مشينا وصلنه زولة مهند وكان مدثر وهديل اخر انبساط وكمان جايبين عشاء لي ناس بيتنا قلتة ليها وكت جابين عشاء لزوم شنو الاحراج قدام مهند وحبيبتو قالت هو جابو لينا انا ماشحدتو وبعدين زيادة الخير خيرين وتضحك ما قلتة ليكم قلبا ميت لقينا نهال مساهرة مع التلفزيون ابوي صحى بينا هديل قالت يابوي اديك تتعشا جبنا معانا عشاء قال ليها عشاء شنو نص الليل نهال قالت ليها نحنو هنا ورينا جبتو شنو اصلي جيعانة من قبيل اكلتة لي عجورة عيش زاتو مافي شافت الفراخ والسمك والباسطة غير عشاء العرس قالت يابنت هوي دا شنو هديل كلمتة انا غيرتة وجيت لقطتة معاها من الفراخ قالت لي هديل الليلة مرت عمي يجيها خبر ولدا جاب عشا لينا غايتو تقلب علينا قلبت عدوكم هديل قالت ليها منكم نتعلم انا بعرف كيف امشي خطيبي علي كيفي قلتة ليهو ماتعرف امك انك سقتني مكان الامهات بيكونو حساسات قال لي انا اكلم امي بحاجة تخصني انتهت من كلامة رقدنا نمنا صحينا الصباح قمنا علي اشغالنا لي الضهر هديل قالت لي انتى مش ح تمشي العرس قلتة ليها ماعارفة وماعندي حاجة امشي بيها قالت لي ارح السوق انا بشتري ليك مدثر امبارح اداني قروش قلتة ليها انتي دايرة شنو كلو شي جايبو ليك قالت لي عاوزا اتسوق انتي مالك كلمنا امي قالت ماشين ياتو سوق هديل قالت ليها سعد قشرة انا قلتة ليها سعد قشرة يابت بعيد من الخرطوم نمشي لي بحري وبعدين غالي قالت لي الغالي بغلاتو حاجاتو سمحة ماشة معاي ولا اخلي المشي قلتة لي نهال اختي اختك دي عولايق عشان عاوزا تشتري لي شايفة روحة علي طلعنا ومشينا انا في الحافلة ضرب المعز رديت قال لي انتى لو ما اتصلتة مابتضربي قلتة ليهو كيفك قال لي ماتمام سالتو في شنو قال لي عاوز الاقيك قلتة ليهو ماعندي طريقة اسي راكبة الموصلات ماشة السوق مع اختي قال لي امبارح امي زعلت مني قالت لي كيف تمشي المستشفي تخلي خطيبتك كان موضوع كدي خليني لمن الاقيك قلتة ليهو خلاص انا زاتي ما سامعة قفلتة وصلنا السوق ماخلينا دكان مادخلنهو اشترت لي فستان وطرحة واكسسوارات وارواج المهم لقطنا ومرقنا واهم شي عندها الكريمات ابوي الله يديهو العافية من نحنة صغار بجيب لينا مثلا تفاحة يقول اتقاسموها يجيب قصبة يقول اتقاسموها يوم امي قالت ليهو اسي اي شي تجيبو حبيبة حبيبه مالك قال ليها عشان وكت يكبرن كلو واحدة تساعد اختا ويتقاسمن القمة والهدمة وفعلن هديل مادست قروشة ولا لمن ادوها العشاء في بيت العرس جابتو من فراغ ولاجوع عشان بنفكر في غيرنا قبال نفسنا اشترينا شندوتشات وعصير ولمن جينا اشترت الحلاوة والفول والتسالي للشفع وصلنا البيت مع المغرب حمنا حوامة جد استحمينا واتنضفنا واتمسحنا من الكريمات الاشترينهم وشربنا شاي المغرب والشفع نامو وبقينا نتونس كلنا وابوي راقد بعيد يسمع في لعلعت هديل ومحاكات المشي وابوي يضحك ويديها نهرا ماتعلي حسك وامي و نهال يموتن بالضحك وانا كل دقيقة اعاين لي موبايلي هديل جاها تلفون من مدثر شالتو وجرت جوة تتكلم امي قالت عبير اختكن ماضربت ليكم نهال قالت ليها ضربت قالت ولدا عيان مودياهو الدكتور امي قالت لي جيهان اضربي اساليها من وليدا اختك مشفقاني عليها بعد رجعت بيتا حمدتا الله ان شا الله نسيبتا ماتعمل ليها مشاكل تاني بقت كل ماتشوفني في بيت بكى ولا عرس تسمعني كلام يهز البدن وانا ماعاوزا اكلم