من الصباح ضرب لي مهند قال لي عاوز المحاضرات قلتة ليهو انت غبتا متين قول بسم الله قال لي حقت المره الفاتت انا ما شلتها منك رسلي الشيتات ح ارسل ليك اخوي المعز ماشي الزيتونة لي واحدة زميلتو قال ماشي يقابلة ادعي تكون من نصيبو قلتة ليهو امين طيب قال بجي متين قال لي اديتو رقمك بتصل عليك لما يقرب وسالتو اصبحت كيف قال كويس بس قعاد السرير مزهجني حضرتا المحاضرة الاولي وكان في الجامعة جوطة ناس الحرص بدو يطلعو فينا انا طلعتا الشارع قلتة اول حافلة بنط فيها الضرب والبنبان كان دور وانا بخاف من البنبان شديد بيعمل لي اغماء تلفوني ضرب قبل ما اقول الو كان ساد الهرج والمرج لقيت الزول بيقول لي انتي وين قلتة ليهو جمب الاستوب بتاع كبري المك نمر بعد شوية البنبان بقي يخش عيوني وحلقي الشطة وحسيت بروحي عاوزا تطلع قربت تضربني عربية بعد شوية سامعة الزول المعاي في التلفون بعد هجمتي دي كلها التلفون خاتهو في اضاني😂 قال لي انتي لابسة طرحة بنية قلتة ليهو ايوا قال لي شايفة العربية الرصاصية القدامك انا عيوني بقو مولاعات نار بقدرت قادر فتحت عيني ولا عارفة ياها ما ياها بس ركبتا انا البنبان بعمل لي كتمة نفس ما عارفة انا وين المهم فتحت عيوني شايفة انوار ضعيفة وناس بتتحرك بعد زمن استوعبتة اني في مكان زي المستشفي جات بت وقفت جمبي وبقت تقول لي جيهان جيهان قلتة ليها ايوا قالت للمعاها رجعت لي وعيها طوالي قعدتة علي حيلي اتلفتة وبقيت اعصر في مخي عاوزا اعرف الحاصل لي بديت اتزكر انا ركبتة في عربية ومابعرف سيدا اكيد خطفوني اعمل شنو بيكون تجارة اعضاء اسي اسوي شنو غرفة مجهزة ودكتورين واقفين فيني بعد شوية جاء التالت قال للكان معاي اهلين بدكتور معز عاش من شافك انا هنا انتبهت معز منو انا الاسم دا سمعتا بيهو وين وين حسيت مخي طشة مني جاء علي واحد انا شايفاهو مسك يدي شاف النبض قال لي ارقدي ارتاحي انتي البنبان عمل ليك اغماء ونزل ضغطك قلتة ليهو انا الجابني منو وانا وين قال لي جبتك انا ودي مستشفي انتي ما متزكرا حاجة قلتة ليهو كنت بتكلم في التلفون وكان في صوت ضرب رصاص قال لي كنتى بتتكلمي معاي انا معز اخو مهند انتنفستة الصعداء وهديت قال لي بمجرد ماركبتي معاي العربية وقعدتي في الكرسي فقدتي الوعي وانا اساسا جايي كنتة المستشفي ازور زميلتي اتزكرتة كلام مهند واني ادعي ليهو تكون من نصيبو جات علينا الدكتورة سلمت علي انا قمتة قعدتة ونزلتة رجليني قالت خليك راقدة كان صاحبو داك مرق وجاء تاني سلم علي هو كمان ماقصر شاف النبض قال تمام قلتة ليهم يعني اطلع من المستشفي المعز قال لي اصبري شوية الشوارع بره مقلوبة ماسامعة ضرب الرصاص دا وبدو يتكلمو في الحاصل ومن زمن هم قرو فيها والسنة الدراسية البتضيع بعد ماخلص معاهم كلام قال لي يلا اوصلك قلتة ليهو اقرب مكان موصلات وصلني وشكرا ليك قال لي كويس الجيتك في الحظة المناسبة لانو البنات الكانو معاك جرو قال لي انتي اول مرة تستنشقي البنبان قلتة دي المرة التانية المره الفاتت تعبتة بس ما لي درجة الاغماء ودع الدكاترة وانا شكرتهم وطلعنا لما ركبت العربية قلتة ليهو اهلي بيكونو قلقو علي فتشتة شنطتي مالقيت موبايلي اداني موبايلو بس ماكنتة متزكر رقم ابوي ضرب ليهو مهند قال لي امسكي اتكلمي مع صاحبك جنني تلفونات سلم علي قال لي كفارة قلتة بعد تجي الجامعة بحكي ليك قال المعز حكي لي الحاصل وسالني من الحاصل في الجامعة انتهت المكالمة جاهو تلفون كانت امو قالت ليهو ارجع قالو طلاب جامعة الخرطوم عاملين مظاهرات طمن امو وقفل انا في الحظة دي شفتة الحافلة حقت خطنا طوالي قلتة ليهو اضرب بوري خلي يقيف لي قال لي اوصلك احسن البيت قلتة ليهو مافي داعي دي مواصلاتنا المهم طلعتا الشيتات من شنطتى واديتة ليهو وشكرتو ونزلتة ركبتا الحافلة وزعلانة علي تلفوني الضاع وصلتا البيت وكانت امي مقلقة قالت سمعت وشالت همي قلتة مابقول ليها انا غمرتة وسالتني مابرد علي التلفون قلتة ليها والله يمة وقع مني وماعارفة زاتو وقع وين
يتبع.....
