حب لايعرف المستحيل

بااارت 22

حب لايعرف المستحيل
الباااااارت. الـ22
زهراء الطائي ..

احجي منو

لك اكو غيرها رؤى حبيبتك .. خوية لتخبلني شتحجي انتة. ويغمزلي .. لتخبلني .. لك ماخبلك شنو اكلك ضاربتها ع راسها وماكو مهزومة .. ملزمتوها .. لا شنلزمها هل الساقطة تلكيها اكيد راحت ويا وية صاحبها واحنة ليش خلينة مكان يعتب علينة ومرحنالة  ..شافني حسام انهاريت وكمت ابجي .سد الصوت .. وراح ع صفحة وحجة بصوت ناصي .. رجعت اتعس من قبل ورة شوية اجة وكال الكل يدور عليج رؤى وامج متخبلة وتكلهم متسويها بنتي وحتى تاهمين قتيبة وياج .. محاجيتة شي لان فاقدة حتى عقلي .. بس معقولة اكوهيج شي اكو هيج اذية مستغربة من الي ديصير وياية ياربي اكو هيج شي بالدنيا مثل الي ديصير وياية .. بقيت فترة واني حابسة روحي بالغرفة وماطلع منها وماحجي ولا كلمة صارت بية مثل الحالة نفسية لان المريت بي مو هين ولا سهل .. يحاول حسام يحاجيني ويطلعني من الي بي بس مفاد بقيت ع هذا وضعي خسرت كلشي .. وتبقة خنكة بداخل روحي شي اسمة قتيبة .. عرفت هنانة خلص قتيبة طلع من حياتي كلها ومالة رجعة بيها بس بقت ذاكرتة مخزونة بكلبي وعقلي وبس مجرد حلم جان الي وانتهى وعيت منة ع كابوس كبير .. ضليت فترة لا اكل ولا شرب .. لحد فديوم كمت داروح للمطبخ اشرب مي .. سمعت حسام يحجي بالفون .. الي فتهمتة يحجي وية اخوة اوواحد من اهلة .. مادري هل المرة كلت خل اسمعة شيحجي .. يكلة اكلك شلون هسة دبرني رؤى كلش فاقدة واكل مدى تاكل وحابسة روحها ومدى يفيد بيها حجي وعبالك بغير عالم فاصلة حتى ضعفت ونوم من تنام اليل كلة تتفزفز .. شلون اني خايف عليها الفلم الي دبرناه مشة عليها بس متوقعتها هيج مغفلة وتصدك بكلشي ينكال وينحجي .. وقتيبة مراح من لسانها وحتى تعبتني حيل ومدى تجاوب وياية ابد اني عمري كلة مشايف رؤى بهل الحالة وخايف عليها هواي لاتتاذى اويصير بعقهلها شي اوتموت ... اوييييلي يادنيا شكد حقيرة انتي وتفرين الانسان فر ومحد رايح بيها غير الي ع نياتة اوييييييلي شگد حقيرة هل الدنيا وكلمن يفكر بانانية حيل مضل بية اتحمل احس روحي موبس طلعت مني لا احس روحي نطعنت بخنجر مسموم .. كبل وكعت بالكاع وكعدت انتجيت ع الحايط رجلي كامن ميوكفن اطرافي ماحس بيهم احس انشليت راسي خدر وبس عيوني تباوع .. ع صوت الوكعة ماتي فز حسام ووكع الفون من ايدة .. عرفت هذا كلة خدعة وفلم مدبر من حسام باتفاق وية اهلي .. اجة قريب علية ومرعوب من حالتي كعد كبالي وكام يحرك بيدي .. ايدي رخت من الصار وادار بية والي سمعتة فوكهم .. گلي رؤى رؤى شبيج انتي تسمعيني باوعتلة بعيوني وغمضتهم .. لان شحجي شكول ماكو ولا كلمة بالدنيا تعبر عن الاحساس الي عشتة بهاي الحضة .. انتهى الكلام وتلاشت الحروف من لساني .. كبل شالني واخذني للمستشفى .. جانت عناية خاصة .. ابتعدت من حسام .. جانو مانعين علية الزيارة .. بقيت كم يوم عقلي غايب عن الوعي بس عيوني مفتحة وحالة مدهورة. .. بقيت فترة من بعدها اتحسنت .. سمحو بالزيارة .. فات عندي حسام باوعتلة من فوگ لجوة وضحكت بستهزاء ودرت راسي محاجيتة شحجي وياه .. محد مجرم غيرة استغلني واستغل ضعفي واستغل عقلي الزغير الي يصدك بكلشي .. يي يصدك لان اباوع للناس برائة مثل الطفل الي ميعرف منو ياذي ومنو يكرها بس القهرني اكثر مو حسام .. القهرني امي والف سؤال براسي هل امي تعرف بلي صار من الاول لو لاء .. هيج اني رخيصة عدهم .. ليش كل هذا ليش علمود مازوج قتيبة وحتى اخذ حسام .. بس صدك مثل ميكولون القانون لا يحمل مغفلين ههههه😢😢😭..

حاول يفهمني ويبررلي الي صار .. بقيت ع نفس وضعي رافضة الكلام .. يوم ورة يوم تغيرت وصرت غير وحدة السكوت كام يتغلب علية اكثر وعيوني وروحي لبسة ثوب الحزن .. حتى الابتسامة تلاشت عن ملامح وجهي.. رخصوني من المستشفى .. واجة حسام اخذني قررت اتخلى عن الكلام .. والعتاب والوم لان محد سوة هيج بية غير اني سويت هيج بروحي لان غبية غبية ...انداريت علية احنةو بالطريق .. هاي جانت الكلمة الوحيدة الي كلتها الة من مدة طويلة .. انتة كلتلي بيوم اني غبية 😏 وفعلا غبية اني غبية فوك متتصور .. لان عدكم اليمشي برائة ويصدك بيكم تسموه غبي .. باوعلي وعيونة دمعن ودنج راسة .. رجعت للبيت وبقيت فترة ع نفس الوضع وهوة يحاول يبررلي موقفة بس مهتميتلة .. بيوم كلت لنفسي لازم ارجع لروحي اشوية واحاول ارجع رؤى القديمة وافكر بعقلانية شوية مابقة هيج حتى اكدر اوصل لقتيبة ولو يعرف بالي صارلي ميتركني ولليوم السلسلة برگبتي .. حاولت اقوي روحي علاقتي بحسام مجرد كلمة ورد غطاها هوة هم تركني .. وكام ميلفي بلبيت تالي ليل يرجع من يرجع اقفل الباب وهوة يضل مدري شيحجي ويغني الي افتهمتة كام يشرب ونوبات يجيب بنات .. اني شعلية بي قافلة ع روحي الباب .. وصار حسام من اسقط مايكون .. ويوم عن يوم كرهي يزيد الة .. ويصبح يتوسل ويبجي جوة رجلي واني ابد حاقدة علية اريد انتقم منة واسوي اي شي حتى ااذي مثل مااذاني .. حاولت اهرب منة اكثر من مرة وارجع للعراق .. لكن للاسف يلحك بية ويلزمني .

نهاااية الباارت 😿
متابعة ممتعة 💙