حب لايعرف المستحيل

بااارت 21

حب لايعرف المستحيل
(زهراء الطائي)📝
البااارت الـ 21
مساء الحب والرمانسية

لحد هسة ماعرف الديصير وياية شنو وحتى حجي ماكدر احجي احس لساني ثگيل ومثل الجسمي خدران .. طبينة جوة وحجز غرفة بفندق هذا كلة مر علية مثل الطيف .. حلم .. محسيت ع روحي الة واني بالفراش فتحت عيوني اباع اني وين كمت مثل المفزوعة اباع حسام كاعد ع بعد مسافة مني .. كلتلة اني وين وليش هنانة وانتة ليش يمي .. كام كعد يمي ويبتسم .. كال اول شي اهدي .. وثاني شي انتي شنو نسيتي الصار وياج .. كلتلة لا بس انتة ليش يمي بالغرفة وانتة كلت اهزمج .. يي رؤى واذى  اني يمج بالغرفة انتي صرتي مرتي .. كمت وكفت وطبعا جسمي مكسر. كتلة لك مرتك شنوو .. كال رؤى اصحي البارحة كتلة اششششش اسكت ولزمت راسي احس دخت وجسمي كام يرجف وتشنجت اعصابي .. كعدت وكمت ابجي هسة يلة وعيت ع الديصير .. حاولت اقوي روحي المهم اطلع من المصيبة .. كلتلة المهم تطلعني من الورطة وتهزمني .. كال لتخافين حبيبتي وديريد يقترب مني و يبوسني .. كمت من يمة وجانت اكو سجينة بماعون فاكهة .. كلتلة تبتعد عني لو اكتلك .. ضحك وكال يي تسويها لان صرتي خبرة وعندج سوابق .. كلتلة انجب الصم .. لهناك مثل الي اذكرت فدشي كمت ادك ولطم عزة يعني انتة اقتربت مني اني ونايمة وكل الي صار بية من الحباية الي نطيتنياها .. كمت اعيط والطم واملخ روحي .. اجة كال اهدي وافهمي والله مسويتلج شي رؤى والله العضيم ملمستج ماريد هذة الشي اخذة منج بالغصب .. وكلشي يصير برضاتج .. حتى باعي بعدج ع ملابسج مال البارحة .. بس انتي تعبتي ونمتي والحباية الي انطيتها الج  مهدء لان حالتج صعبة وداخلة حالة هستريا جنتي .. هذا كلة واني لازمة السجين بايدي من بعيد اياشر بيدة اهدي اهدي حبيبي .. ماذيج والله .. اعصابي تلفت حيل حيل تعبت .. كعدت واعصابي كلها تنتفض .. ديريد ينطيني مي من بعيد اشوية شوية اقترب كال شربي واهدي وكلشي ينحل .. شربت المي وكمت داريد اغسل .. كتلة وين الجنطة الي حطيت بيها الغراض الي .. اشرلي عليها .. فتحتها .. وبقيت صافنة كل الي احتاجة جايبة من ملابس وحتى ملابس داخلية كانو يندلهم ويعرف الي حيصير ومحضرهم ومرتبهم وحتى ملابس طلعة حاط ..واكو ملابس جديدة هم اني استغربت حيل بس بعدني فكري وراسي مشوش وطايش ماحس بشي مومال احجي هواي ماعرف الي ديصيرلي .. كلتلة حسام انتة شلون عرفت ملابسي وشحتاج .. كال سهلة رحت غرفتج وطلعتهن .. ضليت صافنة بوجها بس احس روحي بعدني مو طبيعية .. رحت للحمام وفتحت الدوش وكعدت جوة المي فوك النص ساعة واني محاسة بشي .. اجاني صوت من برة يصيح .. رؤى ويدك الباب اهنانة اشوية وعيت ع روحي كال تاخرتي خوما صارلج شي .. مجاوبتة كملت وطلعت .. لكيتة واكف يم الباب كال هاا شبيج محاجيتة .. ...... سكوت دام لحضات .. جان يكول يلة كومي .. وين .. نروح للمحكمة ونصدق العقد ونطلع نسافر .. لك يامحكمة هاي الي نروحلها هسة انلزم  لا متنلزمين  لتخافين رتبت وية محامي يصدقة النة ونطلع لان حنسافر لو  ع يو ان لو قجق . تهريب . .. لك يايو ان هاي سالفة طول لا مطول رؤى كلشي بالفلوس يمشي .. اني هنانة بعدني مدى استوعب الي ديصير بس احس اكو شي دينطبخ من جواية . بس جان بالي يم مرة خالي وشلون كتلتها مبالي شي غير هل السالفة حتى قتيبة هنانة مفكرت بي . المهم وين مياخذني اني وياه مثل الطلي  كمل كلشي ورجعنة لنفس الفندق .. كلتلة اني هيج حلزم .. كال ياعيني بس لتخافين .. وماكوشي .. زين ليش محد اتصل عليك .. شيتصلون واني غالق الفون .. لك ليش .. شنو ليش رؤى اذى افتح الخط يبين بعدني بالعراق وانلكف .. زين شلون اريد اعرف ماتت لا .. شبيج رؤى لعد احنة شنسوي هنانة غير المرة ماتت .. انتة شوممهتم .ولا كانو هاي الي دارتك غير نذل وحقير انتة. .. رؤى شبيج اتصدكين حبي لج فاق كل الحدود حتى اني ماعرف شداسوي بروحي .. انتة مخبل .. وانتي غبية .. ويضحك  انجب ..
طبينة للفندق .. اباع علية طلع من العلاكة فون جديد وخط وحطهم وكلسى يتصل ع مدري منو ويتفق بس اني بالي مويمة ابد سارحة بلي سويتة والي داسوي بروحي ضايعة ماعرف ليون حوصل .. كلسى يطلع ويطب ومدري شيحجي .. عفتة ونمت اريد انام بلكي انسى همومي .. ورة يومين طلعنة من الفندق واخذني وطلعنة  للنمسا من بعد بهذال مصاير وصلنة بلقدرة بس بسرعة  .. بس بقيت مستغربة من شغلة معقولة بهل السرعة يرتب امورة وياية لا الة اذة هوة مرتبها من زمان .. بعدين كلت لا يجوز واسطة وفلوس كلشي يمشي بهل البلد .. بعدة عقلي مخدر .. وصلنة واستقبلنة هناك واحد هوة عرفة وسلم علية .. واخذنة لبناية بيها شقق وصلنة لباب الشقة دخلنة احنة والرجال راح .. هذا الحجي اني بس اباوع وساكتة .. طبعا مقبلت نبقة بغرفة وحدة كلمن بغرفة حسام اتقبل هل الشي .. مرت ايام .. وكلتلة اتصل بيهم .. كال خوش. كلتلة افتح خط .. كام مدري شيكتب وراها اتصل .. ع اخوه .. ابن خالي اخوحسام . كلة حسام وينك بالنة يمك وو .. هذا اختنك هوة ويحجي. . كلة حسام شكو. كلة امي ماتت .. وهاي الساقطة الكاتلتها ومهزومة .. لك منو ..

نهاية البارت...