حب لايعرف المستحيل

بااارت 14

حب لايعرف المستحيل
بقلم (زهراء الطائي)
الباااارت 14

سديتة منة وداخلي ابد ممرتاح بس بنفس الوقت فرحت حيل انو هاهية راح ازوج الي احبة واحلم بي بس بقة شغلة حسام شلون ... اوف يلة بسيطة اعاند واكيد امي مراح تجبرني علية .. المهم طلعت رحت داقدملهم ضيافة .. شافوني ضلو يباعون علية ويبتسمون اني هم رحت لبست فستان قصير بلاردن لونة ليموني ورفعت شعري كعكة عالية .. امي من شافتني هيج خزرتني ماعرف ليش بس لزمت گلبي.. ليكون حست ع شي او ام قتيبة كالتلها عن علاقتنة .. اووف شراح يخلصها المهم امي ضلت تسولف وتضحك وياهم بعدها راحو الجماعة .. امي اجتي علية كلتلي رؤى انتي تعرفين ابنهم .. كتلها لا ليش شكو .. باوعتلي صفح .. كالت كلبي ممرتاحلج اني .. كتلها ليش شصار. . مصار بس المرة جتي تخطبج لبنها .. يي واذى شافتني وحبت تاخذني جنة الها مابيها شي غير لان خوش بنات يجون يخطبون .. لو الة بيها انة يعني هسة شكو وحدة تخطب لبنها يعني البنية تعرف الولد مو حجي هذا .. انلصمي شلون لسان .. هاا لا مو قصدي بس انتي دتوجهيلي اتهام .. يي وشرديتي عليها .. مرديت كتلها انطونة مهلة نسال عليكم ع الولد واشاور الاهل .. يي .. يي شكللها عيب اگللها هيج كبل ابن اخوية رايدها ومخطوبتلة .. هنانة جان كلاس مي بيدي كبل وكع وانكسر .. كتلها عزا عزاا وحيل كمت اضرب ع وجهي واصيح .. كالت شبيج اتخبلتي . ي تخبلت هذا ابن اخوج ماريدة مارييييييييييييددة اكرهة اكرههههههة تعرفون شنو يعني لو جلب من الشارع مستعدة ازوجة ولا حسااااام ولا تگليلي شي اسمة حساااااااام كمت املخ بنفسي كوة سكتتني .. مخبلة مو صاحية شمسويلج الولد والله درة مال الله انتي لاكية حاصلج هيج واحد مثلة مؤدب ومرتب وحلو وهل السنة يتخرج وكلها بجفة ويمووت بحبج بجفة لج حتى جسارة تطاولين وياه ويموت بيج ..بس انتي وحدة طايحة حظ ودورين الي يكفخج والي شايفين نفسهم عليج مثل هذولة بيت ابو خالد شايفين روحهم ع الناس .. ومنعزلين عن اهل المنطقة متكبرين مو من مستوياتهم احنة .. لا موهيج يجوز عدهم ضروفهم الي تمنعهم يتخلطون بالناس او همة طبعهم هيج ميروحون لحد وبعدين همة جديدين ع اهل الولاية .. يي يي كملي وبعد دافعيلهم والله عرفت انتي مو خالية بينج وبين ابنهم اكو شي .. يامي لتخليني الطم هسة لا اعرفة ولا يعرفني بس مابيها شي اذى احد اجة دك بابي ليش شناقصني حتى متردين احد يجي يخطبني .. ضلت تباع علية والله انتي حتعبيني حيل .. هذا الحجي كاعدة بالكاع بالمطبخ وابجي وهية واكفة امي شكلها كصيرة وسمينة بيضة وعيونها سود. شعرها اسود صاحبت وجه .. كالت يعني تريدي. .. رفعت راسي عليها ماعرف بس المهم اخلص من ابن اخوج .. اجتي اختي من بعيد كالت يي امي نطيها الة وهوة مبين علية خوش ولد يودينة ويجيبنة عينة ميرفعها بوجهنا وتباوع علية بنضرة حدية .. باوعتلها نفس النضرة ودرت راسي .. امي كالت خلص اشوف ابو حسام شيكول وحسام هم .. ياربي حسام شكو تاخذين رئية شنو هوة الخلفني .. انجبي هوة حاجزج من زمان وعيب لازم احاجي واگلة متريدك .. ماعرف بس خلصيني من الزكة ..طايحة الحظ .. كمت رجعت للغرفة واشوية ارتاحيت نوعا ما .. اتصلت بقتيبة وكلتلة كال يالله بلكت هيج وتضرب ويانة عدل وضلينة نسولف اني واحاجي .. فاتتلي امي غفل بحيث ارتعبت سويت روحي احاجي صاحبتي .. كالت ويامن تلغين صارلج ساعة يلة كومي اجة .. خالج وابنة برة .. اهووو اني هذا ماريد اشوف خلقتة. لج كومي مو راح نسولف بموضوعج .. اهمشي انتي موافقة .. سكتت . لسكتين فدوة اروحلج. . لج رؤى اشو اشوفج مطيورة ع هل الزيجة گلبي ديلعب منج .. امي شيلعب طوبة هههه كفختني وكالت امشي .. رحت وياها كاعدين بالهول جانو سلمنة كال خالي اكعدي رؤى .. اباع حسام جان ضايج حيل .. كال خالي انتي براحتج منريد نضغط عليج بس ترة الولد منعرفة وحتى مندري منين .. كتلة ليش هوة مو من سامرة .. كال ماعرف اريد اتاكد اول لان هذولة عائلة كلها غموض .. خاف وراهم طلايب .. والشغلة الثانية مثل متعرفين حسام حجزج من زمان .. وكفت كلي كعدي ماطول وكفتي مراح نفهم شي واهدئي لان ادري موضوع حسام يوترج. ومن زمان اريد افتحة بس انتضر حسام يتخرج ونحجي .. بنتي حسام يحبج وصدكي مراح تلكين واحد مثل حسام خاصة بهذا وكتنة .. كتلة لا خالي انتو ع العين وع الراس وكرامتكم محفوظة بس ابنك اني ماداني وماطيقة مع كامل احترامي الة. بس حاسبتة كاخ او كصديق لا اكثر ولااقل شي صعب علية وهوة هواي يضغط علية وع اعصابي يمكن ملحتة الزايدة خلتني انفرة اكثر كام حسام كال هذا موحجي اني ماتخلى عنها لو يكون اخر يوم بعمري .. واجة قريب علية وهددني وهوة ياشر باصبعة. زواج مراح يصير بدال مطلعين بثوب العرس راح تطلعين بجفن ابيض خليها بالج .. متكدر .. اكدر .. هه ضحكت باستهزاء هذا غير حب لعد الي تكتل الي تحبة .. موشرط اكتلج الج يجوز طلقة براس قتيبة وتنتهي القصة .. انجب .. باوعلي نضرة غريبة ممفهومة وطلع

نهاية الباااااارت 🌻🍂