بيهو عبير عارفاها مابتخليها ضربتا سالتها من ولدا قالت لي عندو التهاب شديد بكره بجيبو وجاية بيتنا تعبتة من السهر وزول بساعدنى مافي وسالتني من ناس بيتنا قالت لي نهال قالت مشيتو السوق قلتة ليها هديل مقرشة اشترت ليك جلابية ونهال وامي قالت لي خلاص لي بكره مااكمل رصيدك وطمني امي رقدنا وانا مانمتة افكر في كلام المعز وخايفة يعرس خطيبتو واخش في صدمة بقيت اقول اخير اقنع نفسي انو ما لي نمتة صحيت بدري صليت الصبح ودعيت ربنا لو المعز فيهو خير لي تم لينا ولو فيهو شر ابعدو مني ومن صميم قلبي بقول دا ما حقي من حق واحدة تانية اصبحنا الصباح وكلو قام علي اشغالو اخواتي الصغار بمشو في الاجازة الخلوه وانا وهديل النضافة ونهال مع امي المطبخ وابوي فات شغلو نحنة اجتمعنا في صينية الفطور امي عملت لينا فتة عدس قبل ما ناكل عبير جات شايلة شنطة ومعاها راجلة امي عزمتو يفطر قال مافي طريقة شلنا الولد منها وكان محموم فطرنا ونهال عملت الشاي بقينا نتونس في البرندة عبير قالت لي هديل قومي جيبي لي الجلاليب اختار براي امي ونهال بيكونو شالو السمحات اختارت ليها واحدة تاني الشفع جو فطرناهم ونهال ساقتم المظلة البره فيها تلفزيون قعدتم هناك تلفوني ضرب لقيتو المعز قال لي كيف اخبارك قلتة ليهو تمام قال لي ح اجيك بعدين في المكتبة قلتة ليهو المكتبة مقفولة صاحبة عندو بكي في بورسودان قال بيقعد خمسة يوم وبجي وانا قلتة ليهو مابقدر اكون براي دي مسؤلية قال لي طيب اشوفك كيف قلتة ليهو ضروري يعني الاقيك قال لي ضروري انا امبارح ما تميت كلامي معاك قلتة ليها مابقدر اطلع امبارح مرقنا السوق مابقدر الليلة اشوف عزر تاني ابوي صعب في قصص المرقة قال لي ح اجيك في حتتك بس شوفي سبب اطلعي بره البيت قلتة ليهو طيب قلتة لي امي ماشة اودي فستان اسماء بت عمي وفعلا شلتو وديتو ضرب لي وراني واقف وين مرقتة من ناس عمي ركبتة العربية معاهو سلم علي وقال مشتاقين ابتسمتة ليهو قال لي احلا ابتسامة قلتة ليهو بفتح الباب وانزل لو كترتة كلام زي دا ضحك قال لي امي عاوزاني اعقد علي خطيبتي يوم عرس سهام قلتة ليهو جاي تبشرني يعني 😂قال لي ابدا عملتة شي عمري ماعملتو علي امي رفعتة صوتي وقلتة ليها انا ماعاوز البت دي وح افسخ خطوبتي منها انت عملتي فيني شنو انا من يوم ماتعرفتة عليك بقيت زول تاني قلتة ليهو ان شاء الله تكون للاحسن قال لي اكيد قال لي بكره اجي اسوقك قلتة ليهو لا جاين انا و حبيبت مهند بامجاد قال لي برجعكم انا قلتة ليهو تمام واسي ممكن تخليني انزل قبال اهلي يفقدوني قال لي انا كمان ماشي المستشفي عندي مريض حالتو ما مستقرة وبعد العرس بيومين برجع شغلي واسيب قلبي هنا حافظي عليهو قلتة ليهو انت طبيب قلب بتقدر تعيش بدون قلب قال لي بخت واحد صناعي يصبرني لحدي ماتجيني هناك قلتة ليهو وين قال لي في لندن قلتة ليهو وقرايتي قال لي هناك بتقري دي مشكلة جاهو تلفون اهلين مابقدر انا مافاضي اعملي البريحك وقفل التلفون سالتو دي منو كانت خطيبتو قالت ليهو عاوزا اقابلك طيب اجيك انا قالت ليهو لما ما عاوزني خاطبني لي نحنة نفسخ الخطوبة احسن قال ليها اعملي البريحك قلتة ليهو حرام قال لي خلاص امشي اعقد عليها سكتة قال لي ماتصعبيها علي قمتة ودعتو مسكني من يدي وباسة قال لي خليك واقفة جمبي انا ماعارف القاها من وين
يتبع.....
