حب لايعرف المستحيل
بقلم زهراء الطائي🍁
البااااااارت الخامس 5
راحلها .. وهاي البنية الي جاية تدرس دغتني وكالت هذا معجب بيج وتغمز .. نداريت عليها وقاطبة حاجبي كتلها اعرفة يعرفني .. گالت لا بس واضح من نضرتة الج .. درت وجهي عنها وكلت اووف شجابني هنا .. ورة فترة وجتي اختة وواضح عليها علامات الغضب والنفرزة .. كالت اسفة بنات ع الموقف الي صار واني اعتذر منج رؤى وحسبي مصار شي .. كتلها لا عادي وابتسمت الها وداخلي يگلي ليش هيج حجة وكل الجرئة هاي وياية ولا سبق وان حجينة ومرة وحدة شفتة وشافني وع السريع مجرد صدفة .. المهم درستنة واني بالي يودي ويجيب وموكلش ركزت ضلت البنية تدرس مال محاضرتين واني وحدة لان هية بيتهم بعيد .. طبعا اخذت رقمي واخذت رقمها وخزنتا . سلمت وطلعت..
فتحت الباب بطلعتي ماعرف اشلون وبسرعة احس انجريت من ايدي اهانة ردت اعيط جان يگلي اششش بس حجاية وروحي .. كلتلى هدني وخر ايدك متستحي انتة واشر باصبعي كتلى اشايف مني وهيج تسوي ترة والله الم عليك الناس واهلي اني بنت ناس ومترباية عدل مو من هذن الموزينات . وشنو هل السخافة والجرئة .. هد ايدي وگال اني اسف مو قصدي بس دافهمج واسمعيني لان والله هيج مالحك ع لسانج اصبري كتلى ماصبر كال خوش لعد مرة ثانية مو ضل عينج دور ع بابنة كل متفوتين لو تباعين من ورة الباب وابتسم وسوة حركة بوجها وعمزة سريعة . اني هنانة رجلية بعد ميحملوني ماعرف شلون وصلت للبيت وطبيت امي تحاجيني ماعرف ولا اذكر شلون حاجيتها گعدت بغرفتي وصافنة عزة بعينج رؤى هذا ديراقبج وضليت اصفك بوجهي .. امي دخلت كالت رؤى شبيج اليوم مو ع بعضج من رجعتي من المحاضرة كتلها ها لا ماكو شي بس اشوية دخت لان المادة ممتصورتها هيج كالت يي حتى تعرفين روحج شگد هاملة .. يي .. طلعت امي ولليل الفون بعد يمي ع نفس الوضعية جان يدك كمت اباع مكتوب ست رغد گلت يجوز علمود المحاضرة جاوبتها ..
كلت الو.. جان يجاوبني صوت خشن صوت رجال .. كال الوو هلاوو رؤى شلونج ههههه مو بلزوم تگليلي اسمج عرفتة بعد ع فكرة اسمج هادئ عكسج لا ارادين سديت الخط بوجها وهنانة متت متت من الرعب هذة شيريد مني ياربي كمت الطم ع وجهي عزة بيومج رؤى هاذة من هذولة الي ضحكون ع البنات لو عصابة اني لازم اكول لهلي عليه طلعت داروح بعدين رجعت گلت لا هسة اذى حاجوه يكوم يشمر بلاوي ع راسي الي مثل هذة ميستحي بس اني مانطي مجال هوة هسة يبعد .. كمت باب البيت ماوصل الها امي حست اكو شي لان وضعي تغير سكنت الغرفة بس تحججت بالامتحانات واني بالفعل حاولت اهتم بس بالامتحانات والدراسة يومين موصلت الهم ومي تلح اروح وهية بعد متصلت يمكن عرفت وراها رحت ومخليت امي ترجع للبيت الى ان كملت بس مجان احد موجود بديت ارتاح شوية .. بدت الامتحانات كمت ماباع ع اي باب وامشي سريع من اوصل يم بابهم الحمدلله عديت كم يوم ع خير محد زعجني .. بس مرة من المرات طلعت من الامتحان من وكت والخط اتاخر اشوية ونحركنة بالشمس رحت لبو كشك جان يبيع شغلات اني وبنات ويانة هوة مسافة عن المدرسة طبو يشترون ماشوف الة سيارة يمي واحد يصيحني التفتت باوعت هوة ضليت مصدومة نزل بحجة ديشتري حتى البنات ميحسون كال اني اسف ع كلشي بدر مني واني اعتذر منج وسببتلج قلق وخوف بس صدكيني مو قصدي شي بس اعتقدتج من هذن البنات المنفتحات وللمرة الثانية اني اتسف منج وصدكيني مراح اتعرضلج مرة لخ وتكدرين تدرسين يم اختي ومراح تشوفين وجهي اني جاي بس اكلج هل الكلمتين وماشي نداريت علية وانتة شمعرفك اني هنانة انتة تراقبني كال لا بس شفتج هسة اني وماشي منا .. راح واني بقيت صافنة وعرفت انو جان يراقبني كلماتة عود دتريحني من الخوف بس اني القلق بدة يسيطر علية مرة لخ .. المهم مشت الايام ومتعرض الي ابد ولا شفتة حتى صدفة وبدت العطلة بديت ارتاح وبديت اضوج ليش ماعرف رجع حسام الزكة بالعطلة كل شوية ينطلي مثل الشبح .. مرة رحنة اني وامي للسوك جنت لابسة تنورة قصيرة جوة الركبة وبدي نص ردن وشعري لامتة عالي .. وكفنة يم ابو محل ماشوف الة صار وجهي بوجها امي جانت ملتهية تشتري شفتة ابتسملي انتبهت جانت عندة غمازات (رصعات) اني دنجت راسي مدري ششترى وطلع فات من يمي وجان حاط عطر وعطرة يمشي ورى وكاشخ اخر كشخة هوة وعضلاتة وطولة شي يرهب . بديت ارتبك ماعرف شيصيرلي من اشوفة
كمت ابتسم بيني وبين روحي .
أنت تقرأ
حب لايعرف المستحيل
Romanceقصة حقيقية جميع الاحداث حقيقية . تتبعها طريقة الحبكة والسرد قصة بنت عراقية احبت شخص بجنون لكن ضغوط الاهل ورفضهم له ادى بيها الى مشاكل عدة . ورغم محاولات التفريق بينهم لم يتمكنو من اجبارها ع ابن خالها .. لكن السؤل ماذا سيحدث لها ولحبيبها هل سيبقى...
