حب لايعرف المستحيل
بقلم زهراء الطائي .
الباااااارت الثالث .............☆
... انداريت .. اباع هذا حسام .. كمت وكفت .. جان يكول هلاوو رئاوي شلونج .. مجاوبت جان يكول شدسوون جان كتلولي العب وياكم .. باوعت علية وبغضب كتلة لا والله .. وقلدت علية هيج حركة بوجهي كتلة تان كتولي ااب وياكم .. اباع علية اشو هذا كام يبتسم مدري يضخك .. كتلة من امداك اي والله .. جان يكولي لج ليش هاي شمسويلج .. كتلة كبر حتى كبر .. لان من صدك ماطيقة وماهضمة ليش مادري ..كلي مو اجي اجرج من شعرج .. باوعتلة صفح ومجاوبتة لان ادري بي اذى اجاوبة يكيف واني ماريد اخذ وانطي ويا لان سخيف شسويلة كتلة لحسين يلة كوم حسون نطب جوة بالحديقة .. جان حسين يكلة انتة شدتحس دروح من وراك جان غلبتها رحنة دنطب جوة جان يكلي رؤى والله بس احاجيج وروحي
كتلة مابيناتنة حجي
كلي دقيقة وروحي وراها .. بس سؤال
احجي اسمعك ..
كلي انتي ليش ابد مطيقيني وتكرهيني لهدرجة
باوعت علية كتلة هاا. لاماكرهك ..
بس انتة لزگة واني اضوج من شخص يلح
جان يكول يعني انتي متحبيني ..
باوعتلة هذة شحاجي كتلة انتة متفهم اعتقد احساسي واضح من ناحيتك وبعدين انتة متستحي جاي وتحجي وياية بهيج موضوع اني بعدني صغيرة ع هل السوالف واذى متتركني بحالي لا اكول لخالي عليك وامي هم روح جان ستحيت ..
عفتة وطبيت جوة فاير دمي حسون يصيح من جوة بالحديقة .. جان بيتنة اولة طرمة وورة البيت اتصير حديقة كبيرة بيتنة كبير نوعا ما بي ٣ غرف امي غرفة واني وحسون غرفة واختي غرفة لان هية مدري شلونها وعازلة من العالم بس ..
غديت دم كلمى اشوفة ينرفزني تلكتني امي بالهول كاعدة .. كلتلي خيرج وجهج يريد يطك .. كتلها من ابن اخوج .. جان اتكول شبي هم تعاركتو .. انتو وتالي وياكم باجر لو تزوجتو شحصخمون ... باوعتلها بشهگة كتلها شنو ازوجنى هوة اني من شنو جايتج دمي يفور
كتلهى خلصصص .. وبعياط واني وامشي رايحة لغرفتي .. انتو حتمووووتوني الة انتحر واخلص منكم .. ضليت ارطن وادردم شراح يفضها هاي ...
نمت من البجي والرجيف كعدت الصبح جانت عطلة محاجيت احد جانو كاعدين فتت للحمام جانت اختي هم دتغسل هدوم .. باوعتلها وعيوني مورمة وشعري مكفش وفريت بايدي وامي ليغاد مني كتلها لخاطر ربج شنو انتي مخلفة واحنة مندري بيج جان اكو طشت بالكاع دفرتة وفتت والهدوم كامت تتناثر من من كل صوب هوة منضر مضحك حيل بس اني قافلات عندي اباع امي كامت تضحك محاجيتها زعلانة عليهم من ازعل من واحد ماحاجي الكل دافوت توني جان هية هم دتفوت كتلها وين جان تكول الطاسة كمت انوب مخليت شي بالحمام مركعتة الها وااطاسة شمرتها كامت تطلع حس هههههه كتلها ها بعد شتريدين حجية انزعلج الشسمة هم .. اسمعها تطنطن عفتها كلت خطية هية شعليها .. غسلت وطلعت امي كلتلي اتريكي ريوكج جاهز محاجيتها گالت اهوو هاي يومية كتلة ايي يومية ماطول هاي السالفة ابالكم الة تركوها يلة كالت يلة عيني منا لوكتها ميت عمامة مكلوبة كتلها خوش لعد سكتي حسام جان اتكول والله ميخالف اليوم احاجي ابوه .. كتلها خوش .. بداخلي اعرف حتى لو تحاجي ميت مرة ميفيد اني مغثني هوة بكد ماهمة هم مئيدي صالحتني عود وادري كلة تقشمر وهل الموضوع مامنة مفر .. اكلت ورحت ادرس احسن شي ... ثاني يوم بيت خالي عزمونة ع غدة يمهم سمج .. وخالتي هم جاية هية وجهالها اثنين ولد صغار من عمر حسين واحد واحد اكبر بشوية .. ديطلعون يروحون .. امي كالت يلة كتلها ماروح كالت ليش كتلها تعرفين ليش كالت مو خالتج هناك كتلها عود ادز عليها وهية تعرف الموضوع وراح تجي .. كالت بلة سخافة اليوم احاجيهم ايبطل منج كتلها يي احجي بس ماروح المهم منامنا كالت كعدي يم بيبيتج بعد محد يكدر يتقربلج .. كتلها خوش رحت وياهم حتى مبدلت هوة حايط ع حايط بيبي جانت تحبني حيل غير شكل من الباقين وع طول تكلي حجي ماعرف معناه تگلي من يوم جيتي للدنيا لليوم من اشوفج گلبي ينعصر عليج حيل واحس روحي تنكمش ليش مادري واضل مقهورة عليج .. ماعرف كلامها ع طول يخوفني .. بس مادير بالي اگول حجي عجايز هذا .. وكلشي مقدر ومكتوب ...
رحنة يمهم طبينة الكل موجود فاتو اهلي بلهول فتت وراهم شفت الزگة كاعد كمت رحت للمطبخ بحجة اساعدهم ديريد يگوم جان امي تصيحلة .. يي همزين خلصت رحت ساعدتهم وكملنة تحضير والتمو الكل كلت اهووو هم راح اكعد وهذا الزگة يكعد ضليت مترددة امي صاحتني كالت تعاي وغمزتلي كافي لتضلين تتنعوصين حجيت وياهم بعد ميتعرضلج بشي كعدت وكملنة وكمت الملم وياهم ارتاحيت اشوية ماجة وراية ولا جعبلي هل المرة بس يكفي نضراتة وجودة يزعجني حيل المهم ميدوسلي ع طرف بعد شريد منة .. الكل التهة سوالف وضحك اني سحبت نفسي حسيتة ديحوص كلت خل اطفر احسن الي .. تعذرت منهم بحجة عندي امتحان وعدل للبيت .. بداخلي اضحك اكول خوش اليوم نفرك فركة حيل عساك ... طلعت من بيتهم وجانت
اكو سيارة مقابيلهم بالبيت الگبالنة دينزلون غراض
أنت تقرأ
حب لايعرف المستحيل
Romanceقصة حقيقية جميع الاحداث حقيقية . تتبعها طريقة الحبكة والسرد قصة بنت عراقية احبت شخص بجنون لكن ضغوط الاهل ورفضهم له ادى بيها الى مشاكل عدة . ورغم محاولات التفريق بينهم لم يتمكنو من اجبارها ع ابن خالها .. لكن السؤل ماذا سيحدث لها ولحبيبها هل سيبقى...
