اكثر من قبل .. مرة كاعدين بلبيت وطب علينة حسام كال وينكم تعالو .. امي كلتلة خيرك حسام .. جان يصيح ام ستار جانت ويااه امي كلتلهم خير شوكو .. كلها اصبري نجيج بالحجي .. اني واكفة اباوع ماعرف شديصير. . كلها ها ام ستار احجي لوتحجين كلها احجي انتي احسن .. كالت ام رئى عيوني .. هذولة الجايين يخطبون منج مرة ترة موش من سامرة .. لعد . فلك طرهم هذول من تكريت من عشييرة ال....... .. وترة وليدهم مزوج ومطلك والماخذها منة وبي بنت عمة ... اني انصدمت احس شي وانضربت بي ع راسي اريد استوعب ماعرف بس شلون عرفو والسالفة محد يعرف بيها غير بس اني لهناك صفنت باوعت ع اختي كلت ماكو غيرها هية الي فتنت علية .. بس ليش حتى تكول لم ستار .. الف سؤال براسي واريد اجوبة واضحة حتى استوعب الي ديصير .. امي كلتلها شلون عرفتي ام ستار .. والله عرفت من رجال جاه يم الدلال وسئل عل هيج ناس بعدين وديتة لبيتهم وجان ابنهم ديطلع وكال يي همة ذولة .. بس مراد احد من بيت ابو خالد يعرف انو اجة واحد هيج وضعة وسئل عليهم .. لان جانو عدهم طلابة وية بيت عمامهم علمود ورث ومرة وهاي المرة هية مرت قتيبة ابنهم .. امي لطمت عززا وجان نطيناها الهم همزين الله ستر .. اهنانة احس روحي دخت بس حاولت الزم نفسي ..لهناك وحسام كال يي صح واني هم قبل كم يوم اجة واحد عليهم ديريد يندلهم كال بيت خالتي وصفلياهم وعرفت منة كل الحجي الحجتة ام ستار .. عزة بعينك وساكت ليش محجيت من الاول .. ردت اتاكد اكثر لحد مجتي ام ستار وكالت هل الحجي .. كوة مشيت وعفتهم ورحت للغرفة واسمعهم مثل الصوت الطايش المو واضح حسيت كلبي وجعني وعرفت هاي النهاية ..

😭😭.. رؤى رؤى .. اممم

حاولي تهدين .. كمت اطبطب عليها ع الله احاول اخفف من ونينها .. هاا نوكف .. لا .. انكمل .. هزت راسها يي .. مسحت دموعها الي مبطلت توكف ابد ....

كوة جريت الفون واتصلت ع قتيبة كلتلة قتيبة احنة نهايتنة قربت وانتة الي نهيتها .. لج ليش شكو فهميني .. حجيتلة كل السالفة .. كال رؤى لازم اشوفج .. كتلة ماكدر صعب .. كال رؤى سوي اي شي بس اشوفج حتى نفتهم شي ونلكة حل .. المهم حاولت اضغط ع نفسي وامشي الامور واحاول اقوي روحي حتى محد يحس علية انو اكوشي .. ومع ذالك كدرت بيوم اطلع من البيت من بعد متاكدت محد موجود بلبيت الكل بالدوام واني طبعنا تركت الدوام .. اتفق وياية ع نفس المكان .. رحت شفتة صاعد بالسيارة اشرلي رحت وصلت يمة كال اصعدي كتلةوين ماكدر اروح وياك لاي مكان واهلي ع جية ومحد يعرف اني طلعت من البيت .. كال صعدي منروح انضل هنانة لان اخاف ننزل ونلكف اضاهر العيون مفتحة علينة هل الايام .. صعدت واول مشفتة حنكتني العبرة ومصيطرت ع روحي كمت اشهك وابجي احساس صعب جان لو شكد ماحجي ماعرف اوصلة خصوصي بهاي الحظة احس انعكد لساني ومكدرت احجي اي حجاية ضليت اباوع بوجها .. ديريد يحجي . كلتلة شششش .. لزمت وجهة بيدي ثنينهم وضليت اتامل وجها وعيونة خليني خليني احفظ ملامح وجهك ماريد شي يبعدني عنك قتيبة اني تعبانة واحس روحي حتطلع مني واحس هاي الوداعية . .. لزم وجهي كلي وحق هاي العيون مستعد اسوي الي محد سواه رفعي راسج رؤى وباوعيني وكافي تبجين دخيلج دموعج تحركني حرك يابوية

نهاية البارت😭💔