حب لايعرف المستحيل

بارت ..8

الباااااارت الثاااامن ..
(زهراء الطائي )

ــ لا احبة شنو واني شعلية بي ..لعد دباعي وجهج اصفر مدري اخضر .. لا لا ماكوشي بس اريد اسالج شي ..كولي .. جاب سيرتي بشي .. لاابد بس يكول خوش بنية مؤدبة وتعجبني الله شاهد مجاب طاريج بالموزين ابد .. هاا زين حبي فرصة سعيدة سلمت عليها ورجلية احسهن يرجفن .. امشي سريع كمت حتى اتعثرت اكثر من مرة كلت شوف الكلب مصادق الكل ويحاجيني ابن النعال عبالة اني من هذن الساقطات اوكفلي خل اوصل ودبارك بيدي .. وصلت للبيت اتلكتني امي خيرج شبيج وجهج حينفج هاا لا ماكو شي بس ابنج دوخني ماعرف شيريد حيرني حسون واكوف وحاجة امي گلها لا بس حجة وية وحدة .. اني هنانة اتبسمرت بمكاني گلت هاهية انكشفت امي دتجاوب ويا كلتلي وتعاركت وية اختك .. كلها لا بس حجت .. اشحجت اني ورة امي ائشر لخوية مدى يشوفني .. كلها مادري بس سولفت وية البنية وكامت اتكول ابن النعال .. امي ضحت كلتلة ابن النعال ل بنت النعال .. اني هنانة متت وحتيت جان رحت وطي اوووف ربي ستر .. طبيت جوة قطرت دم مابية ضليت افتر بالغرفة مثل المخبلة وافرك بايدي وبوجهي شلون يربي اهلي موجودين اريد اخابرة واعرف السالفة لو اتفق ويا واروحلى واحلها ويا وافهمة اني مو من هذن اليلعب عليهن للعصر بعد العصر اني صرت فدمرة اعصابي تلفت ابد مطلعت من الغرفة بهذا الوقت حتى ليبين علية شي هناك وامي صاحت كالت اني رايحة بيت جوارينة جنتهم جايبة .. طلعت كتلها روحي ماما بس اريد اروح اشتري كم حاجة من المحلات. كالت روحي اخذي اختج وروحي كتلها ماما نايمة اختي بسرعة اروح وارجع فدوة كالت روحي ولتتاخرين كتلها صار .. بدلت ماعرف شلون باوعت الفون يم الشاحن همزين عايفتة اخذتة ودخلت للغرفة دكيت علية دك دك جاوب وبصوت يادوب يرد .. حجيت بعصبية كتلة انتة وين كال نايم كتلة هسة تكوم وطلع اني رايحة قبلك لل حديقة جانت اكو حديقة يمنة قريبة ع الفروع براس الشارع مابيها ناس قليل كلش .. كال خيرج رؤى خوفتيني كتلة ماعندي وقت امي ع جية كال يلة يلة جايج .. رحت وصلت قبل ليجي للحديقة جانت اكو شجرة كبيرة كعدت جواها انتضر شفت من بعيد سيارة سودة طبگت عرفت هوة والقلق ماخذ من عافيتي اجة .. وكف وابتسم يي من زمان وسوي هيج وريحي كلبي .. وكفت وكتلة انتة فد واحد متستحي .. ضل صافن كال شبيج رؤى .. كتلى كل السالفة .. وكلتلة هاي لان امنت بيك هيج ناوي تغدر بية وطلعت انتة تلعب علية من جهة وعل البنات صاحباتك من جهة لخ .. كال اكعدب خل افهمج .. كتلى لتفهمني اني ماعندي وقت واسمعك وميحتاج تفهمني شي كلة واضح كدام عيني احجي واصيح صرت اعصاب .. كال اهدي واسمعيني الكلام مو بس الج .. اني كايلها الج وراح اعيدها مرة الخ .. اني صحيح عندي سوالف مكسرة اعترفلج بس صدگيني انتي غير شي واذى ع هاي الكلبة غيرانة منج لان دائمنا اجيب سيرتج وتعجبيني فهية غارت وحبيت توگع بيناتنة ليش انتة گايللها اكو علاقة بينة لا وداعت عيونج الغاليات علية بس اگلها هية تعجبني وبس حتى لتخلي بالها اني اخذها واتلوف علية .. ضحت بستهزاء كتلة هذا مو مبرر .. مو مهم شحاجي علية وكلامها صح اوخطاء المهم انتة لليوم وبعد تحاجيها . وتحاجي غيرها .. رؤى والله بس مجرد صداقة وهية الي تدك علية من عرفتج لليوم سحبت نفسي حتى من اصدقائي بس اتضل تتصل شسويلها قابل اني هية لزكة .. لا روح روحلها لك اني الي ماستحي امداني مشيت داروح جرني حيل من ايدي .. گلي رؤى يحاجيني وعيونة بعيوني مدنج راسة واني رافعة راسي وابوعلة بغضب. رؤى اني احبج تعرفين يعني شنو احبج يمكن هاي اول مرة اكول هاي الكلمة لوحدة صدكيني عندي هواي علاقات بس بحياتي ممعشم وحدة بزواج وتاركها ولا كايل لوحدة احبج حتلى لو بالجذب ابد بس انتي اول انسانة حبيتها بحياتي ودخلت كلبي وفئادي هذا عمري كلة محبيت وحدة ولا تحلالي وحدة غيرج صفي بالج وصدكيني ماغدر بيج اغدر بروحي ماغدر بيج بس اطلب منج طلب واحد خلي ثقتج بية كبيرة حيل .. سكتت واتنهدت كتلها خلص حعبرها هل المرة بس تنسة كل صداقاتك وية البنات وحتى لويدكن طبول متجاوب. ابتسم واشر ع عيونة صار تدللين ياحبي الاول والاخير .. رئاوي بس سؤال .. امم .. عينج بعيني كتهلى وخر مناك الناس. ضحك فديت اليستحون يعني تغارين علية.. كتله ........ ماغار بس.... هيج اضوج يلة باي وركضت. ضل واكف ويضحك وشمرلي بوسة بالهوة
رجعت اتمشى للبيت رغم الكلام الي گالة بس بقيت متخوفة منة ماعرف ليش امشي وافكر شفت محل ع الطريق طبيت گلت اخذ لي شي عاد اكمل الجذبة داطب دگلي هورن انداريت هوة نزل طب وراية اني واشتري وكف يمي وكال بصوت ناصي حدديلي وكت اشوفج مرة لخ نفس المكان عندي حجي وياج مهم ولازم تعرفي محاجيتة اكتفيت اگلة اخابرك واشوف .. طلعت امشي ويمشي وياية هوة بالسيارة ع كيف امشي ويتغزل بية ضليت اضحك وداخلي اشوية ارتاحيت نوعا ما .. طبيت للبيت لگيت اختى كاعدة وصافنة گتلها هاا امي مرجعت
گالت لا بس صوتها يم بيبي ..

نهاااية البااااارت ....♡