حب لايعرف المستحيل

باارت ..6

حب لايعرف المستحيل
بقلم ــ( زهراء الطائي )
مسائكم ورد جوري 🌹🌹
الباااااارت السادس 6....

لليل اجوي بيت خالي يمنة يتعللون وبين السوالف والضحك فرحت هل المرة الزكة مو وياهم طالع مادري وين مولي .. امي كالت لخالي .. اكلك عيني ابو حسام . كلها كولي . كالت باجر هذة ابن جيرانة بيت ابو خالد .. يي شبيهم. كلت لبنهم قتيبة هذا الولد ابو السيارة السودة ع الحديقة مالتنة .. يي .. يي موذاك اليوم جاب واحد اشلون سوالهم تصميم يخبل يي .. يي ياخوية واتفقت ويا ايجيب الجابة الهم وباجر يجيبة يمكن موجود انتة مو .. يي موجود سهلة ام رؤى .. يي ياخوية تعرف اني مرة مومال اطبب ولد للبيت لازم احد موجود .. بسيطة ام حسين اني حاضر .. تسلم ياعيوني متقصر والله .. لتكواين هيج واجبي هذا .. مرت خالي حجت .. كالت اكلج ايمان هذولة بيت ابو خالد شكم نفر شو محد يبين منهم ولا احد يطلع بس هذا ابنهم واسمة قتيبة لعد خالد منو .. واللة يا عيني الموجودين والعرفتة عنهم عايشين بي امهم وابوهم بس ابوهم ع طول مسافر يروح ويرجع بين عراق وبين اردن وابنهم خالد مزوج وعايش بعمان وعدهم بنات ثنين وحدة هنانة الي درس البنات والثانية مزوجة ابن عمها وباقية بسامرة .. ياا ليش همة سوامرة .. والله ياعيني ماعرف ممتاكدة بس هذا حجي ام ستار .. يي ام ستار كلشي تعرف بعد هية وكالت ناسا .. يي لعد شعجب اجوي هنانة .. حسب كلام ام ستار تكول طلابة وية گرايبهم وجايين بس صدك جذب محد يعرف همة اشوية غامضين .. وكوة ام ستار طلعت منهم بشكم سالفة وتفتر بيهن ع نسوان الولاية .. الكل ضحك هههههههه.. خالي كال عفية ام ستار احفادها بطولها ومتبطل هل السوالف .. ام ستار مرة جبيرة مجاورتنة الها سنين وهاي من وعيت ع الدنيا وام ستار عادتها الفضول وبث ونقل الاخبار فرش للعالم بس هية من النوع الضحوكية بشكل ودمها عسل ..راحو بيت خالي كمنة لملمنة الهوسة ونضفنة وكلمن لغرفتة نام طبيت للغرفة مددت ع فراشي حاولت انام انام مدى اكدر بالي وافكاري تاخذني واسرح بابتسامة قتيبةوابتسم و ارجع اذكر شلون جرني وحجة وياية وارجع انكلب واذكر من يتأسف مني .. تالي كمت كعدت وكفت ع حيلي ومشيت اباوع من الشباج جانت السمة واضحة والنجوم معبيتها وكمرية موجودة والاجواء فدشي من الخيال وجريت حسرة ونفس عميق.. وكل شوية يتراوالي شكلة والابتسامة وافز ع صوتة يرن ع مسامعي بسس بسس .. واكوم اضحك ع روحي .. واكول لروحي رؤى شبيج اليوم وتالي اوووف ياربي هذا اكيد شيطان واجاني ع هية بشر .. بس اكيد هذا من هذولة اللعوبيين ويتسلون بالبنات .. حطيت ايدي ع وجهي وفركت وجهي اصحي رؤى اصحي. اوف منج يامي عفتي الكل رحتي علية .. كمت احجي وية روحي .رؤى لتخلي يلعب بمشاعرج بكلام معسول وتالي يغدر بيج ويعوفج .. رجعت حاولت انام لا كن عبث ولا نمت ولا غمضلي جفن لوجه الصبح يلة نمت نمت ومحسيت ع روحي الة للضهر وصوت هوسة من برة كمت فازة بعدين اذكرت كلت اووه .. وكفت رحت صوب الباب وجان شكلي تحفة شعري مكفش وملابسي مخربطة بجامة وحدة صاعدة وحدة نازلة فتحت الباب اسم باوعت محد اكو جان كبال غرفتي حمام غسالة بء مسافة بعيدة ويم الحمام باب جام كبيرة كلش مال حديقة ومناك مطبخ .. رجعت باوعت شفت اختي يم الغسالة كلت يبووو هاي متبطل هل العادة الماصخة طلعت اشرت الها كتلها هيي هيوو كالت هاا شكو .. كتلهة شكو راسج باوعتلي صفح كتلها عادي اطلع كالت مطلعين احد لازمج كتلها مو ديشتغلون كالت لا بعيد وخالج يمهم و خوما انضل ننحبس جوة انريد نكمل شغلنة احنة هم .. كتلها يي لا الشغل خطية متلحكين عليه يادوبج سلمين وجبات الناس .. دتريد تحجي كتلها بسسسس سؤال ولتزعلين بربج هاي هية كل طموحاتج .. خنزرت علية وكالت هاي الطموحات احسن من طموحاتج انتي والفارس الابيض مدري اليث الابيض .. سكتتني ومشت بنت ال بنت ال اوفف اسغفر الله ... طلعت رحت غسلت وبعدة شعري مكفش داروح باوعت من بعيد مدري شيسون وهوة واكف وياهم ع صفحة لا بس برمودة اسود وبدي ماروني كيمونة مو تعلاكة وهوة ضعيف وطويل كلش . من اشوفة مادري شيصير بية لليوم ماعرف شنو هل الاحساس شي محاستة قبل . ابتسمت لا اراديا .ورحت للمطبخ داسويلي شي اكلة امي اجتي كالت يلة خلصو شغلكم واحتياجاتكم انتي وختج والكل جوة عيب منا ولد غربة لضلن رايحات جايت .. يي صار .. شلت كوب جاي ولفة .. وداطلع طبعا اني وهوستي نفسها .. طلعت من المطبخ بطلعتي هوة هم طلع من يم الحديقة طار وجه بوجه الكل جان ملتهي .. ضل صافن بوجهي واني هم ماعرف شصار بية بقيت جامدة بمكاني ولا تحركت هوة طويل حيل واني يمة قصيرة بتسم بوجهي اني من يبتسم ماعرف شيصيرلي ضليت صافنة بوجها .. بعدين التفت يمنة يسرى جان يگلي اكو احد گلج انو هل العيون مينمل منها لو اضل العمر كلة اباوع بيها ماشبع .. فتحت عيوني ونصمدت من كلماتة اول مرة بحياتي احد هيج يحجي وياية وبكل ثقة ..

نهااااية الباااارت ........!!
اتمنى ينال رضاكم 🌝🌼