الكاتبة (زهراء الطائي)
الباااااارت الـ25
كال يي اعرفهم واني الي اوصل الهم الاجار سنويا عن طريق الحوالة ..
ليش محد منهم يجي ابد ..
لاوالله من فترة طويلة محد جاه بعد .. جان بلبداية على طول يجي ابنهم اسمة
.. قتيبة
..يي ليش تعرفو
.. يي احنة جاين نسال علية
.. يي والله هوة جان يجي علمود بنية هنانة يسال عليها من عرف انها ازوجت ابن خالها ترك بعد كام ميجي
.. زين ممكن تنطينة رقم او اي شي يوصلنة الة لان عندي امانة واريد اوصلها الة
..يي سهلة بنيتي
.. مشكور عمو وهاي خدمة مانسها الك
.. لايابة الناس لبعضها .
.. فرحت لا لا فرحت شنو طرت من الفرحة ومصدكت روحي انو وصلت لقتيبة بهل البساطة .. اخذت الرقم ورجعت وتاكدت انو قتيبة بعمان .. بسرعة اتصلت بخالتي وكتلها تصيح رؤى لان جان حسام مينطيها اي وسيلة اتصال يخاف لاتفلت منة .. وزفيتلها الخبر طبعنا ماعرف شلون جانت ردة فعلها تمنيت اشوفها بهاي الحضة بس سمعتها كامت تبجي كلشي عدها بجي خبلتني .. سديتة منها ورجعت اتصلت بقتيبة ع رقم دولي .. دك اكثر من مرة يلة جاوب .. سلمت علية ..وكلتلة تذكر بنية اسمها رؤى .. سكت وجر حسرة طويلة .. وكال شبيها وليش سئليني عنها تعرفيها .. يي اعرفها .. هية وين وشخبارها .. استغربت جاوبني برود .. كتلة شلونها ميتة هية بس عايشة وحجيتلة كلشي يخصها من اول يوم للحضة الي اتصلت بي بيها ..
كال انتي تحجين صدك يعني مراحت برضاتها .. كلتلة لا انجبرت ولليوم هية تتمناك ودكول محد يلمسني غير قتيبة .. الي وصلني شنو .. شوصلك .. كالو انو اهلها ضغطو صح عليها بس اقتنعت وعادي راحت برضاتها .. لا الكلام هذا موصحيح هية راحت بلعبة منهم وهمة طبخوهة وهية مغفلة ولليوم السلسلة برگبتها .. لاياانذال ..زين دخل ادزلج الصور الي دزوها الي ومن شفت الصور لعبت نفسي منها ... دز الصور انذهلت متحملت المنضر معقولة هيج حسام انتة نذل .. بسرعة دزيتهن لخالتي وجانت رؤى يمها .. كتلها حدز شي بس لتبجين ولاترجفين بس فهميني هاي شوكت .. دزيتلها الصور لطمت ع وجهاا وكالت هذا الحقير النذل بيوم الي وداني للفندق ومدري شبلعني .. بس كلة كذب تمثيل اني اعرف روحي انو هوة ملامسني ابد .. لا واني الغبية اكول خطية لازم انطي فرصة ثانية وطلع هيج انسان وصخ و وحقير ويشهر بية وبشرفي .. كتلها اسكتي كلشي راح ينحل .. سديتة منها ورحت اتصلت ع قتيبة وفهمتة انها جانت لعبة منهم .. حسيتة صدك بية ومجذبني وبلفعل يعني يحب رؤى مثل مكالت .. وكلتلة بعد حنطي الرقم لرؤى ومنك الها .. كال ياريت مشتاق اسمع صوتها ..
ورؤى نفس الشي كلتلها .. طبعا صار بينهم اتصال
وحسب مسولفتلي رؤى حقصلكم بالتفاصيل
الوو ..
الوو..
