اتاني يوم في الجامعه مهند شافني مضايقة من جيت سالني كلمتو قال لي وصفي لي بيوت اخواتك امشي اادب رجال اخواتك ديل قعدنا نضحك انتهي اليوم في الجامعة انا ومهند اتفارقنا للموصلات وصلت البيت ليقيت امي راجياني مشينا لاختي لقينا صحي وشها مورم من شافتنا قعدت تبكي امي وانا واسينها امي مشت علي ناس خاله بيقادي واتكلمت مع نسيبتة شبت حمات اختي قالت لي امي بتك زاتة لسانة طويل كل كلمة والتانية بترد امي قالت ليها انا ماوجهة ليك الكلام سالته امك النسيبة قالت لي امي وكت ماعرفتي تربيهن ماتعرسي ليهم بتك تستاهل السواهو ولدي فيها امي قالت ليها انا بتي بسوقة معاي وكت كلكم قالبين عليها قالت لي امي بتك اليوم كلو محشورة في اوضتا وكت تخدم معانا تنقنق ودايره ولدي يفرز مني قايلة روحة بت النفيدي امي قالت لي اختي شيلي ولدك وارحكي معاي انا قلت لي امي انتي دايرة تخربي عليها بيتا وتمشي وتاني تجيبوها راجعة دي زلة اختي قالت لي امي يمة انا عارفهم وعارفة نسيبتي وحماتي بيعملو كدا لي وراجلي بعد مد يدو علي حنين وجا اعتزر لي اختي عبير كانت شاطرة بس الحب ماريحا حب قريبنا وهو زول سوق شغال في دكان بتاع ملابس امي قالت ليها تاني ماتقلقيني وكت عاوزه تقعدي في النكد دا رجعنا ابوي سالنا مشينا ليها لي امي قالت ليهو وليدا محموم مشينا نشوفو امي قالت لي اخواتك ديل لو ماكتلوني مابيرتاحن ابوي الصباح مشي الشغل وانا مشيت الجامعة بعد المحاضرات مهند قال لي ارح معاي السوق قلت ليهو السوق عندك فيهو شنو قال لي عاوز اشتري هدية لي حبيبتي وعاوزك تساعديني هي زعلانة مني ليها كم يوم قلت ليهو انتى لو سالتك نهاية الحب دا شنو قال لي انا زاتي ماعارف قال لي خلي امي يجيه خبر بعلاقتي امي الله يديها العافية قبل الجامعة ما ادخل محزراني من البنات ومايغشوك قلتة ليهو كلاما صاح قال لي اسي كل يوم عاوزا تعرف علاقتي بيك شنو وانا وريتا علاقة صداقة وخوة بس هي مصرة اني ابعد من الصداقة زاتة 😂قلت ليهو اضحك سمح انا غايتو بفتنك مع امك في اول فرصة القيها فيها مشيت معاهو اشتري ليها شنطة جميلة رجعتا بيتنا لقيت امي وابوي ماشين بيت بيكا لمن جو راجعين امي قالت لي تعالي ياجيهان سلمي علي عمتك بت عم ابوك بره في العربية لبست توب مشيت اسلم لقيت معاها ولد شاب سايق قلتة ليهم اتفضلو قالت لي مره تانية مستعجلين المهم فاتو امي قالت لي كانو في بيت البكى وقالو لينا نوصلكم ولد دا مغترب في السعودية قالت لي جا عاوزا تعرس ليهو قعدتة اغسل في هدوم البيت قلت ليها البلد ملانة بنات بيلقي ليهو بت حلال بالليل ابوي قال لي سوقي اختك امشو اشترو ليكم طعمية اخواتك خوتن راسي قالن جيعانات اداني القروش مشينا جبنا طعمية ونحنة راجعين شايفة امجاد واقفة جمب الباب هديل اختي قالت لي دي امجاد راجل اختك قلتة ليها الله يستر وصلنا زولنا لقيناهو في خشم الباب ركب امجادو وفات دخلتة جوه لقيت ابوي خاتي يدو في راسو وبنات اختي يبكو هديل ساقتم الاوضة جوة مع اخواتي اختي تبكي قلتة ليهم في شنو قالت لي كالعادة جا داخل مرومة بتي قالت ليهو الجك دا جابو راجل لي امي اختي قالت هو الراجل الببدل بالهدوم قال لي ناوليني موية اديتو الموية هو قال لي انتي جبتيهو البيت ارح اوديك بيت ابوك يشوف وسخك وتبكي بكى ابوي قال ليها وكت بقي يشك فيك بتحرمي عليهو ابوي مرق يصلي العشا والله شلتا همو اختي عيونة محمرات قلتة ليها قومي صلي وجيت لعبتة مع بناتة ابوي بريد بنات نهال ريدة مبالغ فيها ابوي رقد في سريرو وامي واختي مشو قعدو معاهو انا سويت الشاي ومشيت عليهم نحنة بنشربو بعد المغرب بس جيت اختي لخمتنا منو ابوي قال ليها تاني ماترجعي ليهو قالت لي ابوي لو مارجعتة مابيصرف علي بناتو قلتة ليها هي البلد سايبة مافيها قانون يصرف وكراعو فوق رقبتو انا واختي طلعنا سراير الاوضة رقدنا وكت اصبحت الواطة دخلنا السراير ومشيت علي جامعتي مهند قال لي الليلة مالك عيونك مورمات قلتة ليهو ساهرتا مع اختي نهال امس جات زعلانه من راجلا وهو قال لي امبارح نحن برضو عندنا دراما اختي جاها عريس وامي قالت مامتعلم والله زول كويس وعندو محلات وسهام اختي كبرت الحاجة دي بتتصرف معاها كدا لي ماعارف ضربت للمعز قلتة ليهو الحاجة دي عاملة حظر علي سهام ماعرفنا زاتو مشكلتا شنو المعز قال لي بجي بعد اسبوعين طبعن امي بتريد المعز شديد والمشكلة انو مطاوع امي شديد في الاول كانت حياتنا صعبة وخالي ماسكنا بعد المعز اتخرج خالي قال لازم يسوقو انجلترا وهناك المعز اشتغل طوالي وبقي معروف وصلح بيتنا واشتري قطعت ارض بناها واسي مقفولة واختي كمان بقت مهندسة وضعها كويس بس امي اي زول يتقدم عندها فيهو راي وسهام زاتا طايعة امي طاعة عمياء قلت ليها ماعندك شخصية اختاري شريك حياتك والمعز كل مايجي بت فلان وبت علتكان غايتو كل اجازة بيمشي خالي الوفاض لما رجعتا لقيت راجل اختي قاعد ومعاهو اخو الكبير وابوي في العريشة معاهم واصواتم عالية وراجل اختي يبكي ويتاسف وانو سافي التراب اختي هديل قالت لي راجل اختك دا اهبل شي وبقينا نضحك عليو نهال اختي قالت لينا خلو عندكم ادب واحترموني هديل بتاعت نكت ومسخة قالت لي نهال والله يجيني راجل يعز ويبكي كدي مابعرسو عديم الشخصية شالت شبشبا وخبطتا بيها قالت ليها يافصعونة الله يورينا زمنك😂😂
يتبع....