قتيبة ..رؤى ثنينة سوة
ااه لوتدري شگد مشتاقة الك ولصوت ولبتسامتك 😢 وضحكتك الحلوة حبيبي وين رحت وتركتي وين
اني بلياك ضعت وضاعت ايامي
قتيبة شحجيلك ع الصار والدار بية من بعد غيابك شكد مااحجيلك قليل قليل كل الكلام تختصرة كلمة ااااااااه وجعها بلگلب
رئاوي .انا المشتاك وانا المتعذب مشتاگ للعيون لتذوبني بسحرها وللشعر الاحمر .. يول شعرج بعدة احمر لو تغير ... حبيبتي انتي وين رحتي وين اخذوج مني وين خفوج عني ..اووووف وجر حسرة كلها شوك وحب ولعفة وعصة حزن واشتياق رؤى احبج . حتى من كالو ازوجت وراحت وربي مكرهتج رغم اني حاولت انساج بس مكدرت جان اكو شي بداخلي يكول جذب كلة جذب هسة ترجعلي جان اكو بگلبي امل ينبض .. والله مخيب ضنوني طول الوقت واني افكر اكول هم هيةتفكر بية لو مرتاحة ونستني .. بس طلعتي انتي بالويل واني عايش عادي وبديت اتناسة . بس ليلي يوجعني .. كوليلي بعدج نفس شكلج لو تغيرتي .. ااااه ودي اشمج واضمج بين ادية وادخلج بصدري وبين ضلوعي حتى محدياخذج مني .
ــ 😢 كلشي تحبة موجود حتى العطر الون التسريحة طريقة الكلام الحرووف كلها لجلك عايشة .. ودي اطير واصلك حبيبي انتة
رئاوي هم يجي هذا اليوم ونرجع نتلاكة وجه بوجه
ــ يجي كلشي يجي رؤى ماعدها شي اسمة مستحيل حبي الك لايعرف المستحيل
.........
ووووووووو كلام طويل من غزل من حب من عتب من شوگ من ولهه من حنين
ختمتها ويا .. وبقت انتضر اليوم الي يتحقق بي الحلم جان صعب شوية بس عد رؤى ماكو شي مستحيل
بقت فترة ع تواصل وية قتيبة من غير علم حسام وبدت ترجع لوضعها الاولي ..
بلنسبة الي قررنة نرجع للاردن لان عيشة صعبة وممرتاحين بيها وبلفعل رجعنة للاردن ..
وبقت رؤى وحسام بلنمسا وكلش اتاثرت لمن رجعنة .. اتعرفت ع قتيبة وجها لوجه وقابلتة وبلفعل انسان يستحق التعب من اجله ...
باخر فترة حسام كام يحس ع تغيير رؤى المفاجئ بس جان ابد ممطمئن حسب كلامها انو بدة يشك بيها لايام اطوال ورؤى طبعا حاولت دكلة بس بقيت اصبر بيها لمايحين الوقت المناسب ....
لاكن بيوم حسام سمع رؤى هي وتحجي وية قتيبة .. الغريب بالموضوع انو من سمعها جان شي عادي مومثل متوقعتو وتوقعت
جنت احجي وية قتيبة بالفون فجئة ومن غير مقدمات انفتحت الباب اباوع حسام واكف طب للغرفة اني سديت الخط .. وبقيت واكفة والخوف تسللني اول مرة اخاف من حسام ليش ماعرف يمكن لانها تعتبر خيانة لاني ع ذمتة ..
ابتسم وكال .. لتخافين اني الي مديت ايدي ع نعمت غيري انتي من الاول الة موالي .. من ليوم رؤى اكلج انتي حرة .. كافي لان اني تعبت اكثر منج وانتي كلتيها دربي وية دربك ميتوالمن وبلفعل دروبنة مسدودة سوة كافي روحي وعيشي بقية حياتج .. وخلينيةالملم الباقي من عمري حب من طرف واحد ميستمر وان استمر وعاش لازم صاحبة يموتة يلة يگدر يعيش .. روحي وانتى طالگ ..
رؤى/ اني بحالة صدمة معقولة الي سمعتة فرحت حيل بقيت يومين وصلني بايدة للمطار واعتذرت ع الصار وهوة بعد اتعذر مني
نهاية البارت.....
أنت تقرأ
حب لايعرف المستحيل
Romanceقصة حقيقية جميع الاحداث حقيقية . تتبعها طريقة الحبكة والسرد قصة بنت عراقية احبت شخص بجنون لكن ضغوط الاهل ورفضهم له ادى بيها الى مشاكل عدة . ورغم محاولات التفريق بينهم لم يتمكنو من اجبارها ع ابن خالها .. لكن السؤل ماذا سيحدث لها ولحبيبها هل سيبقى...
